ناۋقاستار بۇرىن جۇقتىرعاندارمەن بايلانىستا بولعان ادامدارعا سكرينينگ جاساۋ بارىسىندا انىقتالعان.
پاتسيەنتتەردىڭ باسىم كوپشىلىگى, ناقتى ايتقاندا 33 ادام قاراعاندى قالاسىنان. بەسەۋى – تەمىرتاۋدان, تورتەۋى ساران قالاسىنىڭ تۇرعىنى. سونداي-اق, اۋىرعاندار اراسىندا بۇقار جىراۋ اۋدانىنان ەكى جانە اباي اۋدانىنان ءتورت ادام بار.
دارىگەرلەر اۋىرعانداردىڭ دەنساۋلىق جاعدايىنىڭ قاناعاتتانارلىق ەكەنىن ايتادى. اۋرۋ وشاقتارىندا دەزينفەكتسيا جۇرگىزىلگەن.
كۆي دەرتىنەن قايتىس بولعان ناۋقاس تۋرالى ايتار بولساق, ول قاراعاندىنىڭ 62 جاستاعى تۇرعىنى. پروۆيزورلىق گوسپيتالعا ىستىعى 38,7 گرادۋسقا دەيىن كوتەرىلىپ, ەنتىگۋ, جوتەل, السىزدىك جانە تابەتتىڭ, ءدام مەن ءيىس سەزۋدىڭ تومەندەۋىنە شاعىمدانعاندىقتان جاتقىزىلىپتى. اۋىر دارەجەدەگى COVID-19 ىندەتىنىڭ بەلگىسى راستالعاننان كەيىن جانە ەكى جاقتى پنەۆمونيا انىقتالعان سوڭ, ينفەكتسيالىق اۋرۋحاناعا اۋىستىرىلعان. دارىگەرلەر كوروناۆيرۋستىڭ ناۋقاستىڭ بويىندا اۋىر اسقىنۋلار, ونىڭ ىشىندە تىنىس الۋ جانە پوليورگان جەتىسپەۋشىلىگىن تۋدىرعانىن ايتادى. سونداي-اق, پاتسيەنتتە اۋىر دارەجەدەگى ءىى ءتيپتى قانت ديابەتى, ارتەريالىق گيپەرتەنزيا جانە باسقا دا قوسالقى اۋرۋلار بولعان ەكەن. وكىنىشكە قاراي, دارىگەرلەردىڭ قولدانعان ەمدەۋ ارەكەتتەرىنە قاراماستان, ناۋقاستى قۇتقارۋ مۇمكىن بولمادى.
سوڭعى تۇسكەن مالىمەتتەرگە جۇگىنسەك, قاراعاندى وبلىسىندا كۆي جۇقتىرۋدىڭ 1072 وقيعاسى تىركەلگەن. ونىڭ ىشىندە 379 ادام ىندەتتى جەڭىپ شىقسا, بەس ناۋقاس اتالعان اۋرۋدان كوز جۇمدى.
قاراعاندى وبلىسى
