ۇكىمەت • 08 ماۋسىم، 2020

مادەنيەت مەن سپورت سالاسى جاندانادى

24 رەت كورسەتىلدى

مەملەكەت باسشىسى قاسىم-جومارت توقاەۆتىڭ «ورتالىق مەملەكەتتىك ورگاندار باسشىلارىنىڭ حالىق الدىندا ەسەپ بەرۋ كەزدەسۋلەرىن وتكىزۋ» تۋرالى جارلىعىنا سايكەس وتكەن جۇمادا قازاقستان رەسپۋبليكاسى پرەزيدەنتى جانىنداعى ورتالىق كوممۋنيكاتسيالار قىزمەتى الاڭىندا مادەنيەت جانە سپورت ءمينيسترى اقتوتى رايىمقۇلوۆانىڭ حالىق الدىنداعى جىل سايىنعى ەسەپ بەرۋ كەزدەسۋى ءوتتى.

قالىپتاسقان جاعدايعا بايلانىستى قاشىقتىقتان وتكەن ەسەپتىك كەزدەسۋ بارىسىندا اقتوتى راحمەتوللاقىزى مادەنيەت جانە سپورت سالاسىنىڭ وتكەن جىلداعى نەگىزگى قىزمەتتەرىن قورىتىندىلاپ، اتقارىلىپ جاتقان جۇمىستارعا توقتالىپ، الداعى جوسپارلار تۋرالى باياندادى جانە ەل ازاماتتارىنان كەلىپ تۇسكەن سۇراقتارعا ونلاين جاۋاپ بەردى.

باياندامادا بۇگىنگى كۇنى مينيسترلىك تاراپىنان ەلباسىنىڭ «بولاشاققا باعدار: رۋحاني جاڭعىرۋ» جانە « ۇلى دالانىڭ جەتى قىرى» ماقالالارىن، مەملەكەت باسشىسى قاسىم-جومارت توقاەۆتىڭ «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزگى» اتتى جولداۋىن ەلىمىزدىڭ مادەنيەت، تۋريزم جانە تىلدەردى دامىتۋ باعدارلامالارىندا باسشىلىققا الىنىپ وتىرعانى باسا ايتىلدى.

سونداي-اق مينيستر تاريحي-مادەني مۇرالاردى مەملەكەتتىك دەڭگەيدە قورعاۋ مەن ۇلتتىق جادىگەرلەردىڭ جاھاندىق دەڭگەيدە ناسيحاتتالۋىنا جانە تاريحي ەسكەرتكىشتەردىڭ رەستاۆراتسيالىق جۇمىستارىنا دا كەلەر جىلدان باستاپ باسا نازار اۋدارىلاتىندىعىنا توقتالدى.

مينيستر بايانداماسىنان سونىمەن قاتار ادەبيەت، مادەنيەت پەن ونەرگە قاتىستى ماسەلەلەر دە تىس قالمادى. اتاپ ايتساق، 2019 جىلى الاش ارىستارى – ساكەن سەيفۋللين، ءىلياس جانسۇگىروۆ جانە بەيىمبەت ءمايليننىڭ 125 جىلدىق مەرەيتويلارى، قازاقتىڭ كورنەكتى قالامگەرلەرى ءابدىجاميل نۇرپەيىسوۆتىڭ – 95، ءابىش كەكىلباەۆ پەن فاريزا وڭعارسىنوۆانىڭ 80 جىلدىق مەرەيتويلارى رەسپۋبليكا كولەمىندە، قازاق كسر حالىق ءارتىسى ءامينا ومىرزاقوۆانىڭ عاسىر تويى يۋنەسكو شەڭبەرىندە اتالىپ وتكەنىنە توقتالعان اقتوتى راحمەتوللاقىزى، بيىلعى جىلدىڭ دا قازاق رۋحانياتى ءۇشىن اسا جاۋاپتى ءھام تاريحي وقيعالارعا تولى ەكەندىگىن تىلگە تيەك ەتتى.

– 2020 جىل قازاقتىڭ باس اقىنى اباي قۇنانباي ۇلىنىڭ 175 جىلدىق، ءابۋ ناسىر ءال-ءفارابيدىڭ – 1150 جانە ۇلىق ۇلىس التىن وردانىڭ 750 جىلدىعى سىندى ماڭىزدى مەرەيتويلىق ءىس-شارالارعا تولى. وسى جىلى قازاقتىڭ كورنەكتى اقىنى جانە ويشىلى اباي قۇنانباەۆتىڭ مەرەيتويىن اتاپ وتۋدەمىز. اباي فيلوسوفياسى ءبىزدىڭ مادەني جانە ۇلتتىق بىرەگەيلىگىمىزدىڭ اجىراماس بولىگىنە اينالدى. 21 قاڭتاردا «استانا وپەرا» تەاترىندا ۇلى ابايدىڭ مەرەيتويىن تويلاۋدىڭ رەسمي تۇردە اشىلۋى ءوتتى. مەملەكەت باسشىسى قاسىم-جومارت توقاەۆتىڭ دا ۇلى اقىن مەرەيتويى تۋراسىندا ەڭ باستى ماقسات – توي تويلاۋ ەمەس، وي تولعاۋ، وي ءورىسىمىزدى كەڭەيتۋ ەكەندىگىنە زور ءمان بەرىپ وتىرعانىن بىلەسىزدەر. سوعان ساي الداعى ۋاقىتتا اۋقىمدى جۇمىستار اتقارىلۋى كۇن تارتىبىندە تۇر، – دەگەن ا.رايىمقۇلوۆا وتكەن جىلدىڭ مادەني وقيعالارىن دا پىسىقتاپ ءوتتى.

مينيستر بايانداماسىندا كينو مەن تەاتر سالاسىنىڭ جاڭالىقتارى مەن ماسەلەلەرى دە كەڭىنەن ءسوز بولدى. سونىڭ ءبىرى – ەلورداداعى ق.قۋانىشباەۆ اتىنداعى اكادەميالىق قازاق مۋزىكالىق دراما تەاترىنىڭ ەڭسەلى عيماراتقا كوشەتىن تاريحي ءساتى. وسىعان وراي ا.رايىمقۇلوۆا تەاتر ۇجىمىنىڭ بيىل جاڭا عيماراتقا قونىس اۋداراتىندىعى جايلى جاعىمدى جاڭالىقتى ءمالىم ەتتى. سونىمەن قاتار «قازاقستان رەسپۋبليكاسىنىڭ مادەنيەت تۋرالى» زاڭىنا وزگەرىستەر ەنەتىندىگىن، ونىڭ ىشىندە، اسىرەسە ەستراداداعى فونوگراممانى قولدانۋعا قاتىستى ناقتى تالاپتار مەن ەرەجەلەر بەكىتىلەتىندىگى دە ءسوز ەتىلدى. وتاندىق كينەماتوگرافيا مەن جالپى ستسەناريستەردىڭ مارتەبەسىن كوتەرۋ، مەملەكەتتىك دەڭگەيدە دۋبلياج سالاسىنا قارقىندى كوڭىل ءبولۋ ءھام زاماناۋي ۇلتتىق كينومىزدى الەمگە تانىتۋ، سول ارقىلى قازاق مادەنيەتىن جاھاندىق ارەناعا شىعارۋ ماسەلەسى دە مينيستر بايان­داماسىندا جان-جاقتى ءسوز بولىپ، ناقتى جۇمىس جوسپارى جاريا ەتىلدى.

بۇدان بولەك، مينيستر الەمدە بەلەڭ العان كوروناۆيرۋس پاندەمياسىنىڭ سپورت پەن تۋريزم سالاسىنا ايتارلىقتاي زالالىن تيگىزگەنىن ايتا كەلىپ، الداعى ۋاقىتتا جۇيەلى جوسپار قۇرىلىپ، جۇمىستار جاڭا جولعا قويىلاتىنىن اتاپ ءوتتى. ناقتى تارماقتار بويىنشا كەشەندى قۇرىلىپ، جۇيەلى جاسالعان بايانداما الداعى جىلى مادەنيەت مەن سپورت سالاسى جۇمىستارىنىڭ جاڭا باعىتتا جانداناتىندىعىنان حابار بەردى.

 

سوڭعى جاڭالىقتار

ءدۇبىرلى «دالا ديدارى»

ونەر • بۇگىن، 08:34

تۇيە كوتەرگەن تيمۋر

ايماقتار • بۇگىن، 08:32

جىگەر جانىعان جۇزدەسۋ

ساياسات • بۇگىن، 08:26

ۆاكتسينالاۋ – ماڭىزدى مىندەت

ۇكىمەت • بۇگىن، 08:17

قاراعاندىدا كارانتين كۇشەيتىلدى

ايماقتار • بۇگىن، 08:09

بيزنەستە ايەلدەردىڭ ۇلەسى قانداي؟

ەكونوميكا • بۇگىن، 07:59

URKER ۇسىنعان ۇزدىكتەر

ونەر • بۇگىن، 07:57

كوروناۆيرۋس باسەڭدەر ەمەس

الەم • بۇگىن، 07:56

كەشىرىم ايى كەلدى

رۋحانيات • بۇگىن، 07:50

ءۇشىنشى بەسجىلدىق: مەجە مەن مىندەت

ەكونوميكا • بۇگىن، 07:35

بايراعى بيىك باعزى ونەر

رۋحانيات • بۇگىن، 07:33

ەكى الپاۋىتتىڭ ايقاسى

بوكس • بۇگىن، 07:25

پاۆلوداردا جاعداي كۇردەلەنە ءتۇستى

كوروناۆيرۋس • بۇگىن، 07:21

ورازانىڭ ءار ءساتى ساۋاپ

رۋحانيات • كەشە

ءسوزدىڭ جەتى بوياۋى

تانىم • كەشە

ۇقساس جاڭالىقتار