ء«ماجىلىس دەپۋتاتتارى ماقۇلداعان «قازاقستاندا بەيبىت جينالىستاردى ۇيىمداستىرۋ جانە وتكىزۋ ءتارتىبى تۋرالى» زاڭ جوباسى – پرەزيدەنتتىڭ ساياسي رەفورمالارى پاكەتىندەگى باستى باستامالاردىڭ ءبىرى. بەيبىت جينالىستاردى وتكىزۋ ەركىندىگى ءبىزدىڭ ەلدىڭ كونستيتۋتسياسىمەن بەكىتىلگەن. بۇل قۇقىق دەموكراتيالىق قوعامنىڭ نەگىزگى ەلەمەنتتەرىنىڭ ءبىرى رەتىندە سانالادى. وزدەرىڭىز بىلەتىندەي, زاڭ جوباسى ءارتۇرلى قوعامدىق الاڭدا تالقىلانىپ, جۇمىس توبىنىڭ وتىرىسى كوپ جەردە ءوتتى. پارلامەنتتە ۇەۇ وكىلدەرىنىڭ, عالىمدار مەن ساراپشىلاردىڭ قاتىسۋىمەن اشىق تۇردە جانە كەڭىنەن تالقىلاندى», - دەدى ايدا بالاەۆا.
ونىڭ ايتۋىنشا, زاڭ جوباسىن اشىق تالقىلاۋدىڭ ارقاسىندا پارلامەنت ءماجىلىسى مەن سەنات قابىرعاسىندا زاڭ جوباسى ەداۋىر كونتسەپتۋالدىق وزگەرىستەرگە ۇشىرادى. ماقۇلدانعان جوبالار حالىقارالىق ۇزدىك تاجىريبەلەرمەن بىرگە, ءبىزدىڭ قوعامنىڭ تالابى مەن سۇرانىسىنا ساي كەلەدى.
«زاڭ جوباسىنىڭ ازىرلەنۋىنە بەلسەندى اتسالىسقان دەپۋتاتتار مەن ازاماتتىق قوعام وكىلدەرىنە, ۇلتتىق قوعامدىق سەنىم كەڭەسىنە العىسىمدى بىلدىرەمىن», - دەدى ول.
