قپو ارىپتەستىكتىڭ ارقاسىندا جەرگىلىكتى كومپانيالار ءوندىرىس كولەمىن ارتتىردى, وزىق تەحنولوگيالارمەن الماسۋدى جۇزەگە اسىردى, سونداي-اق كونسورتسيۋمدار مەن بىرلەسكەن كاسىپورىندار قۇرۋ ءۇشىن سەرىكتەستەر تابا الدى. يندۋستريالدى-ينتەللەكتۋالدىق دامۋدىڭ جاڭا ساتىسىنا كوتەرىلگەن ولار ەندى قازاقستانداعى ءىرى مۇناي-گاز جوبالارىن ىسكە اسىراتىن سۇرانىسقا يە مەردىگەرلەر بولدى جانە ءارى قاراي دا ءوز قىزمەتىن كەڭەيتۋگە دايىن.
2019 جىلعى ساۋىردەن باستاپ قپو بوناتتي كونسورتسيۋمى – «مونتاجارناۋلىقۇرىلىس» كومپانياسى اق-مەن بىرگە ۋكپگ-2 گازدى كەرى ايداۋدىڭ ءتورتىنشى كومپرەسسورى جوباسىن ىسكە اسىرۋ ءۇشىن كەلىسىمشارت جاساستى. بۇل جوبا جەتەگى ارتتىرۋشى بەرىلىس, MS5002D گاز تۋربيناسى جانە قۇرعاق كۇكىرت گازىن پايدالاناتىن نىعىزداۋىشتىڭ ىلەسپە جۇيەسى بار باسەڭدەتكىش ارقىلى قوسىلعان ءۇش ساتىلى ورتادان تەپكىش كومپرەسسورى بار كومپرەسسوردىڭ بولىگى.
جەرگىلىكتى دانەكەرلەۋشىلەردىڭ كوپشىلىگىن قاتىستىرا وتىرىپ, ع22 ماتەريالىنان جاسالعان قابىرعانىڭ ارتتىرىلعان قالىڭدىعىن قۇبىرلىق بايلاۋ ارقىلى دانەكەرلەۋ كەزىندە, وسى كۇردەلى جۇمىسقا تارتۋ كوپ مىندەتتىڭ ءبىرى بولاتىن. كونسورتسيۋم جۇمىستى قاۋىپسىز ورىنداۋ, ەڭبەك تيىمدىلىگى مەن وندىرىمدىلىگىن ارتتىرۋ داعدىلارىن دامىتۋ ماقساتىندا جەرگىلىكتى مامانداردى وقىتۋعا كىرىستى.
كونسورتسيۋم ماقساتقا جەتۋ ءۇشىن 2019 جىلدىڭ جەلتوقسانىندا تۇڭعىش اۋىلىنداعى ء(بورلى اۋدانى) وندىرىستىك بازاسىنىڭ اۋماعىندا ع22 ماتەريالىنان قۇبىرلىق بايلاۋ ارقىلى دانەكەرلەۋ ءۇشىن, دوعالىق دانەكەرلەۋدىڭ جارتىلاي اۆتوماتتى ءپىسىرۋ اپپاراتىن قوسا وتىرىپ, بارلىق قاجەتتى قۇرال-جابدىقتى جينادى. ال 2020 جىلدىڭ اقپانىندا جەرگىلىكتى دانەكەرلەۋشىلەردى, سونىڭ ىشىندە دوعالىق دانەكەرلەۋ اپپاراتىنىڭ وپەراتورلارىن ينتەنسيۆتى كاسىبي وقىتۋ كۋرسىن ىسكە قوستى. قازىرگى كەزدە وقىتۋ قورىتىندىسى, بىلىكتىلىك باعاسى جانە جۇرگىزىلگەن سىناقتار بويىنشا كونسورتسيۋم قولمەن دانەكەرلەۋدىڭ 35 جەرگىلىكتى دانەكەرلەۋشىسىن, ءتورت جەرگىلىكتى وپەراتوردى دايارلاپ شىقتى. ولاردىڭ ءبارى قازىر جوباعا تارتىلعان.
وسى كونسورتسيۋمدى قۇرۋ باستاماسى قپو-نىڭ قازاقستاندىق وندىرۋشىلەرمەن تابىستى ارىپتەستىگىنىڭ, سونداي-اق قاراشىعاناق جوباسىنداعى جەرگىلىكتى قامتۋدا ۇلەسىن ارتتىرۋدىڭ تاعى ءبىر ۇلگىسى.
بۇگىندە قپو بىرلەسكەن كاسىپورىندار مەن كورسورتسيۋمدار قۇرۋ ءۇشىن شەتەلدىك كاسىپورىندار اراسىنان سەرىكتەستەر ىزدەۋدە, جەرگىلىكتى ءوندىرۋشى كومپانيالارعا ەلەۋلى كومەك كورسەتىپ وتىر. مۇنداي سەرىكتەستىك قوسىمشا جۇمىس ورىندارىن قۇرۋعا, تەحنولوگيالارمەن الماسۋعا, قازاقستاندا جاڭا وندىرىستەردى دامىتۋعا سەپتىگىن تيگىزەدى, جەرگىلىكتى كومپانيالارعا جۇمىس پەن قىزمەتتەردىڭ حالىقارالىق ستاندارتتارعا سايكەستىگىن قامتاماسىز ەتۋگە مۇمكىندىك بەرەدى. بارىمىزگە بەلگىلى, جوعارى ساپا كەلەشەكتە ساتىلاتىن ءونىمدى حالىقارالىق نارىققا شىعارۋدىڭ مۇمكىندىكتەرىن تۋعىزادى. 2020 جىلدىڭ ءبىرىنشى توقسانىندا قپو تاۋارلار مەن قىزمەتتەردى جەتكىزۋ كەلىسىمشارتتارىنداعى جەرگىلىكتى قامتۋ ۇلەسى 59%-عا جەتكەنىن اتاپ وتكەن ءجون.
ارمان قۇسايىنوۆ
