پرەزيدەنت • 24 مامىر، 2020

پرەزيدەنت ورازا ايت مەرەكەسىمەن قۇتتىقتادى

34 رەت كورسەتىلدى

مەملەكەت باسشىسى قاسىم-جومارت توقاەۆتىڭ قازاقستان مۇسىلماندارىن ورازا ايت مەرەكەسىمەن قۇتتىقتادى. بۇل تۋرالى اقوردانىڭ ءباسپاسوز قىزمەتى حابارلادى.

مەملەكەت باسشىسى قاسىم-جومارت توقاەۆتىڭ قازاقستان مۇسىلماندارىن ورازا ايت مەرەكەسىمەن قۇتتىقتاۋى

 

 

قۇرمەتتى وتانداستار!

 

سىزدەردى ورازا ايت مەرەكەسىمەن شىن جۇرەكتەن قۇتتىقتايمىن!

بۇل – يسلام الەمىندەگى ايتۋلى ءارى قاستەرلى مەيرام.

ورازا ايت رۋحاني تۇرعىدان جاڭارۋعا جانە كەمەلدەنۋگە ۇندەيتىن قاسيەتتى رامازان ايىنا جالعاسىپ، جاقسىلىققا جەتەلەيدى.

يماندىلىقپەن بەرىك ۇندەس ادامگەرشىلىك پەن باۋىرمالدىق، قاراپايىمدىلىق پەن كىشىپەيىلدىلىك – ۇلتتىق ءتالىم-تاربيەنىڭ باستاۋى. ونى بۇگىنگى ۇرپاقتىڭ ءومىر سالتىنا اينالدىرۋىمىز كەرەك.

مەيرام كۇندەرى كۇللى مۇسىلمان قاۋىمى ءبىر-بىرىنە قامقورلىق جاساپ، مۇقتاج جاندارعا قولداۋ كورسەتەدى. مۇنداي يگى ىستەر ءبىزدىڭ ىرىس-ىنتىماعىمىزدى ارتتىرا تۇسەدى.

رامازان ايىندا سابىر ساقتاپ، توزىمدىلىك تانىتقانىمىزدىڭ ارقاسىندا ىندەتكە بايلانىستى قالىپتاسقان احۋال ءبىرشاما تۇراقتاندى.

حالقىمىزدىڭ پاراساتى مول، بىرلىگى بەكەم بولسا، بۇل سىناقتان دا سۇرىنبەي وتەمىز دەپ سەنەمىن.

ورازا ايت قۇتتى بولسىن!

بارشاڭىزعا زور دەنساۋلىق، باق-بەرەكە جانە تولايىم تابىس تىلەيمىن!

سوڭعى جاڭالىقتار

ورازانىڭ ءار ءساتى ساۋاپ

رۋحانيات • كەشە

ءسوزدىڭ جەتى بوياۋى

تانىم • كەشە

ۇقساس جاڭالىقتار