ورداباسى اۋدانىندا جىل باسىنان بەرى 18 مال ۇرلىعى تىركەلىپ, ونىڭ 12 جايتى اشىلدى. ورداباسى اۋداندىق پوليتسيا بولىمشەسىنىڭ كريمينالدىق پوليتسيا جانە جەرگىلىكتى پوليتسيا قىزمەتكەرلەرىنىڭ جۇمىس كۇشىمەن مال ۇرلىعىمەن اينالىسقان ەكى قىلمىستىق توپ ۇستالدى.
قىلمىستىق توپتىڭ بىرەۋىندە ءتورت ادام بولعان, ولار اۋدانعا قاراستى اۋىلداردىڭ بىرىنەن قوي ۇرلاۋمەن اينالىسقان. ەكىنشى قىلمىستىق توپتىڭ قۇرامىندا دا ءتورت جەرگىلىكتى تۇرعىن بار. ولاردىڭ ورداباسى اۋدانى امانگەلدى اۋىلىنان ۇرلانعان 47 باس قوي ۇرلىعىنا قاتىسى بارى انىقتالدى.
قر قىلمىستىق كودەكسىنىڭ 188-بابى (ۇرلىق) بابى بويىنشا سوتقا دەيىنگى تەرگەۋ امالدارى جۇرگىزىلگەننەن كەيىن مال ۇرلىعىنا قاتىستى جينالعان ماتەريالدار سوتقا جىبەرىلدى. ۇرلانعان قويلاردىڭ باسىم بولىگى زاڭدى يەلەرىنە قايتارىلدى.
ورداباسى اۋداندىق پوليتسيا بولىمشەسىنىڭ جەرگىلىكتى پوليتسيا قىزمەتىنىڭ باسشىسى باقىتجان ماحامبەتوۆ اتاپ وتكەندەي, مال ۇرلىعىنىڭ ورىن الۋىنا نەگىزىنەن ءۇي مالىن قاراۋسىز قالدىراتىن اۋىل تۇرعىندارىنىڭ بەيقامدىعى سەبەپ بولىپ تابىلادى. ودان بولەك, ءتورت-ت ۇلىگى جوعالعان ساتتە بىردەن پوليتسياعا حابارلاماي, ءوز بەتىنشە ىزدەپ ۋاقىت وزدىرادى. بۇل ارەكەت مال ۇرلىعىنىڭ اشىلۋىنا كەرى ىقپال ەتىپ جاتادى.
قازىرگى ۋاقىتتا ورداباسى اۋداندىق پوليتسيا بولىمشەسىنىڭ پوليتسيا قىزمەتكەرلەرى تاراپىنان مال ۇرلىعى جايتتارىنىڭ الدىن الۋ جانە ازايتۋ, جايىلىمدا قاراۋسىز قالعان مالداردى انىقتاۋ بويىنشا تۇراقتى جۇمىس جۇرگىزىلىپ جاتىر. ءتارتىپ ساقشىلارى قورا-جايلاردى جانە جايىلىمداردى ارالاپ, تۇرعىندارمەن جيىندار وتكىزۋدە, مال يەلەرى مەن باقتاشىلار اراسىندا ۇجىمدىق جايىلىمعا ءۇش جاقتى كەلىسىم جاساۋ, سونداي-اق ءۇي جانۋارىن دەر كەزىندە سىرعالاۋ جانە ەن-تاڭبالارىن سالدىرۋ تۋرالى ءتۇسىندىرۋ جۇمىستارىن جۇرگىزىپ جاتىر.
مىسالى, ورداباسى اپب جپق قىزمەتكەرلەرى اۋلاسىندا ۇساق مال باعىپ, وسىرۋمەن اينالىساتىن تەمىرلان اۋىلى تۇرعىنىنىڭ ۇيىنە باردى. پوليتسيا قىزمەتكەرلەرى ءۇي يەسىنە قويلاردى تاڭبالاۋدان باستاپ, قورا-جايىن سەنىمدى ق ۇلىپتارمەن نىعايتۋعا جانە اۋلاسىنا مۇمكىندىگىنشە بەينەباقىلاۋكامەرالارىن ورناتۋعا ارەكەت جاساپ, ءوز م ۇلىكتەرىن ساقتاۋ بويىنشا وسىنداي ءتيىمدى شارالار قابىلداۋ قاجەتتىگىن ءتۇسىندىردى.
ورداباسى اۋدانىنىڭ ءتارتىپ ساقشىلارى مال ۇرلىعىنىڭ الدىن الۋ جانە جولىن كەسۋ ماقساتىندا جايىلىمداردا قاراۋسىز قالعان مالداردى انىقتاۋ بويىنشا رەيدتىك ءىس-شارالار جۇرگىزۋدە جانە مۇنداي جايتتار انىقتالعان جاعدايدا ءتارتىپ بۇزۋشىلار قر اقبتك-ءنىڭ 408-بابىنا سايكەس (اۋىل شارۋاشىلىعى جانۋارلارىن جايۋ ەرەجەلەرىن, يتتەر مەن مىسىقتاردى اسىراۋ جانە سەرۋەندەتۋ ەرەجەلەرىن, قاڭعىباس يتتەر مەن مىسىقتاردى اۋلاۋ جانە جويۋ قاعيدالارىن بۇزۋ) اكىمشىلىك جاۋاپكەرشىلىككە تارتىلاتىنىن ەسكەرتەدى.
مال ۇرلانعان نەمەسە جوعالعان جاعدايدا تەز ارادا “102” تەلەفونى ارقىلى پوليتسياعا حابارلاۋ قاجەت.
