پىكىر • 04 ماۋسىم، 2020

تاعىلىمى مول مەرەكە

31 رەت كورسەتىلدى

ەڭسەلى ەلىمىزدىڭ ەرەكشە بەلگىسى، ول – مەملەكەتتىك رامىزدەرىمىز. ولاردى رەسمي تۇرعىدا قابىلداۋ ىسىنە حالقىمىز ايرىقشا كوڭىل بولگەن. بۇل ءوز كەزەگىندە ەلىمىز ءۇشىن رامىزدەردىڭ قانشالىقتى ماڭىزدى ەكەنىن كورسەتسە كەرەك.

1992 جىلى رەسمي تۇردە، ياعني تاريحي زاڭدار ارقىلى قا­بىلدانعان، بارشا قازاق­ستان­دىقتىڭ ماقتا­نى­شى­نا اينالعان مەملەكەتتىك را­مىز­دە­رىمىزدىڭ بۇگىندە جانىمىزعا جىلىلىق ۇيالاتا بىلەر تاريحى قالىپتاستى. رامىزدەرىمىزدىڭ تاريحىنا، مازمۇنىنا زەر سال­ساڭىز تاۋەلسىز ەلىمىزدىڭ بەي­بىت­شى­لىككە، دوستىققا نەگىزدەلگەن ۇستا­نىمىن، ساياساتىن انىق ا­ڭ­عا­­راسىز.

ءوزىم امانگەلدى اۋدانىنا قاراستى امانتوعاي اۋىلىنىڭ تۋماسىمىن. قازاقى اۋىلدا ءوسىپ، قازاق مەكتەبىندە ءبىلىم العان­دىقتان، جاستايىمنان ءانۇرانىمىزدى جاتتاپ، ەلتاڭ­با­مىزدىڭ ءار ورنەگىن زەردەلەپ، بولاشاق ارمان-قيالىن مەم­لەكەتتىك تۋىمىزبەن اس­تاس­­تىر­عان جاستاردىڭ ءبىرى­مىن. بيىل قوستاناي گۋما­ني­­تارلىق كوللەدجىن مەكتەپ­كە دەيىنگى تاربيە جانە وقى­تۋ ماماندىعى بويىنشا ءتامام­داپ جاتىرمىن. 2018 جىلى مەملەكەتتىك رامىزدەر كۇنىنە وراي ۇيىمداستىرىلعان «مەم­لە­كەتتىك رامىزدەر – ماق­تا­­نى­شىم» اتتى وبلىستىق باي­قاۋ­دىڭ جەڭىمپازىمىن.

حالقىمىز ءوز ۇرپاعىنا وتا­نىن، جەرىن، ءتىلىن، مەم­لە­كەت­تىك رامىزدەرىن جۇ­رەك­پەن سۇيۋگە، پاتريوت بولۋعا تاربيەلەگەن جانە باۋلىعان. ءبىزدىڭ مەملە­كەت­تىك رامىزدەرىمىزدىڭ مازمۇنى وتە تەرەڭ، زور تاربيەلىك ءمان-ماعىناسى بار. ولاردىڭ ەلى­مىز­دىڭ وتكەنى مەن بولاشاعىن، ماقسات-مۇددەسىن، بەرىك ۇستا­نى­مىن ايقىندايتىنىن ەسكەرە سويلەسەك، ءاربىر وتانداسىمىز قازاقستان رەسپۋبليكاسىنىڭ مەملەكەتتىك رامىزدەرىن قۇر­مەت­تەپ، قادىرلەپ، ماقتانىش ەتۋى كەرەك.

ءبىز بالاباقشالارعا ءجيى بارىپ، تاجىريبەدەن ءوتىپ تۇ­را­­مىز. ءوسىپ كەلە جاتقان بال­دىر­عاندارعا مەملەكەتتىك رامىز­دە­رىمىز تۋرالى اڭگىمەلەپ، ولار­دى قاستەرلەۋگە ۇيرەتىپ، وتان­سۇي­گىش­تىك­كە تاربيەلەيمىز. 

وسى ورايدا، مەملەكەتتىك را­مىز­دەر كۇنى ءمان-ماڭىزى جو­عا­رى، بابالار اماناتىن ارقالاعان بۇگىنگى ۇرپاققا زور جاۋاپكەرشىلىك ارتاتىن اسا مارتەبەلى مەيرام ەكەنىن اتاپ وتكىم كەلەدى. ومىردەن ەرتە كەت­كەن تالانتتى ايتىسكەر اقىن ورازالى دوسبوسىنوۆتىڭ «اس­پاننان التى قۇلاش جىرتىپ الىپ، قولىنا كوك بايراق قىپ ۇستاعان جۇرت»، دەگەن ءسوزى ەسىمدە جاتتالىپ قالىپتى. بۇل تەگىن ايتىلعان ءسوز ەمەس. كوك – تازالىق پەن اسقاقتىقتىڭ بەلگىسى. كوڭىلىمىز تازا، ارمانىمىز اسقاق بولسىن دەگەن نيەتپەن، بارشا قازاقستاندىقتى 4 ماۋسىم – قازاقستان رەسپۋب­لي­كا­سىنىڭ مەملەكەتتىك رامىزدەرى كۇنىمەن شىن جۇرەكتەن قۇتتىق­تاي­مىن! ءاردايىم اسپانىمىز اشىق، ەلىمىز تىنىش، حال­قى­مىز امان، مارتەبەمىز بيىك بولسىن! رامىزدەر كۇنى قۇتتى دا، بەرەكەلى بولىپ، ەلىمىز بىر­لىك پەن ىنتىماقتى تۋ ەتىپ، بيىك­تەر­دى باعىندىرا بەرسىن!

 

وكسانا تەرەنتەۆا،

قوستاناي گۋمانيتارلىق كوللەدجىنىڭ ستۋدەنتى

 

قوستاناي وبلىسى

 

سوڭعى جاڭالىقتار

ۇرى الىستان كەلمەپتى

ايماقتار • بۇگىن، 10:15

شاشتان شاحمات تاسىن جونادى

تانىم • بۇگىن، 07:44

ونلاين-سورەدە – ويلى كىتاپتار

رۋحانيات • بۇگىن، 07:42

دارىگەرلەرگە كولىك سىيلادى

وقيعا • بۇگىن، 07:17

سوڭعى پاتسيەنت ۇيىنە قايتتى

قوعام • بۇگىن، 07:05

جامانتاۋدى جوعالتىپ المايىق

رۋحانيات • بۇگىن، 06:50

سەنات دەپۋتاتتارى سايلاندى

سايلاۋ • بۇگىن، 06:48

ادەپتى ادەمى ۇستاز

رۋحانيات • بۇگىن، 06:47

ۇقساس جاڭالىقتار