ايماقتار • 12 ماۋسىم، 2020

كوروناۆيرۋس: نۇر-سۇلتاندا 48 ناۋقاستىڭ جاعدايى اۋىر

52 رەت كورسەتىلدى

ەلوردادا ۆيرۋس جۇقتىرعان جالپى 2 620 ادام انىقتالدى. ونىڭ ىشىندە 270-ءى بالا. 1 829 ناۋقاس نەمەسە 70 پايىزى جازىلىپ شىقتى. بۇل تۋرالى قوعامدىق دەنساۋلىق ساقتاۋ باسقارماسىنىڭ باسشىسى ساۋلە قيسىقوۆا ايتتى، - دەپ حابارلايدى Egemen.kz

تولىق كولەمدە جۇرگىزىلگەن مەديتسينالىق كومەككە قاراماستان، 14 ادام قايتىس بولدى. جاسى شاماسى بويىنشا: 40-50 جاس ارالىعىندا 2 ادام، 50-دەن 60 جاسقا دەيىنگى 4 ادام، 60 جاستان جوعارى 8 ادام.

"ناۋقاستاردىڭ كوپشىلىگىندە قانت ديابەتى، گيپەرتونيا، جۇرەك ىرعاعىنىڭ بۇزىلۋى مەن جۇرەك اۋرۋى، قاتەرلى ىسىك، سونداي-اق زات الماسۋىنىڭ بۇزىلۋى سياقتى جاناما اۋرۋلار انىقتالدى. سونىمەن قاتار، دارىگەرگە كەش قارالۋ، ءوزىن-ءوزى ەمدەۋ جاعدايلارى ناۋقاستاردىڭ دەنساۋلىعىنىڭ ناشارلاۋىنا اكەلىپ سوقتىردى. ناۋقاستار دەرەۋ جانساقتاۋ بولىمىنە جاتقىزىلدى"، دەدى س. قيسىقوۆا.

ونىڭ ايتۋىنشا، بۇگىندە كوروناۆيرۋس ينفەكتسياسىمەن 730 ناۋقاس اۋرۋحانادا جاتىر.  ولاردىڭ ىشىندە 48-ءىنىڭ جاعدايى اۋىر، سونىڭ اراسىندا 18 ناۋقاس وتە اۋىر جاعدايدا. ولاردىڭ وكپەلەرى جاساندى جەلدەتۋ اپپاراتىنا قوسىلعان.

سوڭعى جاڭالىقتار

وتكەن تاۋلىكتە 8 ادام كۆي جۇقتىردى

كوروناۆيرۋس • بۇگىن، 10:35

ۇقساس جاڭالىقتار