17:15
ۋحاندا جابايى اڭداردى جەۋگە, اۋلاۋعا جانە زاڭسىز ساتۋعا تىيىم سالىندى
كوروناۆيرۋستىڭ ەپيتسەنترىنە اينالعان قىتايدىڭ ۋحان قالاسىنىڭ بيلىگى جابايى اڭداردى جەۋگە, اۋلاۋعا, زاڭسىز تاسىمال مەن وسىرۋگە تىيىم سالدى. سارسەنبى كۇنى ۇكىمەت سايتىندا جاريالانعان مالىمدەمەگە سايكەس قابىلدانعان شارالار بەس جىل مەرزىمگە كۇشىنە ەندى.
جابايى اڭدار مەن ولاردىڭ ونىمدەرىن, تابيعي جاعدايدا وسكەن جانە كوبەيتىلگەن جانۋارلاردىڭ ەتىن تاماق رەتىندە پايدالانۋعا تىيىم سالىنادى.
شارالار سيرەك كەزدەسەتىن, قۇرىپ كەتۋ قاۋپى تونگەن جانۋارلارعا, سونداي-اق تۇتىنۋعا زاڭمەن جانە نورماتيۆتىك-قۇقىقتىق اكتىلەرمەن تىيىم سالىنعان جانۋارلارعا دا قولدانىلادى.
ەنگىزىلگەن تىيىم بازارلارعا, عالامتورداعى ساۋدا الاڭدارىنا, دۇكەندەر مەن باسقا دا ساۋدا ورىندارىنا تاراتىلادى. سونداي-اق بىردە-ءبىر ۇيىم نەمەسە جەكە تۇلعانىڭ جابايى جانۋارلار مەن ولاردىڭ ونىمدەرىن جەۋگە قاتىستى جارناما ورنالاستىرۋعا قۇقىعى جوق.
16:30
افريكادا ۆيرۋس جۇقتىرعاندار قاتارى كۇن ساناپ كوبەيىپ كەلەدى
دۇنيەجۇزىلىك دەنساۋلىق ساقتاۋ ۇيىمى افريكادا كوروناۆيرۋستىڭ جاڭا ءتۇرىن جۇقتىرعان ادامداردىڭ سانى 95 مىڭنان اسقانىن حابارلادى. ءۇش مىڭعا جۋىق ادام قايتىس بولعان.
ددۇ اقپاراتى بويىنشا, ەپيدەميا باستالعاننان بەرى افريكا قۇرلىعىندا 95 332 ادام جۇقتىردى. COVID-19 انىقتالعان 2 995 پاتسيەنت قايتىس بولدى. 34 مىڭنان استام ادام ساۋىعىپ كەتكەن.
ەپيادەميا ءورشىپ تۇرعان ايماقتار – وار (18003), مىسىر(14229), الجير (7542), ماروككو (7133), نيگەريا (6677) جانە گانا (6096). ەڭ كوپ ءولىم-ءجىتىم مىسىردا (680), الجيردە (568) جانە وار (339) تىركەلدى.
10:45
ەكىنشى تولقىن بولۋى مۇمكىن - ددۇ
كوروناۆيرۋستىق ينفەكتسيانىڭ ءبىرىنشى تولقىنى اياقتالعان سوڭ بۇكىل الەمدە ەكىنشى تولقىنى باستالادى. بۇل تۋرالى دۇنيەجۇزىلىك دەنساۋلىق ساقتاۋ ۇيىمىنىڭ رەسەي فەدەراتسياسىنداعى وكىلى مەليتا ۆۋينوۆيچ ايتتى.
ء«بىرىنشى تولقىن اياقتالعان ايماقتاردا ەكىنشى تولقىننىڭ بولۋى مۇمكىن ەكەنىن ەسكەرتەمىز. قاۋىپتى كەزەڭنىڭ وتپەگەنىن حالىق ءتۇسىنۋى ءتيىس. بۇل – وتە ماڭىزدى», - دەدى مەليتا ۆۋينوۆيچ.
كوروناۆيرۋسقا بايلانىستى ەنگىزىلگەن شەكتەۋلەردى الىپ تاستاۋعا ءالى ەرتە. ونىڭ ايتۋىنشا, كارانتين ءتارتىبىن جەڭىلدەتۋ ءولىم-ءجىتىمنىڭ وسۋىنە الىپ كەلەدى. ساراپشى جۇقتىرعان ادامدى تەز انىقتاپ, قارىم-قاتىناس شەڭبەرىن انىقتاپ, سودان كەيىن وقشاۋلانعان ادامداردى ەمدەۋ مەن باقىلاۋدىڭ ماڭىزدىلىعىن تاعى دا ەسكە سالدى.
10:15
دۇنيەجۇزىندە 4 996 634 ادام كوروناۆيرۋس جۇقتىردى.
328 115 ادام قايتىس بولدى.
1 897 473 ناۋقاس قۇلان-تازا ايىقتى.
اقش-تا 1 551 853 جاعداي تىركەلدى, 294 312 ادام ساۋىعىپ شىقتى, 93 439 ادام قايتىس بولدى.
رەسەيدە 308 705 جاعداي تىركەلدى, 85 392 ادام ساۋىعىپ شىقتى, 2 972 ادام قايتىس بولدى.
برازيليادا 291 579 جاعداي تىركەلدى, 116 683 ادام ساۋىعىپ شىقتى, 18 859 ادام قايتىس بولدى.
ۇلىبريتانيادا 249 619 جاعداي تىركەلدى, 1 116 ادام ساۋىعىپ شىقتى, 35 786 ادام قايتىس بولدى.
يسپانيادا 232 555 جاعداي تىركەلدى, 156 376 ادام ساۋىعىپ شىقتى, 27 888 ادام قايتىس بولدى.
يتاليادا 227 364 جاعداي تىركەلدى, 132 282 ادام ساۋىعىپ شىقتى, 32 330 ادام قايتىس بولدى.
