قازاقستاندىق رەجيسسەر ەرمەك تۇرسىنوۆ تۇسىرگەن «شال» ءفيلمى ەندى امەريكا كينواكادەمياسىنىڭ «وسكار» سىيلىعىنا ۇسىنىلدى. بۇل تۋرالىTengrinews.kz. ءتىلشىسى حابارلادى.
فيلم «شەت تىلىندەگى ۇزدىك فيلم» نوميناتسياسىن الۋ ءۇشىن تالاسقا تۇسەدى. بەلگىلى كينورەجيسسەر ساتىبالدى نارىمبەتوۆ باسقارعان كوميسسيا وسى ءۇشىن قاجەتتى قۇجاتتاردى اقش-قا جىبەرىپ قويىپتى.
وتكەن جىلى قازاقستاننان بۇل سىيلىققا امانتاي ساتاەۆتىڭ «جاۋجۇرەك مىڭ بالا» اتتى تاريحي دراماسى ۇسىنىلعان بولاتىن. بىراق ول سىيلىقتىڭ شورت-پاراعىنا ىلىكپەدى. ياعني جۇلدەگە تالاساتىن تاڭداۋلى فيلمدەردىڭ ساناتىنا كىرە المادى.
«شال» دراماسى امەركالىق جازۋشى ەرنەست حەمينگۋەيدىڭ «شال مەن تەڭىز» اتتى نوبەل سىيلىعىن العان پوۆەسىنىڭ جەلىسى نەگىزىندە تۇسىرىلگەن. راس, ونداعى ءومىر قازاقتىڭ بايتاق دالاسىندا وتەدى. ونىڭ باستى ءرولىن سومداعان ەربولات توعىزاقوۆ قازاقستاننىڭ 2013 جىلعى ەڭ ۇزدىك اكتەرى تانىلدى. بۇل فيلم مەن ە.توعىزاقوۆ جاقىندا رەسەي كينوفەستيۆالىنىڭ باس جۇلدەسىن جەڭىپ الدى.
ەسكە سالا كەتەيىك, ەرمەك تۇرسىنوۆتىڭ «كەلىن» ءفيلمى دە 2010 جىلى «وسكار» سىيلىعىنا ۇسىنىلعان بولاتىن. ول فەستۆالدىڭ شورت-پاراعىنا كىرە الدى. الايدا, باس جۇلدە الا المادى. دەگەنمەن, الەم كينەماتوگرافتارىنان جاقسى باعا الدى.
مۇرات ايتقوجا.
