ەكولوگيا • 05 ماۋسىم، 2020

StopMusor ەكولوگيالىق جوباسى باستالادى

34 رەت كورسەتىلدى

StopMusor – ءدال وسىنداي اتاۋمەن نۇر-سۇلتان مەن الماتى شاھارلارىندا ەكولوگيالىق جوبا قولعا الىنادى. ونىڭ نەگىزگى ماقساتى – تۇرمىستىق قالدىقتى جيناۋ­دا حالىقتىڭ مادەنيەتى مەن الەۋمەتتىك جاۋاپكەرشىلىگىن ارتتىرۋ. قوقىستى سۇرىپتاۋ ارقىلى ەلىمىزدىڭ ازاماتتارىن قايتا وڭدەۋ سالاسىنا جۇمىلدىرىپ، «جاسىل ەكونوميكا» تۇجىرىمداماسىن دامىتۋ كوزدەلگەن. بۇل تۋرالى پرەزيدەنت جانىنداعى ورتالىق كوممۋنيكاتسيالار قىزمەتىندە وتكەن ءباسپاسوز جيىنىندا قازاقستاننىڭ ەكولوگيالىق ۇيىمدار قاۋىمداستىعىنىڭ توراعاسى ايگۇل سولوۆەۆا ايتتى.

ەكولوگيالىق باستامانى كوتەرگەن قوعام بەلسەندىلەرى بۇل جۇمىستى ىسكە اسىرۋ ءۇشىن الدىمەن قاجەتتى ين­فرا­­­قۇرىلىمدى دامىتىپ، ينۆەس­­تيتسيالىق شىعىنداردى وڭتاي­­لاندىرۋ كەرەكتىگىن جەت­كىز­دى.

«بيىل داۆوستا وتكەن دۇنيە­جۇزىلىك ەكونوميكالىق فورۋمنىڭ باستى تاقىرىبى ەكو­لوگيا ماسەلەسىنە ارنالدى. ءبىزدىڭ قاۋىمداستىق ادام بالاسى ساپالى قورشاعان ورتادا ءومىر سۇرۋگە قۇقىلى دەگەن ۇستانىمدا. ەلىمىزدەگى ەكولوگيالىق جاعدايدى جاقسارتۋ ماقساتىندا ۇيىم باستاماسىمەن StopMusor جوباسى قولعا الىنادى. ول 2021 جىلعا دەيىن جالعاسادى. باسىمدىق نۇر-سۇلتان مەن الماتى قالالارىنا بەرىلەدى. وسى رەتتە قازاقستان حالقىن الەۋمەتتىك جاۋاپكەرشىلىككە شاقىرىپ، بارشامىزعا ورتاق ەكولوگيامىزدى تازا قال­پىن­دا ساقتاۋعا كۇش بى­رىك­تى­رۋگە شاقىرامىز. اتا-انا­­لارىمىز بالا كەزدەن «ما­دەنيەت تازالىقتان باس­­­­تالادى» دەپ بەكەر ۇي­رەت­­پەسە كەرەك. سوندىقتان وسى اكتسيانىڭ كومەگىمەن قوعامنىڭ نازارىن اتالعان ماسەلەگە اۋدارىپ، ەكولوگياعا قاتىستى كۇرمەۋلى پروبلەمالار شەشىمىن تابادى دەگەن ءۇمىتىمىز باسىم»، دەدى قازاقستاننىڭ ەكولوگيالىق ۇيىمدار قاۋىمداستىعىنىڭ توراعاسى ا.سولوۆەۆا.

قازاقستاننىڭ ەكولو­گيا­­لىق ۇيىمدار قاۋىم­داس­­تى­عى باسقارما توراعاسىنىڭ ورىنباسارى ەلدوس اباقانوۆتىڭ اي­تۋ­ىن­شا، قالدىقتى سۇ­رىپ­تاۋ مادەنيەتىن قالىپتاس­تىر­ماي­ىن­شا، قايتا وڭدەۋ سالاسىن دامىتۋ قيىنعا سوعادى.

«سىرتتا جۇرگەندە شول­مەك، پاكەت جانە تاعى دا باس­قا قالدىقتار كوزگە ءجيى تۇسەدى. سول سەبەپتى حالىق­ارالىق قورشاعان ورتانى قورعاۋ كۇنى اياسىندا وسىنداي اكتسيانى باستاۋدى قۇپ كوردىك. الەۋمەتتىك زەرتتەۋ كورسەتكەندەي، ۇساق تۇر­­مىستىق قالدىقتىڭ 80%-ى قوعامدىق ورىن­دا­رىن­داعى ارنايى جاشىكتەرگە سالىنبايدى ەكەن. توتەنشە جاعداي جانە كارانتين رە­جى­مىندە قورشاعان ورتاعا بەيقام قارا­مايتىن ادامدار بار ەكەنى قۋانتقانى راس. وسى­عان بايلانىستى زەرتتەۋ جۇرگىزىلدى. ناتيجەسىن كەيىن ۇسىناتىن بولامىز. ساۋال­دا­ماعا قاتىس­قان­داردىڭ باسىم بولىگى قو­عام­دىق ورىن­داردا ۇساق قو­قى­ستى باي­قاي­تىندارىن جەت­كىزدى» دەدى ە.اباقانوۆ.

قوعام بەل­سەن­دىلەرى اك­تسيا­­نىڭ نەگى­زىندە بەينەلەۋ ونەرى وكىلدەرىن تارتۋ ار­قىلى شى­عارماشىلىق جو­با­لاردى جۇ­زەگە اسىرۋ جوس­پار­لان­­عانىن ايتتى.

سوڭعى جاڭالىقتار

ۇقساس جاڭالىقتار