وقيعا جۋىردا عانا كۇندىزگى ساعات 14.00 شاماسىندا پەتروپاۆلداعى ورتالىق كوشەلەردىڭ بىرىندە بولعان. قىلمىسكەر ايەلگە شابۋىل جاساپ, التىن القاسىن ج ۇلىپ الماق بولعانىندا ءوتىپ بارا جاتقان ادامنان ىعىسىپ قانا ارام ويىن جۇزەگە اسىرا الماعان. جابىرلەنۋشى قىلمىسكەردەن قۇتىلعان بويىندا «102» تەلەفونىنا حابارلاسىپ, بولعان جايتتى ايتقان.
جەدەل-ىزدەستىرۋ ءىس-شارالارىنىڭ ناتيجەسىندە كۇدىكتى ۇستالدى. ول بۇرىن م ۇلىكتىك قىلمىستار جاساعانى ءۇشىن سوتتالعان 36 جاستاعى پەتروپاۆل تۇرعىنى ەكەندىگى بەلگىلى بولدى. قازىر ونىڭ ۇستىنە قىلمىستىق ءىس قوزعالىپ, ۋاقىتشا ۇستاۋ وقشاۋلاعىشىنا قامالدى. «وبلىستىق پوليتسيا باسشىلىعى مۇنداي قىلمىستاردىڭ اشىلۋىن ەرەكشە باقىلاۋدا ۇستايدى ء«ىزىن سۋىتپاي» اشۋ كەزىندە بولىنىستەردىڭ ۇيىمداسقان جۇمىسى عانا ەمەس, سونىمەن بىرگە «102» ارناسىنا بىردەن جۇگىنۋ دە ماڭىزدى شارتتاردىڭ ءبىرى.
كۇدىكتىنى ىزدەۋگە قالانى پاترۋلدەۋدى جۇزەگە اسىراتىن پوليتسيانىڭ كەشەندى كۇشتەرى جۇمىلدىرىلىپ, بەينەباقىلاۋ جازبالارى قارالدى. سونىمەن قاتار جەدەل ۋاكىلدەر بۇرىن م ۇلىكتىك قىلمىس جاساعاندارى ءۇشىن جاۋاپقا تارتىلعان ادامدار تۋرالى مالىمەتتەردى تەكسەردى», - دەيدى سولتۇستىك قازاقستان وبلىسى پوليتسيا دەپارتامەنتى باستىعىنىڭ ورىنباسارى, پوليتسيا پولكوۆنيگى رۋسلان نازاروۆ.
جالپى, جىل باسىنان بەرى سقو-دا 33 توناۋ تىركەلىپ, ونىڭ 30-ى اشىلعان.
سولتۇستىك قازاقستان وبلىسى
