قۇرىلىس جانە تكش ىستەرى كوميتەتى «تكش قازورتالىعى» اق-مەن بىرلەسىپ پيلوتتىق رەجيمدە ەنگىزىلەتىن «ە-قۇرىلىس» جانە «ە-شاڭىراق» جوبالارىن ۇسىندى. سونداي-اق, كورسەتكىشتەردى الىستان بەرە وتىرىپ, ەسەپتەگىشتەردى پريبورلاۋ ماسەلەلەرى, ولاردىڭ ارتىقشىلىقتارى مەن جالپىۇيلىك ەسەپتەۋ قۇرالدارىن ورناتۋدان تۇسەتىن اسەرى تالقىلاندى.
تۇجىرىمدامانى ءتيىمدى ىسكە اسىرۋ بويىنشا جەرگىلىكتى اتقارۋشى ورگانداردىڭ ۋاكىلەتتى وكىلدەرى ءوز سۇراقتارىن قويىپ, مازمۇندى جاۋاپتار الدى.
سونداي-اق, كەڭەس بارىسىندا «مەمگرادكاداستر» رمك باس ديرەكتورى ت. مۇساباەۆ ءسوز سويلەدى, ول اكىمدىكتەرمەن بىرلەسىپ ينجەنەرلىك كوممۋنيكاتسيالىق پۋنكتتەردى تۇگەندەۋ جانە قالا قۇرىلىسى دەرەكتەرىنىڭ بازاسىن قالىپتاستىرۋ بويىنشا جۇرگىزىلىپ جاتقان جۇمىستاردى اتاپ ءوتتى.
ەستەرىڭىزگە سالا كەتەيىك, «Smart City» قۇرۋ ماقساتى حالىقتىڭ ءومىر ءسۇرۋ ساپاسىن جاقسارتۋ جانە قالالىق ينفراقۇرىلىمعا اقپاراتتىق-كوممۋنيكاتسيالىق تەحنولوگيالاردى ەنگىزۋ ارقىلى قالالىق قىزمەتتەر جۇمىسىنىڭ تيىمدىلىك دەڭگەيىن ارتتىرۋ بولىپ تابىلادى.
مينيسترلىك وڭىرلەرمەن بىرلەسىپ قۇرىلىس جانە تكش سالالارىن تسيفرلاندىرۋ بويىنشا ماڭىزدى جۇيەلى جۇمىس جۇرگىزۋدە.
