پىكىر • 05 ماۋسىم، 2020

وسىنداي ەلىم بار!

404 رەت كورسەتىلدى

مەملەكەت باسشىسى قاسىم-جومارت توقاەۆ رەسەيدىڭ ءىرى باسى­لىم­دارىنىڭ ءبىرى – «كومسومولسكايا پراۆدا» گازەتىنە بەرگەن سۇحباتىندا قازاقستان حال­قى تۋرالى دا پىكىرىن بىلدىرگەن بولاتىن. پرەزيدەنتىمىز ەلىمىزدە «از ۇلت­تار» دەگەن ۇعىم جوق ەكەندىگىن، ءبىرتۇتاس حالىق بەيبىت كۇن كەشىپ جاتقانىن اشىق ايتتى. راسىمەن، تاۋەلسىز قازاقستاندا بىرلىگى جاراسقان ءبىر عانا حالىق ءومىر سۇرەدى.

قازاقستان حالقىنىڭ بىرتۇتاس­تىعىن ەل باسىنا كۇن تۋعاندا ازامات­تاردىڭ بىرلەسىپ، ءبىر-بىرىنە قولداۋعا دايىن تۇراتىنىنان-اق بايقاۋعا بولادى. ازاماتتارىمىز قيىن ساتتە ءبىر-بىرىنە كومەك قولىن سوزۋعا ءاردايىم ءازىر. ماسەلەن، جاقىندا تۇركىستان وبلىسى ماقتاارال اۋدانىنداعى ەلدى مەكەندەردى سۋ باسۋىنا بايلانىستى ايماقتا جەدەل شتاب قۇرىلىپ، ىلە-شالا وتباسىلار ەۆاكۋاتسيالانىپ، ازىق-ت ۇلىك تاراتىلعانى بەلگىلى. وسىن­داي قيىن-قىستاۋ ساتتە مەملەكەت تاراپىنان عانا ەمەس، حالىق تاراپىنان قولعا الىنعان شارالاردى ەرەك­شە ايتقىم كەلەدى. حالقىمىز ماقتا­ارالداعى جاعدايدا دا بىرلەسىپ، باسقا تۇسكەن تاۋقىمەتتى بىرگە كو­تەردى. بۇل ىسكە قازاقستان حالقى اسسام­بلەياسىنىڭ دا ۇلەس قوسىپ، باسى-قا­سىندا جۇرگەنى قۋانتارلىق جايت. ەتنومادەني ورتالىقتاردىڭ باس­تا­ماسىمەن 180-نەن استام جۇك ما­­شيناسى گۋمانيتارلىق كومەك جەت­كىزدى. قايىرىمدىلىق – اسسام­بلەيا­نىڭ باس­تى نازاردا ۇس­تاي­تىن باعىت­تارىنىڭ ءبىرى. سوندىق­تان ىرگە­لى ۇيىم مۇقتاج جاندار مەن جاپا شەك­كەن­دەرگە كومەك قولىن سوزۋعا قاشان­دا دايىن.

ەتنومادەني بىرلەستىك ۆولون­تەر­لەرى قورداي اۋدانىنا 10 توننادان اس­تام گۋمانيتارلىق كومەك جەتكىزۋگە اتسالىستى. ال ارىستاعى قويما جارىلىسى كەزىندە 51 ملن 331 مىڭ تەڭگە كولەمىندە قارجى جيناپ، ارىستىق اعايىنعا تابىستادى.

اسسامبلەيالىقتار ء«بىز بىرگەمىز» اكتسياسىنا دا ءوز ۇلەسىن قوستى. پان­دەمياعا بايلانىستى توتەنشە جاعداي كەزىندە اسسامبلەيا مۇشەلەرى كوپ بالالى وتباسىلارعا تۇراقتى تۇردە كومەك­تەسىپ وتىردى. حالقىمىز جاردەمدى جىلى جۇرەكپەن، اسقان ريزاشىلىقپەن قابىلدادى. ءبىزدىڭ ەلدە قيىن جاعدايعا تاپ بولعان كەز كەلگەن ازامات قاي ۇلت وكىلىنەن بولسىن قولداۋ تاباتىنى انىق. بۇل قازاقستاندا ءبىرتۇتاس حالىق ءومىر سۇرەتىنىن كورسەتەدى.

قازاقستاندى وتانىم دەپ سانايتىن وزگە ۇلت وكىلدەرى بۇل توپىراقتىڭ نەگىزگى حالقىنان مەيىرباندىق، اقجۇرەكتىك سياقتى اسىل قاسيەتتەردى ۇيرەندى. ءدال وسى اتالعان قاسيەتتەر ولاردى وتكەن عاسىرداعى قيىن-قىستاۋ زاماننان امان الىپ قالعان ەدى. وسىلايشا قازاق توپىراعىنا تابان تىرەگەن جۇرت بۇگىندە تاۋەلسىز ەلدىڭ ءبىرتۇتاس حالقىنا اينالدى.

قازاقستاندىقتار وزدەرىنىڭ بو­يىندا جاقسى قاسيەتتەردى ساقتاي الدى. سول ەڭبەگىنىڭ جەمىسىن بۇگىن كورىپ وتىر. قازىر ءتۇرلى ەتنوس وكىل­دەرى وزدەرىن دياسپورا رەتىندە قاراس­تىرمايدى جانە وزدەرىنە قاتىستى ونداي كوزقاراستى سەزىنبەيدى دە. قازاق­ستاندا تۇراتىن كەز كەلگەن ازامات ءوزىن ءبىرتۇتاس ۇلتتىڭ بولىگى رەتىندە كورەدى.

ءبىزدى الەمنىڭ قاي جەرىنە بارساق تا قازاقستاندىق، قازاق بولىپ قار­سى الادى. ءبىز وسى توپىراقتا دۇنيە­گە كەلدىك، وسى جەردە ءوسىپ-ءونىپ، ۇرپا­عىمىزدى تار­بيەلەپ جاتىرمىز. قۇ­داي قالاسا، الداعى ۋاقىتتا دا ءبىرتۇ­تاس حالىق رەتىن­دە ەلىمىزدى كوركەيتە بەرەتىن بولامىز.

 

شەرزود پۋلاتوۆ،

قازاقستان حالقى اسسامبلەياسى توراعاسىنىڭ ورىنباسارى

سوڭعى جاڭالىقتار

تۇركىستان جاسىل قالاعا اينالۋدا

وڭتۇستىك قازاقستان • كەشە

ۇقساس جاڭالىقتار