مۇقتاج جاندارعا اتاۋلى الەۋمەتتىك كومەك, ازاماتتارعا قولداۋ كورسەتۋدى ماقسات ەتكەن اكتسيا كوروناۆيرۋس پاندەمياسى سالدارىنان ەلىمىزدە توتەنشە جاعداي رەجىمى ەنگىزىلۋىنە بايلانىستى 16 ناۋرىزدان باستاپ تۇڭعىش پرەزيدەنت – ەلباسى نۇرسۇلتان نازارباەۆتىڭ تاپسىرماسىمەن قۇرىلىپ, جۇمىسىن ۇيلەستىرۋ Nur Otan پارتياسىنا جۇكتەلدى.
ناتيجەگە كەلەر بولساق, ەلباسىنىڭ باستاماسىمەن قۇرىلعان «Birgemiz» قوعامدىق قورىنا 24 ملرد تەڭگەدەن استام قارجى ءتۇسىپ, الەۋمەتتىك جاعدايى تومەن 362 مىڭ وتباسىعا 50 000 تەڭگە كولەمىندە ءبىر رەتتىك قارجىلاي كومەك بەرىلدى. وعان قوسا ءار ءتۇرلى وڭىردەگى 236 مىڭنان استام وتباسىعا ازىق-ت ۇلىك سەبەتتەرى مەن گيگيەنالىق زاتتار جەتكىزىلدى.
نۇر-سۇلتان, الماتى جانە شىمكەنت قالالارىندا 100 مىڭ وتباسىعا 5 ميلليون دانا مەديتسينالىق ماسكا ۇلەستىرىلىپ, 3000 جالعىزباستى قارت كۇندەلىكتى ىستىق تاعاممەن قامتاماسىز ەتىلدى.
«Biz birgemiz» اكتسياسىنا جاسوتاندىقتار باستاماسىمەن رەسپۋبليكا بويىنشا 5 مىڭنان استام ۆولونتەر كومەك قولىن سوزدى.
بيىل 2 مامىر كۇنى تۇركىستان وبلىسى ماقتاارال اۋدانىنداعى ەلدى مەكەندەردى سۋ باسۋىنا بايلانىستى ايماقتا توتەنشە جاعداي جاريالانىپ, وعان دا اتالعان اكتسيا شەڭبەرىندە ۆولونتەرلەر جۇمىلدىرىلدى. سۋ باسۋ سالدارىنان 31 مىڭنان استام اۋدان تۇرعىنى قاۋىپسىز ورتالىقتارعا ەۆاكۋاتسيالاندى.
Nur Otan پارتياسى مەن Jas Otan جاستار قاناتىنىڭ قالالىق جانە وبلىستىق فيليالدارىندا گۋمانيتارلىق كومەك قابىلداۋ پۋنكتتەرى اشىلدى. پارتيا تاراپىنان ەلوردادان 40 توننا گۋمانيتارلىق كومەك جولداندى. «ماقتاارال, Birgemiz» ۆولونتەرلەر شتابى قۇرىلىپ, وعان بارلىعى 500-دەن استام ۆولونتەر جۇمىلدىرىلدى», دەيدى Jas Otan جاستار قاناتىنىڭ جەتەكشىسى ەلنۇر بەيسەنباەۆ.
اكتسيا بارىسىندا رۋحاني قۇندىلىقتار دا ۇمىت قالعان جوق. مامىر ايىنىڭ 18-22 ارالىعىندا Jas Otan جاستار قاناتىنىڭ بەلسەندىلەرىنە ءتۇرلى تاقىرىپتا 17 ءتۇرلى ونلاين سەسسيا وتكىزىلدى. جاستار بىرنەشە كۇن بويى تايم مەنەدجمەنت, ۆولونتەرلىك نەگىزدەرى, ونلاين ءىس-شارالار وتكىزۋ بويىنشا ءدارىس تىڭداپ, پىكىر الماستى. ونلاين سەسسيالارعا 550 ۆولونتەر قاتىستى.
«جالپى, اتالعان اكتسيا ەلدەگى ۆولونتەرلىكتى دامىتۋعا زور ۇلەس قوسىپ, جاستارعا ەرىكتىلىك مادەنيەتىن قالىپاستىرۋ مەن كومەك كورسەتۋدىڭ ماڭىزدىلىعىن كورسەتكەندەي بولدى. جاستارىمىز «ۆولونتەر جىلى» اياسىندا سوزدەن ىسكە كىرىسىپ, بىلىكتىلىگىن دە, ءبىلىمىن دە ارتتىرۋعا مۇمكىندىك الدى. تالاي وتباسىعا قولداۋ ءبىلدىرىلىپ, قارتتارىمىزعا كومەك كورسەتىلدى», دەپ تۇيىندەدى ءسوزىن ە.بەيسەنباەۆ.
