«بىزدەگى مەكتەپ باسشىلارىنىڭ جالاقىسى - ۇلكەن پروبلەما. بۇل پروبلەمانى جوققا شىعاراتىن ارىپتەستەرىمىز دە بار. شىن مانىندە مەنەدجمەنت ماسەلەسىنە كوپ سۇراقتار تيەسىلى. سوندىقتان وسى مەكتەپ باسشىلارىنىڭ بىلىكتىلىگى, بىلىمدىلىگى جانە ولاردىڭ ءتيىستى جالاقى الۋى مەن جۇمىسقا الۋ مەحانيزمى وزگەرۋى ءتيىس. قازىرگى ۋاقىتتا ءبىزدىڭ ديرەكتورلاردىڭ جالاقىسى وتە از, جەتكىلىكسىز. بىرىنشىدەن, بيىلعى جىلى جانە 4 جىلدىڭ ىشىندە 2 ەسە وسەدى. ەكىنشىدەن, ەندى ديرەكتورلاردى جانە ولاردىڭ ورىنباسارلارىن اتتەستاتتاۋدان وتكىزۋ ينستيتۋتى ەنگىزىلىپ جاتىر. ول دەگەنىمىز – ەندى ءبىزدىڭ ديرەكتورلار مەن ورىنباسارلارى وزدەرىنىڭ جۇمىستارىنىڭ تيىمدىلىگىن كورسەتكەن جاعدايدا اي سايىن وزدەرىنىڭ الاتىن جالاقىسىنا 30-دان 100 پايىزعا دەيىن قوسىمشا ۇستەماقى الاتىن بولادى», - دەدى مينيستر.
ءمينيستردىڭ ايتۋىنشا, مەكتەپ ديرەكتورلارى مەن ورىنباسارلارى وسى جۇيەمەن تەست تاپسىرىپ, ناتيجەسىندە ولاردىڭ الداعى جۇمىس جوسپارى بەكىتىلەدى.
«وسى جۇيە بويىنشا ءتيىستى نورماتيۆتىك-قۇقىقتىق اكتىلەردى دايىندادىق. وسى ايدان باستاپ مەكتەپ ديرەكتورلارى مەن ورىنباسارلارى اتالعان جۇيەمەن تەست تاپسىرىپ, ونىڭ ناتيجەسىندە كەيبىر ديرەكتورلاردى ورنىنان الىپ تاستاۋ مۇمكىندىگى بولادى. كەيبىرەۋلەرىن وزگەرتىپ, باسقا مەكتەپكە تاعايىنداۋ مۇمكىندىگى بولادى. ءتيىمدى جۇمىس ىستەپ جۇرگەن باسشىلار ءتيىستى ۇستەماقىلارىن الىپ, ءارى قاراي جۇمىستارىن جالعاستىرادى», - دەدى اسحات ايماعامبەتوۆ.
