ۇكىمەت • 10 ماۋسىم، 2020

كولىك جونىندەگى كەڭەستىڭ وتىرىسى ءوتتى

15 رەت كورسەتىلدى

پرەمەر-مينيستر اسقار ءماميننىڭ توراعالىعىمەن كولىك جونىندەگى كەڭەستىڭ وتىرىسى ءوتتى، - دەپ حابارلادى Egemen.kz

وندا جولاۋشىلار ۆاگوندارىن شىعارۋ، تەمىر جول ينفراقۇرىلىمىن جانە جالپى قازاقستاننىڭ ترانزيتتىك-كولىك الەۋەتىن دامىتۋ جونىندەگى جوبالاردى ىسكە اسىرۋ ماسەلەلەرى قارالدى.

اتاپ ايتقاندا، اكىمشىلىك كەدەرگىلەردى ازايتۋ، تاريفتىك ساياساتتى وڭتايلاندىرۋ، ينفراقۇرىلىمدى جاڭعىرتۋ، كونتەينەرلىك سەرۆيستى ارتتىرۋ، ونىڭ ىشىندە كونتەينەرلىك پويىزداردىڭ جىلدامدىعىن ارتتىرۋ ارقىلى قازاقستاندىق تەمىر جول ترانزيتتىك دالىزدەرىنىڭ باسەكەگە قابىلەتتىلىگىن ارتتىرۋ بويىنشا شارالار قابىلداۋ كوزدەلگەن.

"قازاقستاننىڭ ترانزيتتىك-كولىك الەۋەتىن ودان ءارى دامىتۋ جانە ونىڭ كونتەينەرلىك تاسىمالداردىڭ جاھاندىق نارىعىنداعى باسەكەگە قابىلەتتىلىگىن ارتتىرۋ جونىندەگى جۇمىستاردى جانداندىرۋ قاجەت"، - دەدى ا. مامين.

ۇكىمەت باسشىسى وسى جىلعا جوسپارلانعان اۆتوجول سالاسىنداعى ءىرى ينفراقۇرىلىمدىق جوبالاردى ۋاقىتىلى ءارى ساپالى اياقتاۋدى، سونداي-اق اۆتوموبيل جولدارىنا اقى تولەۋ جۇيەسىن ەنگىزۋدى جەدەلدەتۋدى تاپسىردى.

سونداي-اق وتىرىسقا قاتىسۋشىلار قالاداعى جولاۋشىلار تاسىمالىن دامىتۋ، ەاەو-دا كولىكتە ناۆيگاتسيالىق پلومبالاردى پايدالانۋ جانە ت. ب. بويىنشا شارالار كەشەنىن قاراستىردى.

 
سوڭعى جاڭالىقتار

«كيىك جاپپاي قىرىلىپ جاتىر»..

ايماقتار • بۇگىن، 14:15

پنەۆمونيادان 5 ادام قايتىس بولدى

كوروناۆيرۋس • بۇگىن، 10:00

شقو-دا تۇرعىندار ەۆاكۋاتسيالاندى

ايماقتار • 09 ءساۋىر، 2021

تاسقىن قاۋپى اۋەدەن زەرتتەلدى

ايماقتار • 09 ءساۋىر، 2021

الماتىدا تاۋ باۋرايى وتقا وراندى

ايماقتار • 09 ءساۋىر، 2021

ۇقساس جاڭالىقتار