وبلىستاردىڭ, نۇر-سۇلتان, الماتى جانە شىمكەنت قالالارىنىڭ اكىمدىكتەرى, جۇمىس بەرۋشىلەردىڭ رەسپۋبليكالىق بىرلەستىكتەرى, كاسىپوداقتاردىڭ رەسپۋبليكالىق بىرلەستىكتەرى رەسپۋبليكا كاسىپورىندارىن Vizion Zero حالىقارالىق الەۋمەتتىك قامسىزداندىرۋ قاۋىمداستىعىنىڭ تۇجىرىمداماسىنا قوسۋ بويىنشا اقپاراتتىق كامپانيا وتكىزەدى.
تۇجىرىمداما جاراقات دەڭگەيىنىڭ نولدىك, ال ەڭبەك جاعدايلارىنىڭ قاۋىپسىز بولۋىنا نەگىزدەلەتىن جەتى كەلەسى «التىن ەرەجەنى» قاراستىرادى:
1) كوشباسشى بولۋ – قاعيداتتارعا ادالدىقتى كورسەتۋ;
2) قاۋىپتەردى انىقتاۋ – تاۋەكەلدەردى باقىلاۋ;
3) ماقساتتاردى انىقتاۋ – باعدارلامالاردى ازىرلەۋ;
4) ەڭبەك قاۋىپسىزدىگى مەن گيگيەناسى جۇيەسىن قۇرۋ – ۇيىمنىڭ جوعارى دەڭگەيىنە قول جەتكىزۋ;
5) جۇمىس ورىندارىندا, ستانوكتارمەن جانە جابدىقتارمەن جۇمىس ىستەۋ كەزىندە قاۋىپسىزدىك پەن گيگيەنانى قامتاماسىز ەتۋ;
6) بىلىكتىلىكتى ارتتىرۋ – كاسىبي داعدىلاردى دامىتۋ;
7) كادرلارعا ينۆەستيتسيالاۋ – قاتىسۋ ارقىلى دالەلدەۋ.
بۇگىنگى تاڭدا «Vizion Zero» تۇجىرىمداماسىنا 291 كاسىپورىن قوسىلدى, ولاردىڭ كوپشىلىگى تاۋ-كەن مەتاللۋرگيا جانە مۇناي-گاز سەكتورلارىنا («سنپس-اقتوبەمۇنايگاز» اق, «قازاقالتىن» تكمك» اق جانە ت.ب.) جاتادى, ولاردا وندىرىستىك جاراقاتتانۋدىڭ دەڭگەيى جوعارى.
نولدىك جاراقاتتانۋ تۇجىرىمداماسى ەنگىزىلگەن ساتتەن باستاپ رەسپۋبليكا كاسىپورىندارىندا جازاتايىم وقيعالار سالدارىنان زارداپ شەككەندەردىڭ سانى 7,1%-عا تومەندەدى.
ەستەرىڭىزگە سالا كەتەيىك, 2019 جىلعى 17 ماۋسىمدا جەنەۆا قالاسىندا ەڭبەك جانە حالىقتى الەۋمەتتىك قورعاۋ مينيسترلىگى مەن حالىقارالىق الەۋمەتتىك قامسىزداندىرۋ قاۋىمداستىعى اراسىندا «Vision Zero» نولدىك جاراقات تۇجىرىمداماسىن ىلگەرىلەتۋ بويىنشا ءوزارا تۇسىنىستىك پەن ىنتىماقتاستىق تۋرالى مەموراندۋم جاسالدى.
مەموراندۋم وزىق تاجىريبە جانە وندىرىستىك جاراقاتتانۋدى ايتارلىقتاي تومەندەتۋگە, جازاتايىم وقيعالار مەن ەڭبەك جاعدايلارى زياندى جۇمىس ورىندارىنىڭ سانىن قىسقارتۋعا مۇمكىندىك بەرەتىن الدىن الۋ شارالارىن ىسكە اسىرۋ ماسەلەلەرى بويىنشا تاراپتاردىڭ كۇش-جىگەرىن بىرىكتىرۋگە باعىتتالعان.
