شىمكەنت قالاسىنىڭ باس يمامى ب.ابدۋراحمانوۆتىڭ جەتەكشىلىگىمەن وتكەن تازالىق شاراسىنا اباي, ءال-فارابي, ەڭبەكشى جانە قاراتاۋ اۋدانىنداعى مەشىت يمامدارى مەن "زەكەت" قورى "جاستار سەكتورى" وكىلدەرىنىڭ مۇشەلەرى قاتىستى. باس يمامنىڭ ايتۋىنشا, بۇل شارا ايىنا ءبىر رەت ەرىكتى تۇردە وتكىزىلىپ تۇراتىن بولىپ شەشىلدى.
سəۋلەتتى مەشىت شىمكەنتتىڭ جاڭا اكىمشىلىك-ىسكەرلىك ايماعىندا بوي كوتەرۋدە. جەكە ينۆەستور ەسەبىنەن سالىنىپ جاتقان مەشىت كەشەنىندە اۆتوكولىك پاركينگى, كۇننەن قۋات الاتىن قۇرىلعىلار قويىلادى. 8 مىڭ ادامعا ارنالعان ءزاۋلىم مەشىتتىڭ قۇرىلىسىن "مۇناي قۇرىلىس سەرۆيس" جشس جۇرگىزىپ جاتىر. مۇندا سونىمەن قاتار مۇسىلماندىق جورالاردى جاسايتىن ورىندار, كونگرەسس-حولل, تاماقتانۋعا ارنالعان زال, نەكە سارايى, يسلامدىق ءبىلىم بەرۋ ورتالىعى, مەدرەسە, كىتاپحانا مەن اكىمشىلىك بولمەلەر, فيتنەس ورتالىق سالىنادى. مەشىت قۇرىلىسىنىڭ جالپى كولەمى - 12,0058 گا, ال, پاركينگتىڭ جالپى جەر كولەمى 218,8ح58,8م-دى قۇرايدى. مەشىتتىڭ ءتورت مۇناراسى بار. ال نەگىزگى كۇمبەزدىڭ بيىكتىگى – 56 مەتر.
جاۋاپتى مامانداردىڭ مالىمدەۋىنشە, قازىرگى تاڭدا مەشىتتە قۇرىلىس قىزۋ جۇرۋدە. بيىل وندا نەگىزگى قۇرىلىس جۇمىستارى تولىق اياقتالماق. كەلەسى جىلى سىرتقى جانە ىشكى ارلەۋ جۇمىستارى جۇرگىزىلمەك.
ايتا كەتسەك, ساۋلەتتى مەشىت 2021 جىلى ءساۋىر ايىندا, ياعني, رامازان ايى قارساڭىندا ەل يگىلىگىنە بەرىلەدى دەپ جوسپارلانۋدا.
