"كەزدەسۋ بارىسىندا تۇرعىن ءۇي, مەديتسينالىق كومەك جانە قوسىمشا ءبىلىم الۋ, جۇمىسقا ورنالاسۋ, بالالاردى وڭالتۋ ءۇشىن جاعداي جاساۋ ماسەلەلەرى كوتەرىلدى", – دەپ جازدى التاي كولگىنوۆ ءوزىنىڭ ينستاگرام پاراقشاسىندا.
ونىڭ ايتۋىنشا اتالعان باعىتتار بويىنشا جۇيەلى جۇمىس جۇرگىزىلۋدە. "وڭالتۋ ورتالىقتارىنىڭ جەلىسىن كەڭەيتەمىز, يپپودروم بازاسىندا يپپوتەراپيامەن اينالىسۋعا ارنالعان جابىق مانەجدىڭ قۇرىلىسى باستالدى. سونىمەن بىرگە جاڭا تۇرعىن ءۇي كەشەندەرىنىڭ ءبىرىنشى قاباتىندا الەۋمەتتىك نىساندار اشىلادى. ينۆاتاكسي سانى ەكى ەسە ارتتى. مەديتسينالىق كومەك الۋعا, جۇمىسقا ورنالاسۋعا جانە قوسىمشا ءبىلىم الۋعا كومەكتەسەمىز. كەزدەسۋدە ايتىلعان ماسەلەلەر جۇمىسقا الىندى", – دەدى التاي كولگىنوۆ.
