قوعام • 10 ماۋسىم، 2020

"وتباسىنىڭ الەۋمەتتىك كارتاسى" 1500-گە جۋىق وتباسىنىڭ تۇرمىسىن جاقسارتتى

56 رەت كورسەتىلدى

ەڭبەك جانە حالىقتى الەۋمەتتىك قورعاۋ مينيسترلىگى ىسكە اسىراتىن "وتباسىنىڭ الەۋمەتتىك كارتاسى" جوباسى اياسىندا ءبىر جارىم جىل ىشىندە شامامەن 1 500 وتباسى كۇردەلى جانە داعدارىستى جاعدايدان شىعارىلدى، - دەپ حابارلادى ەحاقم ءباسپاسوز قىزمەتى.

بۇگىنگى كۇنى جوبامەن قازاقستان حالقىنىڭ 100%-ى قامتىلعان. ونىڭ اياسىندا ادام ينديۆيد رەتىندە ەمەس، تۇتاستاي وتباسىن قوعامنىڭ ءبىر بولشەگى رەتىندە قاراستىرىلادى. وسى ساتكە دەيىن مۇنداي ءتاسىل مەملەكەتتىك ورگانداردىڭ ءبىر دە ءبىر اقپاراتتىق جۇيەسىندە بولعان جوق. وتباسىنىڭ الەۋمەتتىك كارتاسى 24 اقپاراتتىق جۇيەدەن 8 مەملەكەتتىك ورگاننىڭ اۆتوماتتاندىرىلعان دەرەكتەرى نەگىزىندە وتباسىنىڭ ناقتى ستاتۋسىن ءدال ايقىنداۋعا مۇمكىندىك بەرەدى. ودان ءارى ومىرلىك قيىن جاعدايعا تاپ بولعان وتباسىلارعا ءومىر ءسۇرۋ دەڭگەيىن ارتتىرۋ ءۇشىن الەۋمەتتىك قولداۋدىڭ ءتۇرلى شارالارى كورسەتىلەدى.

"جوبا اكىمدىكتەرگە بەلسەندى جۇمىس ىستەۋگە مۇمكىندىك بەرەدى. بۇل دەگەنىمىز، وتباسىنىڭ كومەككە جۇگىنۋىن كۇتپەستەن، ونى ءوز بەتىنشە ۇسىنۋ. مىسالى، 2019 جىلى وتباسىنىڭ الەۋمەتتىك كارتاسىنىڭ ارقاسىندا 12،7 مىڭ ادام جۇمىسقا ورنالاستى، 68،8 مىڭ ازامات مەديتسينالىق ۇيىمدارعا تىركەلدى، 72،9 مىڭ بالا ءبىلىم بەرۋ ۇيىمدارىنا بەلگىلەندى. وسى جانە باسقا دا شارالارمەن بىرگە 2019 جىلى 505 وتباسىنىڭ ءومىر ءسۇرۋ ساپاسىن ارتتىرۋعا مۇمكىندىك تۋدى. 2020 جىلى 951 وتباسى كۇردەلى جانە داعدارىستى ومىرلىك ءسۇرۋ دەڭگەيىنەن شىعارىلدى"، – دەدى ەڭبەك جانە حالىقتى الەۋمەتتىك قورعاۋ ۆيتسە-ءمينيسترى ناريمان مۇقىشەۆ.

ەستەرىڭىزگە سالا كەتەيىك، وتباسىنىڭ الەۋمەتتىك كارتاسى قازاقستان ازاماتتارىنىڭ ءال-اۋقاتىنىڭ يندەكسىن ءتيىمدى باقىلاۋعا مۇمكىندىك بەرەدى جانە ول شۇعىل شارالار قابىلداۋ قاجەتتىلىگى تۋرالى اقپاراتتى قامتيدى. اعىمداعى جىلى ونى ودان ءارى جاڭعىرتۋ جوسپارلانۋدا.

 

سوڭعى جاڭالىقتار

75،7 ملن ادام ايتۆ جۇقتىردى

مەديتسينا • كەشە

2021 جىلعى ورازا كەستەسى

رۋحانيات • كەشە

ۇقساس جاڭالىقتار