ءراسىم بارىسىندا ەلباسى كىتاپحاناسىنىڭ ديرەكتورى, ساياسي عىلىمداردىڭ دوكتورى, پروفەسسور ءامىرحان راحىمجانوۆ مەكەمەنىڭ ورتالىق جانە جەرگىلىكتى مەملەكەتتىك ورگاندارمەن جان-جاقتى بايلانىس ورناتىپ, تاۋەلسىزدىك تاريحىن ناسيحاتتاۋ مەن پاتريوت جاستاردى تاربيەلەۋدى قولعا العان ۇيىمدارمەن تىعىز جۇمىس ىستەيتىنىن بەلگىلەدى.
ء"بىز وتاندىق, حالىقارالىق جوبالاردى قارقىندى دامىتۋدا وسكەلەڭ ۇرپاققا تاربيە مەن ءبىلىم بەرۋگە كوپ كوڭىل بولەمىز. عىلىمي-ءبىلىم بەرۋ جوبالارىمىز تۇڭعىش پرەزيدەنتتىڭ تۇجىرىمدىق يدەيالارى مەن جاھاندىق باستامالارىن, "قازاقستان جولىنىڭ" ەرەكشەلىگىن, "ماڭگىلىك ەل" ۇلتتىق يدەياسىنىڭ ءمانىن, ەلباسىنىڭ ماقالالارى مەن باعدارلامالارىن زەرتتەيدى. اشىلعان ساتىنەن باستاپ ەلباسى كىتاپحاناسى سەرىكتەستىكتى دامىتۋ ماقساتىندا ءبىر قاتار مەموراندۋمعا قول قويىپ ۇلگەردى. مۇنداي كەلىسىم كوپتەگەن جوبالار مەن باعدارلامالاردى اقىلداسا دايىنداۋعا, بىرلەسىپ جۇزەگە اسىرۋعا جاعداي جاسايدى. قازاقستان رەسپۋبليكاسى قورعانىس مينيسترلىگىنە قاراستى مەكەمەلەرمەن ەلباسى كىتاپحاناسى كوپتەن بەرى ءتۇرلى ءىس-شارالاردى ۇيىمداستىرىپ كەلەدى. سوندىقتان بۇل مەموراندۋمنىڭ ءبىز ءۇشىن ماڭىزى زور", – دەدى ول.
وسى تۇستا بۇرىننان سەرىكتەس ەلباسى كىتاپحاناسى مەن تۇڭعىش پرەزيدەنت – ەلباسى اتىنداعى ۇلتتىق قورعانىس ۋنيۆەرسيتەتىنىڭ ءبىر قاتار شارا ۇيىمداستىرعانىن ايتا كەتكەن ءجون. قوعامدىق ماڭىزى بار ولاردىڭ قاتارىنا "ستراتەگيا–2050" نەگىزىندە قازاقستان رەسپۋبليكاسى قاۋىپسىزدىگىن قامتاماسىز ەتۋدىڭ وزەكتى ماسەلەلەرى: تاجىريبە جانە جوسپار" دوڭگەلەك ۇستەلى, "ەل تاعدىرىن ايقىنداعان تاۋەلسىزدىك" فورۋمى, "جاستار ورتاسىندا ءدىني ەكسترەميزمنىڭ تارالۋى: جاعدايى جانە دامۋ ۇدەرىسى" ءدارىسى, كوشپەلى ەكسكۋرسيالار, ت.ب. كىرەدى. ال 2016-2019 جىل ارالىعىندا وتكەن ەلباسى كىتاپحاناسىنىڭ سەمينار-ترەنينگتەرىنە ۇلتتىق قورعانىس ۋنيۆەرسيتەتىنەن 200 ادام قاتىسىپ ۇلگەرگەن.
قۇجاتقا قول قويعان قازاقستان رەسپۋبليكاسىنىڭ قورعانىس ءمينيسترى, گەنەرال-لەيتەنانت نۇرلان ەرمەكباەۆ ەلىمىزدىڭ ۇلتتىق قاۋىپسىزدىگىن قامتاماسىز ەتۋگە ن.ءا. نازارباەۆتىڭ زور ەڭبەك سىڭىرگەنىن ايتىپ ءوتتى.
" ۇلى دالانىڭ جەتى قىرى", "بولاشاققا باعدار: رۋحاني جاڭعىرۋ" ماقالالارىنا نەگىز بولعان تۇڭعىش پرەزيدەنتتىڭ باستامالارى مەملەكەتتىڭ دامۋ ۆەكتورىن انىقتاپ قانا قويماي, قوعامدىق سانانى دا, ازاماتتاردىڭ تاريحي جادىن دا جاڭعىرتادى, قارۋلى كۇشتەردىڭ تاربيە جۇمىسىن باعىتتايدى. وتان قورعاۋشىلار ار-نامىس پەن ەرلىكتىڭ, پاتريوتتىق پەن حالىققا قىزمەت ەتۋدىڭ ۇلگىسى بولىپ كەلەدى. ەلباسى كىتاپحاناسىنىڭ كورمەلەرى, سەمينار-كونفەرەنتسيالارى قاتىسۋشىلاردىڭ كوشباسشىلىق قاسيەتىن ارتتىرىپ, ءىس پەن ەلگە ادال بولۋدىڭ قۇشتارلىعىن وياتادى", - دەدى ول. ءسوز سوڭىندا ول ەلباسى كىتاپحاناسىنىڭ قىزمەتىن جوعارى باعالاپ, ورتاق جۇمىستىڭ سۇبەلى جەتىستىككە تولى بولارىنا سەنىمدىلىك تانىتتى.
