قالا اكىمى مۇرات ايتەنوۆتىڭ توراعالىعىمەن "شىمكەنت قالاسىنىڭ دامۋ باعدارلاماسى" اياسىندا جوبالىق كەڭسەنىڭ العاشقى وتىرىسى ءوتتى. جيىننىڭ كۇن تارتىبىندە جوبالىق رولدەردى جانە باسشىلاردىڭ جەكە جاۋاپكەرشىلىگى مەن جوبالىق كەڭسەنىڭ 2020 جىلعا ارنالعان جۇمىس جوسپارىن بەكىتۋ, قازاقستان ۇكىمەتىنىڭ ەكونوميكالىق ءوسۋدى وسى جىلدىڭ سوڭىنا دەيىن قالپىنا كەلتىرۋدىڭ كەشەندى جوسپارىن شىمكەنت قالاسىندا جۇزەگە اسىرۋ سىندى 3 ماسەلە قارالدى.
قالا باسشىسى اتالعان جوبانى ءتيىمدى جۇزەگە اسىرۋ ءۇشىن ارنايى ينديكاتورلىق جۇيەگە قوسىلۋعا تاپسىرما بەردى. ول اۋدان, باسقارما باسشىلارى مەن اكىم ورىنباسارلارىنىڭ جۇمىسىن ونلاين تۇردە باقىلاپ وتىرۋعا مۇمكىندىك بەرەدى.
– وسى ينديكاتور ارقىلى ءبىزدىڭ ىستەگەن جۇمىسىمىزدىڭ ناتيجەسى ونلاين تۇردە كورىنەدى. اسىرەسە پاندەميا كەزىندە وتە ءتيىمدى. اتالعان جوبا العاش بولىپ شىمكەنتتە قولعا الىنىپ جاتىر. سوندىقتان وسى جۇمىستى شىن كوڭىلمەن, بىرىگىپ جاساۋعا شاقىرامىن, - دەدى م.ايتەنوۆ.
ايتا كەتەيىك, جوبالىق كەڭسەنىڭ نەگىزگى مىندەتى قالا دەڭگەيىندەگى پروبلەمالىق ماسەلەلەردى شەشۋگە جاردەمدەسۋ.
