ايماقتار • 09 ماۋسىم، 2020

نۇر-سۇلتاندا بالاباقشاعا قۇجات قابىلداۋ قاشان باستالادى؟

33 رەت كورسەتىلدى

بيىل 20 198 بالا العاش رەت مەكتەپكە دەيىنگى مەكەمەلەرگە بارادى دەپ حابارلايدى ەلوردا اكىمدىگىنىڭ رەسمي سايتى.

17 ماۋسىمنان باستاپ بارلىق مەكتەپكە دەيىنگى ۇيىمدارعا قۇجات قابىلداۋدى باستاۋ جوسپارلانۋدا. e.astana.kz نەمەسە indigo24.kz ەلەكتروندى جۇيەسىندە مەكتەپكە دەيىنگى ۇيىمداردا (جەكەمەنشىك بالاباقشالار مەن شاعىن ورتالىقتار) بوساعان 20 198 ورىن جاريالاناتىن بولادى (2019 جىلى – 15 مىڭ ورىن بوسادى)، دەپ حابارلادى بۇگىن نۇر-سۇلتان قالاسىنىڭ ءبىلىم باسقارماسى.

بوساعان ورىنداردىڭ ىشىندە 2018 جىلى تۋعاندارعا – 2 442 ورىن، 2017 جىلى تۋعاندارعا – 7 877 ورىن، 2016 جىلى تۋعاندارعا – 5 449 ورىن، 2015 جىلى تۋعاندارعا – 4 430 ورىن قاراستىرىلعان.

"1 ماۋسىمنان بارلىق مەملەكەتتىك مەكتەپكە دەيىنگى ۇيىمداردا ساعات 8.00-دەن 18.00-گە دەيىن اتا-انالار ءۇشىن ونلاين-كونسۋلتاتسيالار ۇيىمداستىرىلدى. قاجەت بولسا اتا-انالار قاتاڭ سانيتارلىق-دەزينفەكتسيالىق شارالاردى ساقتاي وتىرىپ، مەملەكەتتىك مەكتەپكە دەيىنگى ۇيىمدار جانىنداعى كونسۋلتاتسيالىق پۋنكتتەردىڭ كومەگىنە جۇگىنە الادى"، – دەدى باسقارمادا.

توپتاستىرۋدى وتكىزۋ كەستەسى مەن جولدامالاردى الۋ بويىنشا اقپارات بارلىق ينتەرنەت رەسۋرستاردا: ءبىلىم باسقارماسىنىڭ سايتىندا، اكىمدىكتىڭ سايتىندا، ەلەكتروندىق جۇيەدە ورنالاستىرىلادى.

"ەلورداداعى كارانتيندىك شارالار رەجيمىنە بايلانىستى بەرىلگەن جولدامالاردىڭ مەرزىمى اتا-انانىڭ قاتىسۋىسىز اۆتوماتتى تۇردە جۇيەدە ۇزارتىلاتىن بولادى. بارلىق تۋىندايتىن سۇراقتار بويىنشا Call-ورتالىققا 55-68-83، 55-68-73، 1445 تەلەفوندارى ارقىلى حابارلاسۋعا بولادى"، – دەلىنگەن ءبىلىم باسقارماسىنىڭ حابارلاماسىندا.

سوڭعى جاڭالىقتار

ۇقساس جاڭالىقتار