ەلوردادا ناقتىلىعى جوعارى پتر-سكرينينگ ارقىلى حالىقتى كوراناۆيرۋسقا تەكسەرەتىن العاشقى مودۋلدىك زەرتحانا كەشەنى جۇمىسىن باستادى. دەنساۋلىق ساقتاۋ مينيسترلىگى مەن نۇر-سۇلتان قالاسىنا موبيلدىلىگى مەن بيوقاۋىپسىزدىگى جوعارى دەڭگەيى جانە زەرتتەۋ پروتسەسسىنىڭ اۆتوماتتانىرىلۋى ارقىلى ەرەكشەلەنەتىن بىرەگەي زەرتحانانى بولات وتەمۇراتوۆتىڭ قورى تاپسىردى. قايىرىمدىلىق قورى مەديتسينالىق زەرتتەۋلەر, زەرتحانالىق تالداۋعا ارنالعان جابدىقتار مەن ماتەريالدار سالاسىنداعى الەمدىك كوشباسشى سانالاتىن BGI (قحر) كومپانياسىنان جالپى سوماسى 4 ملن دوللارعا ەكى زەرتحانا كەشەنىن ساتىپ الدى. ەكىنشى كەشەن الماتى قالاسىنا ورناتىلا باستادى.
دەنساۋلىق ساقتاۋ ءمينيسترى ەلجان ءبىرتانوۆ, نۇر-سۇلتان اكىمى التاي كولگىنوۆ, قايىرىمدىلىق قورىنىڭ قۇرىلتايشىسى بولات وتەمۇراتوۆ جانە قامقورشىلار كەڭەسىنىڭ توراعاسى الماز شارمان بۇگىن ەلوردالىق زەرتحانانىڭ جۇمىسىن ىسكە قوستى.
«بولات وتەمۇراتوۆ قورى تاپسىرعان ءمودۋلدى زەرتحانا كەشەندەرى كوروناۆيرۋسقا تەكسەرۋدىڭ جىلدامدىعى مەن قامتۋىن مەيلىنشە كوبەيتەدى. قايىرىمدىلىق قورىن ينفەكتسيامەن كۇرەستىڭ العاشقى كۇنىنەن باستاپ دەنساۋلىق ساقتاۋ قورىنا كورسەتىپ وتىرعان قولداۋى مەن ۆيرۋستىڭ تارالۋىن شەكتەۋ ءۇشىن قوسىپ وتىرعان قوماقتى ۇلەسى ءۇشىن العىس ايتقىم كەلەدى», – دەدى دەنساۋلىق ساقتاۋ ءمينيسترى ەلجان ءبىرتانوۆ.
