تەاتر • 08 ماۋسىم، 2020

ورىس تەاترىنىڭ ارتىستەرى ءانۇراندى شىرقادى

67 رەت كورسەتىلدى

ەلورداداعى م.گوركي اتىنداعى اكادەميالىق ورىس دراما تەاترىنىڭ ارتىستەرى قازاقستان رەسپۋب­ليكاسىنىڭ مەملەكەتتىك رامىزدەر كۇنىن مەرەكەلەدى. تەاتر عيماراتىنىڭ الدىندا جينالعان ساحناگەرلەر بارلىعى بىرگە ءانۇراندى قوسىلىپ شىرقادى.

تەاتر ديرەكتورى ايبولات ءجاۋدىردىڭ باستاماسىمەن تەاتر اۋلا­سىندا ساپ تۇزەگەن سيقىرلى ساحنا شەبەرلەرى قولىن وڭ جاق كەۋد­ەسى – جۇرەك تۇسىنا قويىپ، زور ما­حاببات ءھام پاتريوتتىق رۋح­تا ەلى­مىزدىڭ ءانۇرانىن ورىندادى.

– بيىلعى كوكتەم بارلىق ونەر ۇجىمى ءۇشىن ەرەكشە جاعدايدا ءوتتى. كورەرمەنسىز قالعان تەاتر­لار استە ەڭسەسىن تۇسىرمەي، كەرىسىنشە الداعى ماۋسىمعا دايىندىعىن كۇشەيتىپ، مامىراجاي جاز مەزگىلىمەن بىر­گە جاڭا قويىلىمداردىڭ تۇ­ساۋىن كەسۋگە قىزۋ دايىندىق ۇستىندە. م.گوركي اتىنداعى اكادەميالىق ورىس دراما تەاترى ۇجىمى دا تەاتر زالىن لىق تولتىراتىن كورەرمەنىن، ونەرسۇيەر قاۋىممەن ەتەنە ارالاسار شۋاقتى كۇندەرىن ساعىندى. وسىعان وراي مەملەكەتتىك رامىزدەر كۇنىندە كوپپەن بىرگە ءانۇرانىمىزدى شىرقاپ، كورەرمەندەرىمىزگە، جالپى قازاق ەلىنە زور قۇرمەتىمىزدى، پاتريوتتىق سەزىمىمىزدى جەتكىزگى­مىز كەلدى. لايىم تۋىمىز تۇعىر­لى، ەلتاڭبامىز ەڭسەلى، ءانۇرانى­مىز ايبىندى، ەلدىگىمىز ماڭگىلىك بولعاي! – دەدى تەاتر ديرەكتورى.

كارانتين ۋاقىتىندا دا ىز­دە­نىستەن قول ۇزبەگەن تەاتر ار­تىس­تەرى ەكى اي بويى ارنايى مۋزىكا مامانىمەن قازاق ان­دەرىن ۇيرەنىپتى. ناتيجەسى 9 مامىر – ۇلى جە­ڭىستىڭ 75 جىل­دىق مەرەيتويىنا وراي سەيدوللا بايتەرەكوۆتىڭ ايگىلى ء«اليا» ءانىن ونلاين ورىن­داپ، كورەرمەننىڭ ىستىق ىقى­لاسىنا بولەنسە، مەملەكەت­تىك رامىزدەر كۇنى ورىنداعان ءانۇران – ەلوردالىق م.گوركي اتىنداعى اكادەميالىق ورىس دراما تەاترى ۇجىمىنىڭ قازاق ەلىنە جاساعان تاعى ءبىر تاماشا تارتۋى.  

 

سوڭعى جاڭالىقتار

جىل ءسوزى

الەم • بۇگىن، 20:36

ەنەرگەتيكا – ەكونوميكا درايۆەرى

ەكونوميكا • بۇگىن، 20:31

قۇلدىرامايتىن قۇندىلىق

تانىم • بۇگىن، 20:20

اۋعانستاندا جارىلىس بولدى

الەم • بۇگىن، 12:21

ۇقساس جاڭالىقتار