شاعىن ماقالادا وبلىس ورتالىعىنداعى لەرمونتوۆ اتىنداعى ورتالىق كوشە بويىنداعى جوندەلمەگەن ايالدامالاردىڭ بىرىندە قوقىس سالعىشقا قاراتىپ اباي اتامىزدىڭ سۋرەتى سالىنعانى, ءىشى-سىرتىندا ۇلى اقىننىڭ سۋرەتتەرى, ناقىل سوزدەرى جازىلعانى تۋرالى جازعانىمىز وقىرماننىڭ ەسىندە بولار.
ابايدىڭ 175 جىلدىعىنا وراي «رۋحاني جارناماعا» تاپسىرىس بەرگەن قالالىق اكىمدىك, ىشكى ساياسات ءبولىمى قىزمەتكەرلەرىنىڭ وراشولاقتىعىنا تاڭعالاسىڭ, اباي – بىلگەنگە مارجان, بىلمەسكە ارزان دەگەن ەدىك وندا ءبىز.
كەشە پاۆلودار قالالىق ىشكى ساياسات ءبولىمىنىڭ باسشىسى ءنايلا احمەتوۆا حابارلاسىپ, ابايدىڭ سۋرەتتەرى, ناقىل سوزدەرى ايالدامادان الىنىپ تاستالعانىن حابارلادى.
وبلىس اكىمدىگى ءبىزدىڭ ماقالاعا نازار اۋدارىپ, قالالىق اكىمدىككە ايالدامادا تۇرعان «جارنامالارىڭدا كىمدى مازاق ەتكەنسىڭدەر» دەمەسە, ءالى دە سولاي تۇرا بەرەر مە ەدى, كىم ءبىلسىن؟!
پاۆلودار
