ولاردىڭ جۇمىستارىنىڭ نەگىزگى شارتى كورشى ستولداعى وتىرعان كەلۋشىلەرمەن كەمىندە 2 مەتر ارا قاشىقتىقتى ساقتاۋ جانە ءبىر ستولعا, ءبىر وتباسى مۇشەلەرىن ايتپاعاندا, 4 ادامنان ارتىق ادام وتىرعىزباۋ قاداعالانادى. قوعامدىق تاماقتاندىرۋ نىساندارىنىڭ جۇمىسىنا ساعات 23:00-گە دەيىن رۇقسات بەرىلدى.
الەۋمەتتىك قاشىقتىقتاندىرۋ قاجەت بولعاندىقتان, اتالعان مەكەمەلەردە وتىرعىزۋ ورىندارىنىڭ سانى ەڭ كەم دەگەندە 1,5-2 ەسەگە تومەندەپ كەتتى. بۇدان باسقا, كەيبىر نىسانداردا جازعى الاڭدار جوق.
حالىق اراسىنداعى جوعارى ماۋسىمدىق سۇرانىستى ەسكەرە وتىرىپ جانە قىزمەت كورسەتۋ سالاسىنىڭ نىساندارىن قولداۋ ماقساتىندا, الماتى قالاسىنىڭ اكىمدىگى جازعى الاڭدار سانىن, ولاردى ىرگەلەس جاتقان اۋماقتارعا ورنالاستىرۋ ەسەبىنەن, ارتتىرۋ مۇمكىندىگىن ۇسىنۋ تۋرالى شەشىم قابىلدادى.
وسىلايشا, بۇدان بۇرىن جازعى الاڭدارى جوق نىساندارعا مەيرامحانانىڭ نەمەسە كافەنىڭ ىرگەلەس جاتقان اۋماعىنا, كۇردەلى قۇرىلىس سالماي, ۋاقىتشا, ەپيدەميولوگيالىق جاعداي تۇراقتانعانعا جانە شەكتەۋ شارالارى الىنعانعا دەيىن قوسىمشا ورىندار قويۋعا رۇقسات ەتىلەدى. بۇل رەتتە, ستولدار جاياۋ جۇرگىنشىلەرگە, ۆەلوسيپەدشىلەرگە, سونداي-اق اۆتوموبيل كولىگىنىڭ جۇرۋىنە كەدەرگى نەمەسە قولايسىزدىق كەلتىرمەۋى ءتيىس.
الماتى قالاسىنىڭ مەنشىگىندەگى جەر تەلىمدەرىنىڭ شەكارالارىندا ماۋسىمدىق كافەلەردى (جازعى الاڭداردى) ورنالاستىرۋ جەر-قۇقىقتىق قاتىناستارى راسىمدەلمەي جۇزەگە اسىرىلادى. الايدا, اتالعان نىسانداردى تۇرعىن ۇيلەردىڭ تەرەزەسىنىڭ الدىنان اشۋعا, سول ۇيلەردىڭ تۇرعىندارىنىڭ جازباشا كەلىسىمى بولعان جاعدايدا عانا رۇقسات ەتىلەدى. نىسانداردىڭ قىزمەتىنە بارلىق سانيتاريالىق-ەپيدەميولوگيالىق تالاپتار ساقتالعان جاعدايدا, رۇقسات ەتىلەدى.
سونىمەن بىرگە, قازىرگى ۋاقىتتا, قالادا بانكەتتەر مەن سالتاناتتى جيىندار وتكىزۋگە سالىنعان تىيىمدار سول كۇيىندە قالىپ وتىر. سونداي-اق, اتالعان كەزەڭدە كاراوكە, بيليارد جانە باسقا دا قوعامدىق تاماقتاندىرۋ اۋماعىندا جۇمىس ىستەيتىن كوڭىل كوتەرەتىن مەكەمەلەردىڭ جۇمىسىنا تىيىم سالىنعان. كاليان جۇمىستارىنا كارانتيننىڭ بارلىق كەزەڭىنە تىيىم سالىنعان.
قىزمەتىن قايتا باستايتىن نىسانداردىڭ www.infokazakhstan.kz سايتىنا تىركەلۋى قاجەتتىگىن كوسىمشا حابارلاندى. قازىرگى ۋاقىتتا, پورتالدا 31 مىڭ كاسىپورىن جانە 491 مىڭنان استام قىزمەتكەر تىركەلگەن.
