ءماجىلىس توراعاسى نۇرلان نىعماتۋلين ليۋكسەمبۋرگ ۇلى گەرتسوگتىگىنىڭ قازاقستانداعى توتەنشە جانە وكىلەتتى ەلشىسى پەر فەررينگتى قابىلدادى, دەپ حابارلادى وسى پالاتانىڭ ءباسپاسوز قىزمەتى.
ءماجىلىس توراعاسى نۇرلان نىعماتۋلين ليۋكسەمبۋرگ ۇلى گەرتسوگتىگىنىڭ قازاقستانداعى توتەنشە جانە وكىلەتتى ەلشىسى پەر فەررينگتى قابىلدادى, دەپ حابارلادى وسى پالاتانىڭ ءباسپاسوز قىزمەتى.
كەزدەسۋ بارىسىندا تاراپتار قازاقستان-ليۋكسەمبۋرگ اراسىنداعى ارىپتەستىككە قاتىستى بىرقاتار ماسەلەلەردى تالقىلادى. پالاتا توراعاسىنىڭ اتاپ وتكەنىندەي, قازاقستان پرەزيدەنتى مەن ۇلى گەرتسوگتىكتىڭ جەتەكشىسى اراسىنداعى قول جەتكىزىلگەن كەلىسىمدەر قوس ەل قارىم-قاتىناسىنىڭ تۇراقتى دامۋىنا نەگىز قالاپ وتىر. سونىمەن قاتار, ن.نىعماتۋلين ليۋكسەمبۋرگتىك جاڭا تەحنولوگيالار مەن يننوۆاتسيالاردى ەنەرگەتيكا مەن مەديتسينا سالالارىندا ءتيىمدى پايدالانۋ ەكى ەل ىنتىماقتاستىعىنىڭ الەۋەتىن كۇشەيتە تۇسەتىنىن ايتىپ ءوتتى. اسىرەسە, ونىڭ قازاقستاننىڭ «جاسىل ەكونوميكاعا» كوشۋى قارساڭىندا ماڭىزدىلىعى ارتا تۇسپەك.
تاراپتار پارلامەنتارالىق ارىپتەستىكتى نىعايتۋ مۇمكىندىكتەرىن دە نازاردان تىس قالدىرمادى.
ءماجىلىس توراعاسى دەپۋتاتتىق كورپۋستىڭ بارلىق كۇش-ءجىگەرى ەلباسى نۇرسۇلتان نازارباەۆتىڭ «قازاقستان-2050» ستراتەگياسىندا جۇكتەلگەن ءمىندەتتەردى زاڭنامالىق قامتاماسىز ەتۋگە باعىتتالاتىنىن اتاپ ءوتتى.
مارتەبەلى مەيمان ءوز كەزەگىندە قازاقستاننىڭ سوڭعى ۋاقىتتارداعى قارقىندى دامۋىن تىلگە تيەك ەتە وتىرىپ, ليۋكسەمبۋرگتىڭ بارلىق سالادا ارىپتەستىكتى كەڭەيتۋگە جانە پارلامەنتارالىق ءوزارا ءىس-قيمىلدى ودان ءارى نىعايتۋعا ىنتالى ەكەنىن جەتكىزدى. ال حالىقارالىق ماسەلەلەرگە كەلگەندە, كەزدەسۋ يەلەرى بارلىق مەملەكەتتەردىڭ حالىقارالىق لاڭكەستىك پەن باسقا دا جاھاندىق قاتەرلەرگە قارسى كۇش بىرىكتىرۋى جونىندە اڭگىمە ءوربىتتى.
ءماجىلىس توراعاسى قازاقستان مەن ليۋكسەمبۋرگتىڭ اۋعانستان قاۋىپسىزدىگىنە بايلانىستى حالىقارالىق كۇش-جىگەرگە قولداۋ كورسەتۋ اياسىندا دا ءوزارا ىنتىماقتاستىقتىڭ ماڭىزدىلىعىنا توقتالدى.
تاراپتار ەكى ەل اراسىنداعى قارىم-قاتىناس ودان ءارى داميتىنىنا سەنىم ءبىلدىردى.
