قوعام • 11 ماۋسىم، 2020

كاسىپكەرلىك نەگىزدەرىن يگەرۋدە

12 رەت كورسەتىلدى

ايەلدەر كاسىپكەرلىگىن دامىتۋ – مەملەكەتتىك ساياساتتىڭ باسىم باعىتتارىنىڭ ءبىرى ەكەنى انىق. وسى باعىتتا ورىندالىپ جاتقان وڭتاي­لى جۇمىستار دا جەتەرلىك. سو­نىڭ ءبىرى – «كاسىپكەر انا» جوباسى دەسەك قاتە­لەسپەسپىز.

نۇر-سۇلتان قالالىق اكىمدىگىنىڭ مالىمەتىنشە، بۇگىندە جوبادا ونلاين رەجىمدە وقۋعا 1200-دەن استام ءوتىنىم كەلىپ تۇسكەن. ىرىكتەۋ ناتيجەسىندە، 500-گە جۋىق ايەل بارلىق تالاپتارعا ساي كەلىپ، قازىر 200-گە جۋىق ادام بىلىمدەرىن جەتىلدىرۋدە. ءۇش بالانىڭ اناسى اينۇر جازىقباەۆا التى اي بۇرىن تاپسىرىسپەن تورتتار مەن بالىشتەر پىسىرە باستاعان. كاسىپپەن اينالىسقىسى كەلەتىن ايەلدەرگە ارنالعان تەگىن كۋرستار تۋرالى بىلگەن ول، مۇمكىندىكتى جىبەرىپ الماۋدى ءجون كورگەن.

 «مەنىڭ ويىمشا، وسىنداي مۇمكىندىك بەرىلسە، ونى پايدالانۋ كەرەك. «كاسىپكەر انا» جوباسى ءارتۇرلى باعىتتار بويىنشا ترەنينگتەردەن تۇرادى. مەن ءوز ونىمدەرىمدى الەۋمەتتىك جەلىلەردە تانىتۋ ءۇشىن SMM-ءدى تاڭدادىم. بۇرىن-سوڭدى ەشقاشان بىلمەيتىن كوپتەگەن ءتاسىلدى ۇيرەندىم. مىسالى، ءوز ءونىمىمدى دۇرىس جارنامالاۋدى، ونى قالاي جۇزەگە اسىرۋدى مەڭگەردىم»، دەيدى اينۇر جازىقباەۆا. ەندى ول كۋرستاردا فوتوگراف ماماندىعىن مەڭگەرىپ، ادەمى سۋرەتتەر ۇسىنۋدى ۇيرەنۋدى جوسپارلاپ وتىر. وعان قوسا ترەنينگ ونلاين رەجىمىندە وتكەندىكتەن، ۇيدەن شىقپاي جانە بالالاردى قاراۋسىز قالدىرماي بارلىق قاجەتتى داعدىلاردى الۋعا مۇمكىندىك بار.

ەسكە سالايىق، «كاسىپكەر انا» الەۋمەتتىك جوباسىنىڭ تۇساۋكەسەرى وتكەن جىلدىڭ قىركۇيە­گىندە ءوتتى. ونىڭ مىندەتى كوپبالالى ايەلدەرگە، جال­عىزباستى انالارعا، تابىسى از ايەلدەرگە، سون­داي-اق مۇگەدەك بالالاردى تاربيەلەپ وتىرعان انا­لارعا جەكە ءىسىن باستاۋعا كومەكتەسۋ.

ايتا كەتەتىن تاعى ءبىر جايت، وقىتۋ 11 نەگىزگى با­عىت­­تا وتەدى. ولار ماسساج، Sمم، كوپيرايتينگ، گرا­في­­كا­لىق ديزاين، سۋرەتكە ءتۇسىرۋ، مانيكيۋر، اسپاز، كونديتەر اسپاز، ەسەپشى، كوۋچ/پسيحولوگ، تىگىنشى. ايەلدەر باعىتتاردىڭ بىرەۋىن تاڭداپ، وقي الادى جانە كۋرستى اياقتاعانى تۋرالى سەرتيفيكات الادى.

سوڭعى جاڭالىقتار

«كيىك جاپپاي قىرىلىپ جاتىر»..

ايماقتار • بۇگىن، 14:15

پنەۆمونيادان 5 ادام قايتىس بولدى

كوروناۆيرۋس • بۇگىن، 10:00

شقو-دا تۇرعىندار ەۆاكۋاتسيالاندى

ايماقتار • 09 ءساۋىر، 2021

تاسقىن قاۋپى اۋەدەن زەرتتەلدى

ايماقتار • 09 ءساۋىر، 2021

الماتىدا تاۋ باۋرايى وتقا وراندى

ايماقتار • 09 ءساۋىر، 2021

ۇقساس جاڭالىقتار