زاڭ جوباسىنىڭ ماقساتى – ناۆيگاتسيالىق پلومبالار مەن ونىڭ ينفراقۇرىلىمىن پايدالانا وتىرىپ, ترانزيتتىك تاسىمالداردى قاداعالاپ وتىرۋ جۇيەسىن قۇرۋ, وسىنداي جۇيەنىڭ ۇلتتىق وپەراتورىن جانە ونىڭ ءوزارا ءىس-قيمىل جاساۋ, ونىڭ ىشىندە ەۋرازيالىق ەكونوميكالىق وداققا مۇشە مەملەكەتتەردىڭ مەملەكەتتىك ورگاندارىمەن ءوزارا ءىس-قيمىل جاساۋ ءتارتىبىن ايقىنداۋ بولىپ تابىلادى.
قۇجات قازاقستان رەسپۋبليكاسىنىڭ مەملەكەتتىك ساتىپ الۋ تۋرالى زاڭناماسىنا سايكەس كونكۋرستىق نەگىزدە حالىقارالىق تاسىمالداردى قاداعالاپ وتىرۋ جۇيەسىنىڭ ۇلتتىق وپەراتورىن ايقىنداۋ بويىنشا قازاقستان رەسپۋبليكاسى ۇكىمەتىنىڭ وكىلەتتىگىن ايقىنداۋعا; قازاقستان رەسپۋبليكاسىنىڭ اۋماعى ارقىلى اۆتوموبيل تاسىمالدارى كەزىندە ناۆيگاتسيالىق پلومبالاردى قولدانۋ جونىندەگى زاڭناما نورمالارىن بەكىتۋگە, سونداي-اق ءوزارا ءىس-قيمىل جاساۋ, پلومبالاردى جالعا الۋ, جاۋاپتىلىق ماسەلەلەرىن رەتتەۋگە باعىتتالعان.
جوبا قابىلدانعاندا ناۆيگاتسيالىق پلومبالاردى پايدالانۋ نەگىزىندە قاداعالاپ وتىرۋ جۇيەسىن قۇرۋ باقىلاۋدى قاشىقتىقتان جۇزەگە اسىرۋعا, سونداي-اق تاۋارلار بار كولىك قۇرالىنىڭ قازاقستان رەسپۋبليكاسىنىڭ جانە ەاەو-عا مۇشە باسقا مەملەكەتتەردىڭ اۋماعى ارقىلى ترانزيتپەن ءوتۋ مارشرۋتىن قاداعالاپ وتىرۋعا مۇمكىندىك بەرەدى.
قۇجات پالاتانىڭ قاراۋىنا جىبەرىلدى.
