ايماقتار • 06 ماۋسىم، 2020

الماتىنىڭ يندۋستريالدىق ايماعىندا 6 ونەركاسىپتىك ساياباق اشىلادى

4 رەت كورسەتىلدى

2020 جىلى الماتىنىڭ يندۋستريالدىق ايماعىندا التى شاعىن ونەركاسىپتىك ساياباق ىسكە قوسىلادى، دەپ حابارلادى يدم ءباسپاسوز قىزمەتى.

قازىرگى ۋاقىتتا قۇرىلىسشىلار («KazStroyTrade» جشس، «D&J «Industries & Logistic» جشس، «اتريكس-ستروي» جشس، «Metall con.» جشس، «Ala Estate» جشس، «ADS Industries» جشس) جوبالىق جۇمىستاردى اياقتاپ، ۋچاسكەلەردەگى قۇرىلىس-مونتاج جۇمىستارىنا كىرىسۋدى جوسپارلاپ وتىر. وندىرىستىك ءۇي-جايلاردىڭ جالپى اۋدانى 28 مىڭ م2. وندا قۇرىلىس، جيھاز، جەڭىل جانە تاماق ونەركاسىبى سالاسىندا 70-كە جۋىق ءوندىرىس ورنالاسادى. 700-دەن استام جاڭا جۇمىس ورنىن اشۋ جوسپارلانعان. 

وندىرىستىك ءۇي-جايلار شاعىن جانە ورتا بيزنەس سۋبەكتىلەرىنە جەڭىلدىكتى شارتتارمەن: دەۆالۆاتسيالىق تاۋەكەلدەرگە قاراماستان، 5-7 جىل مەرزىمگە بەكىتىلگەن جالداۋ مولشەرلەمەسى بويىنشا بەرىلەدى. جالعا الۋ قۇنى 1 م2-گە 1000-1200 تەڭگە. ساتىپ الۋ قۇنى – 1 م2-گە 145 مىڭ تەڭگەگە دەيىن. الماتى قالاسىنىڭ يندۋستريالدىق ايماعى اۋماعىنداعى شاعىن ونەركاسىپ پاركىنە قاتىسۋعا 56 كومپانيا قىزىعۋشىلىق تانىتىپ وتىر. ونەركاسىپتىك پاركتەر جوبالارىن ىسكە اسىرۋدىڭ ارتىقشىلىقتارى: قالادا بوس تۇرعان وندىرىستىك جانە اكىمشىلىك ءۇي-جايلاردى اينالىمعا ەنگىزۋ; ىسكەرلىك بەلسەندىلىگى تومەن اۋدانداردا بيزنەس اشۋعا جانە دامىتۋعا جاردەمدەسۋ (جاڭا جۇمىس ورىندارى، سالىقتار); 2-7% مولشەرىندەگى قارجىلاندىرۋدىڭ جەڭىلدىكتى مولشەرلەمەلەرى.

قازىرگى تاڭدا الماتى قالاسىنىڭ ناۋرىزباي اۋدانىندا ەكى ونەركاسىپتىك ساياباق («بروتماستەر» جشس جانە «Ala Estate» جشس) جانە تۇركسىب اۋدانىندا ءبىر ونەركاسىپتىك ساياباق («Samruk Group» جشس) جۇمىس ىستەيدى. وندا جيھاز، گالانتەرەيا، سۋسىندار، كوفە قۋىرۋ ءوندىرىسى بار. الەۋەتتى قاتىسۋشىلارمەن قاعاز، سپويلەرلىك ءونىم جانە ت. ب. ءوندىرىسىن ورنالاستىرۋ بويىنشا كەلىسسوزدەر جۇرگىزىلۋدە.

الماتى يندۋستريالدىق ايماعى 2012 جىلى قۇرىلدى. اۋماقتىڭ جالپى اۋماعى 490 گا. ونىڭ ىشىندە جوبالار ءۇشىن 326 گا (ينفراقۇرىلىمعا 164 گا) بولىندى. بۇگىنگى تاڭدا ينۆەستيتسيالىق جوبالاردى ىسكە اسىرۋ ءۇشىن 271،7 گا (ەركىن 54،3 گا)بولىندى. 58 كومپانيا رەزيدەنت، ونىڭ ىشىندە 18 كومپانيادا شەتەلدىكتەردىڭ (قىتاي، رەسەي، جاپونيا، يران، مالايزيا، ءباا، گەرمانيا، وڭتۇستىك كورەيا، تۇركيا، اقش) قاتىسى بار. ولار 260 ملرد. تەڭگەگە ينۆەستيتسيا سالىپ، 8،5 مىڭ جۇمىس ورنى اشىلادى.

12 كاسىپورىن («BRBAPK» جشس، «Almapack Co.LTD» جشس، «DOC Co.جشس»، «KMK Investment» جشس، «KazTigerTape» جشس، «ASSET» جشس، «ەنكو» جشس، «ەيجا ستيل پايپ كورپورەيشن» جشس، «تەحنوۆيد» جشس، «مپز بيجان» جشس، «المەرەك» جشس)پايدالانۋعا بەرىلدى. جالپى ينۆەستيتسيا سوماسى 68،8 ملرد. تەڭگە. 1864 جۇمىس ورنى اشىلىپ، 1،9 ملرد. تەڭگە سالىق تولەندى. 62،3 گا اۋماق يگەرىلدى. 

2020 جىلى قۇرىلىس بەلسەندى جۇرگىزىلىپ جاتقان 10 جوبانى (Hyundai Trans Kazakhstan، كاز-ديا-تەست، ا.ج. ۆىسوتنيك، سك راحات، دور-حان – الماتى، سيتي ستوۋن، تەحنوكونت، ەلەكتروبار، كازپرومۆەنت، SAVENERGY) ىسكە قوسۋ جوسپارلانىپ وتىر. ينۆەستيتسيالاردىڭ جالپى سوماسى 30،5 ملرد. تەڭگەنى قۇراپ، 1 140 جۇمىس ورنىن قۇرىلادى. 2021 جانە ودان كەيىنگى جىلدارى 159،5 ملرد. تەڭگەگە 36 جوبانى ىسكە قوسۋ جوسپاردا بار. ولاردا 5 450 جۇمىس ورنىن اشىلادى.

الماتى يندۋستريالدىق ايماعىنىڭ اۋماعىندا تەحنوۆيد، قمك Investment، BRB APK، Doc Co. Ltd، ەنكو، مپز بيجان، Hyundai Trans Kazakhstan، دور-حان-الماتى سياقتى كومپانيالاردىڭ جانە «Astana Invest» كورپوراتسياسى، ەكو ستار بويلەر، الماتى جىلۋ وقشاۋلاعىش زاۋىتىنىڭ جوعارى تەحنولوگيالىق جوبالارى ىسكە اسىرىلادى. 20 كاسىپورىن ەكسپورتقا باعىتتالعان ءونىم شىعارۋدى جوسپارلاپ وتىر.

سوڭعى جاڭالىقتار

NASA مارسكا قامداندى

تەحنولوگيا • كەشە

ۇقساس جاڭالىقتار