قوعام • 04 ماۋسىم، 2020

شەكارالىق ايماقتاردا جاڭا ۇيلەر سالىنادى

93 رەت كورسەتىلدى

جىل باسىندا وبلىسىمىزدا شەكارا ماڭىنداعى اۋدانداردى دامىتۋ ماقساتىندا 2020-2024 جىلدارعا ارنالعان باعدارلاما ازىرلەنگەن بولاتىن.

باعدارلامانىڭ ماقساتى – ەلدىڭ شەتى، جەلدىڭ وتىن­دەگى كۇرشىم، تارباعاتاي، كاتون­قارا­عاي، زايسان جانە ءۇرجار سەكىلدى شەكاراداعى ايماقتاردى دامىتۋ، تۇرعىنداردىڭ الەۋ­مەت­تىك احۋالىن جاقسارتۋ، ينفراقۇ­رى­لىمدى نىعايتۋ. قازىرگى ۋاقىت­تا وڭىردە وسى باعىتتاعى العاش­قى جۇمىستار باستالىپ تا كەتتى. ماسەلەن، تارباعاتاي اۋدانىنىڭ اقسۋات جانە اقجار اۋىلدارىندا مەملەكەت-جەكەمەنشىك سەرىكتەستىك اياسىندا باسپانالار سالىنباق. العاشقى ۇيلەر­دىڭ قۇرىلىسىن ءساۋىر ايى­نىڭ سوڭىندا اقجار اۋىلىندا جەر­گىلىكتى كاسىپكەر قايرات قوجاحمەتوۆ باستاپ كەتكەن ەدى. «جالپى اۋماعى 100 شارشى مەتر بولاتىن ۇيلەر­دىڭ قابىرعاسى گازبلوكتان تۇر­عىزىلۋدا. جارىق باعان­دارى، كارىز جۇيەسى، اۋىزسۋ ىرگەسىنە كەلىپ تۇر. ازىرگە 10 ۇيگە كەلىسىمشارت جاسالادى. ياعني كاسىپكەر سالعان ۇيلەر بيۋدجەت ەسەبىنەن ساتىپ الىنادى. باسپانالار كەزەكتە تۇرعان كوپ­بالالى وتباسىلارعا بەرىلەدى. جوسپار بويىنشا اقسۋاتتان – 50، اقجاردان – 50 باسپانا سالۋدى مەجەلەپ وتىرمىز»، دەپ جازعان-دى سول كەزدە تارباعاتاي اۋدانىنىڭ اكىمى سەرىكقازى سادۋاقاسوۆ ءوزىنىڭ Facebook-تەگى پاراقشاسىندا.

ەندى مىنە، يگى ءىس جالعاسىن تاۋىپ، تارباعاتايلىق دۋلات تاس­تە­كەەۆ، اسەت مۇفتيەۆ، دار­حان شوتاباەۆ سىندى كاسىپكەرلەر ارقاي­سىسى 10-نان جينا­لىپ 30 ءۇي (قوس پاتەرلى) سالامىز دەپ ۋادە بەرىپتى. كەشە اقسۋات­تاعى «ەت كومبيناتى» اتالاتىن ىق­شام اۋدانىندا جەر ۋچاسكە­لەرى ولشەنىپ، قازىقتارى قاعىلىپتى.

ەسكەرتە كەتەيىك، اقسۋات پەن اقجاردا ۇيلەر سالۋ ماسەلەسى بيىل وبلىس اكىمى دانيال احمەتوۆ اقجار اۋىلىنا بارىپ، شەكارالىق ايماقتاردى دامىتۋ جونىندە جيىن وتكىزگەن كەزدە تۇرعىندار تاراپىنان كوتەرىلگەن بولاتىن.

 

شىعىس قازاقستان وبلىسى،

تارباعاتاي اۋدانى

 

سوڭعى جاڭالىقتار

جارىس پەن تابىس

ەكونوميكا • بۇگىن، 00:00

اقىلدىڭ ازابى

تاريح • كەشە

مەيرامحانالار جانە پاندەميا

كوروناۆيرۋس • كەشە

جۇرت جاعاجاي ىزدەپ ءجۇر

ايماقتار • كەشە

ۇقساس جاڭالىقتار