ورىس الپاۋىتى رومان ءابراموۆيچتىڭ القاۋىنداعى اتالمىش كوماندا حاكيم زيەش ءۇشىن 40 ملن ەۋرو تولەسە, تيمو ۆەرنەرعا 64 ملن ەۋرو جۇمساعان ەكەن. جاسى 25-كە جاڭا تولعان ت.ۆەرنەر لوندوندىق كلۋبپەن 2025 جىلعا دەيىن شارت جاساسىپتى. فۋتبول ماماندارى بۇل جىگىتتىڭ بولاشاعى زور دەپ قارايدى. ويتكەنى, بۋندەسليگانىڭ وسى ماۋسىمدىق ويىندارىندا 29 دۇركىن الاڭعا شىعىپ 25 گولدىڭ اۆتورى اتانىپ, مەرگەندەر كوشىن باستاپ كەلە جاتقان روبەرت لەۆاندوۆسكيدەن كەيىنگى ەكىنشى ورىنعا جايعاسىپتى.
قازىرگى تاڭدا چەلسي ساپىندا اتويلاپ جۇرگەن مىقتىلار: كريستيان پۋليسيك, كاللۋم حادسون-ودوي, ۆيلليان, مەيسون ماۋنت, تاممۋ ابراحام, بيللي گيلموۋرلاردىڭ قاتارىنا جوعارىداعى ەكى مىقتىنىڭ قوسىلۋى كوماندانى ورگە جۇزدىرەرى انىق. ەندى تەك عانا قۇراما باپكەرى فرەنك ءلامپاردتىڭ تاجىريبەسى مەن ۇيىمداستىرا ءبىلۋى عانا قالعان ءتارىزدى.
