ءوڭىر باسشىسى عاسىر كۋاگەرىنە سىر جۇرتشىلىعىنىڭ جىلى لەبىزىن جەتكىزدى. «مەملەكەت باسشىسى قاسىم-جومارت توقاەۆ ۇلى جەڭىس مەرەكەسى قارساڭىندا «ارداگەرلەر تۋرالى» زاڭدى قابىلداپ, اعا بۋىن وكىلدەرىنىڭ مارتەبەسىن كوتەرىپ, الەۋمەتتىك قورعالۋىنا ەرەكشە ءمان بەردى.ءسىزدىڭ جاسىڭىز بەن جولىڭىزدى جاس ۇرپاققا بەرسىن. ۇرپاعىڭىزبەن مىڭ جاساپ, الدىمىزدا ءجون سىلتەر اقىلشىمىز بولىپ جۇرە بەرىڭىز!»,-دەدى وبلىس اكىمى.
گ.ابدىقالىقوۆا مەرەيتوي يەسىنە قۇتتىقتاۋ حاتىن تابىستاپ, قازاقي داستۇردەن جاڭىلماي شاپان جاپتى. شاراعا تۇرعانباي ماحانوۆ, ءارىپ قوجبانوۆ سياقتى ەڭبەك ارداگەرلەرى جانە شاكىرتتەرى قاتىسىپ مەرەيتوي يەسىن قۇتتىقتادى.
ءبورىباي قۇلمانوۆ 1920 جىلى 6 ماۋسىمدا سولتۇستىك قوستاناي وبلىسىندا دۇنيەگە كەلگەن. جاستايىنان جوقشىلىقتى كورگەن ول جەتىجىلدىق مەكتەپتەن كەيىن, 1934 جىلى قىزىلوردا اۋىلشارۋاشىلىق تەحنيكۋمىن اگرونوم ماماندىعى بويىنشا تامامداعان.ەڭبەك جولىن قىزىلوردا وبلىسى سىرداريا اۋدانىنىڭ اۋىلشارۋاشىلىعى بولىمىندە باستاعان. 1940 جىلى ماكەۋدەگى اسكەري ۋچيليششەگە كۋرسانت بولىپ قابىلدانىپ, 1941 جىلعى 1 مامىردا قىزىل الاڭدا وتكەن اسكەري شەرۋگە قاتىسادى. سول جىلى لەيتەنانت شەنىندە, مينومەتشىلەر روتاسىنىڭ كومانديرى بولىپ مايدانعا اتتانادى. ۇلى جەڭىستى گەرمانيانىڭ شتەتتين قالاسىندا قارسى الادى. سوعىس اياقتالعان جىلى ەرەكشە تاپسىرمامەن قىتايداعى سينتسزيان پروۆينتسياسىندا قىزمەت اتقارادى.
ءبورىباي قۇلمانوۆمايدانداعى ەرلىك ىستەرى ءۇشىن "قىزىل جۇلدىز", "1-ءشى دارەجەلى وتان سوعىسى" وردەندەرىمەن جانە كوپتەگەن مەدالدەرمەن ماراپاتتالعان. وبلىستىڭ ەكونوميكاسىن, مادەنيەتى مەن اۋىل شارۋاشىلىعىن دامىتۋعا قوسقان ۇلەستەرى ءۇشىن "ەڭبەك قىزىل تۋ", "قۇرمەت بەلگىسى", "قۇرمەت" وردەندەرىنىڭ يەگەرى, قازاق كسر جوعارى كەڭەسىنىڭ, وبلىس اكىمىنىڭ (2015 جىل) قۇرمەت گراموتالارىمەن ماراپاتتالعان. قىزىلوردا وبلىسىنىڭ قۇرمەتتى ازاماتى.
