سونداي-اق 11-ءشى-سىنىپ تۇلەكتەرى ۇلتتىق تەستىلەۋ ورتالىعىنىڭ سايتى ارقىلى بىلىمدەرىن ونلاين تۇردە تەكسەرە الادى. ۇبت شاراسى وڭىرىمىزدە 21 ماۋسىم 4 شىلدە ارالىعىندا وتەدى. تەست تاپسىرۋعا ارنالعان 9 ورىن دايىندالعان. وقۋشىلار مەديتسينالىق بەتپەردە مەن قولعاپ كيەدى.
اۋدانداردا دا بارلىق جاعداي قاراستىرىلعان. قازىرگى ۋاقىتتا 56 اۋديتوريا دايىندالدى. بيىل بۇل سىناقتى تاپسىرۋعا 3250 تۇلەك دايىندالۋدا. بۇل مەكتەپ بىتىرۋشىلەردىڭ 86,2 پايىزىن قۇرايدى. ۇبت تاپسىرۋ كەزىندە اۋديتورياداعى ورىندار سانىنىڭ 50 پايىزعا قىسقارادى. نىساندار زاڭسىزدىققا جول بەرمەيتىن ارنايى قۇرىلعىلارمەن جابدىقتالعان, بەينەباقىلاۋمەن قامتىلعان.
وقۋشىلاردىڭ باسىم كوپشىلىگى وبلىس ورتالىعىنداعى مەملەكەتتىك پەداگوگيكالىق ۋنيۆەرسيتەتىنىڭ اۋديتورياسىندا تاپسىرادى. ۇبت تاپسىرۋ كەزىندە اۋديتورياداعى ورىندار سانىنىڭ 50 پايىزعا قىسقارادى. بيىل تۇلەكتەر تۇڭعىش رەت بەت-الپەتتى انىقتايتىن قۇرىلعىدان ءوتۋ ارقىلى اۋديتورياعا كىرگىزىلەدى. سەرتيفيكات ەلەكتروندى نەگىزدە بەرىلمەك. ال اتا-انالار بالالارىن ونلاين رەجيمدە باقىلاي الادى. تەستىلەۋ ناۋقانى كەزىندە سانيتارلىق شارا قاتاڭ ساقتالادى.
سونىمەن قاتار قوسىمشا كابينەتتەر دە بار. مەديتسينالىق بولىمشە مەن جەدەل جاردەم قىزمەتىنىڭ ماماندارى دا جۇمىس ىستەيدى. شالعاي اۋىلدان كەلگەن وقۋشىلاردى جاتاتىن ورىنمەن جانە تاماقپەن قامتۋ ماسەلەسى دە شەشىلەدى. تاسىمالدايتىن كولىكتەر تەحنيكالىق بايقاۋدان وتكىزىلەدى.
ءوڭىر باسشىسى ابىلقايىر سقاقوۆ ۇبت-نى ويداعىداي وتكىزۋدە قاجەتتى شارالاردى وبلىستىق دەنساۋلىق ساقتاۋ باسقارماسى مەن وبلىستىق پوليتسيا دەپارتامەنتىنىڭ باسشىلىعىنا قاۋىپسىزدىك شارالارىن كۇشەيتۋدى تاپسىردى.
پاۆلودار وبلىسى
