جالپى وتىرىستىڭ كۇن تارتىبىندەگى ماسەلە بويىنشا الدىمەن قارجى ءمينيسترى ەرۇلان جاماۋباەۆ بايانداما جاسادى. ول 2019 جىلى رەسپۋبليكالىق بيۋدجەتتىڭ اتقارىلۋى قالىپتى ەكونوميكالىق ءوسۋ جاعدايىندا جۇزەگە اسىرىلعانىن, ءىجو-ءنىڭ ءوسۋ قارقىنى 4,5%-دى قۇراعانىن اتاپ ءوتتى.
"نەگىزگى سالالاردا ءوندىرىستىڭ ۇلعايۋى, ىشكى سۇرانىستىڭ كەڭەيۋى جانە قىزمەت كورسەتۋ سەكتورلارىنىڭ دامۋى, جالپى ىشكى ونىمدەگى شاعىن جانە ورتا بيزنەس ۇلەسىنىڭ ۇلعايۋى, سونداي-اق ينۆەستيتسيالىق جوبالاردى ىسكە اسىرۋ ەكونوميكانىڭ ءوسۋىنىڭ نەگىزگى فاكتورلارى بولدى. 2019 جىلى نەگىزگى كاپيتالعا ينۆەستيتسيالاردىڭ كولەمى 8,5%-كە ءوستى. سالالار اراسىندا ينۆەستيتسيالاردىڭ ەلەۋلى ءوسۋى اۋىل شارۋاشىلىعىندا – 41,1%, ونەركاسىپتە – 15%, جىلجىمايتىن م ۇلىكپەن وپەراتسيالاردا 14,7% بايقالدى. ۇكىمەت جۇمىسىنىڭ باسىمدىقتارى – جۇمىسپەن قامتاماسىز ەتۋ, كوپبالالى وتباسىلار مەن جاستاردى قولداۋ جونىندەگى شارالاردى كەڭەيتۋ جانە كۇشەيتۋ", – دەدى مينيستر.
ونىڭ ايتۋىنشا, سونداي-اق ەسەپتى جىلى پرەزيدەنت تاپسىرماسىن ورىنداۋ بارىسىندا حالىقتىڭ الەۋمەتتىك-وسال توپتارىنىڭ ەكىنشى دەڭگەيلى بانكتەردەگى جانە ميكروقارجى ۇيىمدارىنداعى 716 مىڭ كەپىلسىز تۇتىنۋ قارىزدارى وتەلدى. نەگىزگى بورىشتى تولەۋ شارتىمەن وسىماقىلار مەن ايىپپۇلداردى ەسەپتەن شىعارۋ بويىنشا سالىقتىق راقىمشىلىقتى 56 مىڭعا جۋىق شاعىن جانە ورتا بيزنەس سۋبەكتىسى مەن 750 مىڭنان استام جەكە تۇلعا پايدالاندى.
