ايماقتار • 09 ماۋسىم، 2020

تۇركىستاندا 2 430 وتباسى باسپانالى بولادى

43 رەت كورسەتىلدى

بيىل تۇركىستاندا "نۇرلى جەر" مەملەكەتتىك تۇرعىن ءۇي باعدارلاماسىنىڭ اياسىندا مەملەكەتتىك بيۋدجەت ەسەبىنەن 158 نىساننىڭ قۇرىلىسىنا 36،6 ملرد تەڭگە بولىنگەن.

ونىڭ ىشىندە 40 ارەندالىق، 88 كرەديتتىك تۇرعىن ءۇي، 30 ينجەنەرلىك ينفراقۇرىلىم نىساندارىنىڭ قۇرىلىسى جۇرگىزىلۋدە. جالپى وبلىستاعى مەملەكەتتىك "نۇرلى جەر" باعدارلاماسىنىڭ ساپالى ورىندالۋى قاتاڭ باقىلاۋعا الىنعان.

مەملەكەتتىك بيۋدجەت ەسەبىنەن ساتىپ الۋ قۇقىعىنسىز ارەندالىق 40 كوپ قاباتتى تۇرعىن ۇيلەردىڭ قۇرىلىسى دا قارقىندى جۇرۋدە. جىل سوڭىنا دەيىن 978 پاتەرلى 18 تۇرعىن ءۇيدى پايدالانۋعا بەرۋ جوسپارلانۋدا. سونداي-اق، الەۋمەتتىك كرەديتتىك تۇرعىن ءۇيدى دامىتۋ باعىتىندا، 7 قاباتتى 48، 72 جانە 84 پاتەرلى 24 تۇرعىن ءۇي سالىنۋدا. جىل سوڭىنا دەيىن 1 452 پاتەر تاپسىرىلادى. ياعني بيىل تۇركىستاندا 70 نىسان پايدالانۋعا بەرىلىپ، ناتيجەسىندە 2 430 وتباسى باسپانامەن قامتاماسىز ەتىلەدى.  ال 3 604 جەكە جەر ۋچاسكەلەرىنە ينفراقۇرىلىم جۇيەلەرى جۇرگىزىلەتىن بولادى.

قۇرىلىس بارىسىن باقىلاعان وبلىس اكىمى ومىرزاق شوكەەۆ مەردىگەرلەرمەن كەزدەسىپ، كوپقاباتتى تۇرعىن ۇيلەردىڭ سىرتقى قاسبەتىن ارلەۋدى جۇكتەدى. قولعا العان جۇمىستى جاۋاپكەرشىلىكپەن اتقارۋدى مىندەتتەدى.

1

 

تۇركىستان وبلىسى

سوڭعى جاڭالىقتار

ۇقساس جاڭالىقتار