رۋحانيات • 20 مامىر، 2020

جاننات باقتاي ونلاين كونتسەرتكە شاقىرادى

31 رەت كورسەتىلدى

«استانا وپەرا» YouTube ارناسىندا 25 مامىر كۇنى ساعات 20:00-دە «جاننات باقتاي ونلاينعا شاقىرادى» كونتسەرتىنىڭ پرەمەراسى وتەدى. قازاقستاننىڭ ەڭبەك سىڭىرگەن ءارتىسى، «استانا وپەرانىڭ» جەتەكشى ءسوليسى، قازاقستاندىق وپەرا ساحناسىنىڭ جۇلدىزى ارنايى وزىنە جازىلعان شىعارما تۋرالى جانە كومپوزيتسيانىڭ العاش رەت وسى مۋزىكالىق كەشتە ورىندالاتىنى تۋرالى ايتتى.

سونىمەن قاتار تانىمال ءانشى الداعى كونتسەرتكە دايىندىق جۇمىستارىنان العان ەموتسيالارىمەن ءبولىسىپ، جوباعا قاتىسقان ارىپتەستەرى جايىندا ءسوز قوزعادى.

- تىڭدارمانداردى نە كۇتىپ تۇر جانە ولارعا قانداي توسىنسىيلار ازىرلەدىڭىز؟

- باعدارلاما تاڭداۋدا مەن ءتۇرلى اسپەكتىلەردى باسشىلىققا الدىم. بارلىق ارتىستەر ءتارىزدى مەن دە ۇلكەن مەرەكە – ۇلى ويشىل، اقىن ءارى كومپوزيتور اباي قۇنانباەۆتىڭ 175 جىلدىعى قارساڭىندا ءوز مۋزىكالىق تارتۋىمدى جاساعىم كەلدى. باعدارلاماعا ونىڭ تىڭدارمان قۇلاعىنا سىڭگەن ەڭ تانىمال ءارى سۇيىكتى اندەرىن ەنگىزدىم. كونتسەرت اياسىندا ولار پوپۋرري تۇرىندە ورىندالاتىن بولادى. تەاترىمىزدىڭ رەپەرتۋارىندا ۇلتتىق كلاسسيكانىڭ جاۋھارى – بارلىق گاسترولدەرىمىزدە بەتكەۇستار قويىلىم رەتىندە ۇسىنىلاتىن ا.جۇبانوۆ، ل.ءحاميديدىڭ «اباي» وپەراسى بولعاندىقتان، ارينە، وسى وپەرادان ءۇزىندى ورىنداپ بەرگىم كەلەدى. كوپشىلىك نازارىنا سيپاتى جاعىنان حالىق اندەرىنە جاقىن كەلەتىن اجار مەن ايداردىڭ دۋەتى ۇسىنىلادى. كونتسەرت ونلاين فورماتتا وتەتىندىكتەن، ونىڭ قابىلداۋعا جەڭىل بولۋىن قالادىم، سوندىقتان باعدارلاماعا كۇردەلى اريالاردى ەنگىزبەدىم، مۋزىكالىق كەش رەپەرتۋارىن ەسترادالىق كومپوزيتسيالارمەن تۇرلەندىردىم.

- وپەرالىق ورىنداۋشىلار ءۇشىن ونلاين كونتسەرت – جاڭا فورمات. ءسىز ءۇشىن ەرەكشەلىك تۋدىرعان نە؟

- ءيا، قازىر ءبىز، مۋزىكانتتار، ءوز شىعارماشىلىعىمىزدى وسىنداي فورماتتا ۇسىنىپ ءجۇرمىز، الايدا ساحنادا ونەر كورسەتە وتىرىپ، كورەرمەندەردىڭ ءجۇزىن كورۋگە، قوشەمەتى مەن سۇيسىنگەن كوزقاراستارى ارقىلى ولاردىڭ العان اسەرلەرىن بايقاۋعا ۇيرەنىپ قالعانبىز. ياعني ول كەزدەرى تىكەلەي كورەرمەنمەن كوڭىل-كۇيىمىزبەن الماساتىنبىز. وكىنىشكە قاراي، ءالى دە ونەرسۇيەر قاۋىممەن بايلانىسا المايمىز جانە قازىرگى جاعدايدا وسىنداي ەرەكشە قارىم-قاتىناس قۇرىپ جاتىرمىز. دەمەك، تىڭدارماندارىمىزدىڭ قالاي قابىلداعانىن ءبىز كەيىنىرەك پىكىرلەردەن بىلە الامىز. بۇل جۇمىستا ەڭ باستىسى – كورەرمەنىمىزبەن ارامىز ۇزىلمەيدى. مۋزىكا بارشامىزعا دا كەرەك، سەبەبى ادام بۇل دۇنيەگە انمەن كەلىپ، انمەن وتەدى، ول – ومىردەگى سەرىگىمىز. ءبىز ءتۇرلى جاعدايلارعا تاپ بولامىز، عاشىق بولساق تا، قۋانساق تا، مۇڭايساق تا، قامىقساق تا، ول ارقاشان بىزبەن بىرگە. وسى كونتسەرت ارقىلى مەن حالقىمىزدىڭ رۋحىن قولداعىم كەلەدى، ونەردى سۇيەتىن، بىراق كارانتين كەزەڭىندە ونىمەن قاۋىشا الماي جۇرگەن جاندارعا ءبىر جۇتىم تازا اۋاداي ءنار بەرگىم كەلەدى.

- سىزبەن بىرگە وسى جوباعا كىمدەر قاتىسادى؟  

-كونتسەرتكە ەكى كونتسەرتمەيستەر – «استانا وپەرا» وپەرا ترۋپپاسىنىڭ باس كونتسەرتمەيستەرى ەلەنا ساحنو جانە مەنىڭ ەسكى دوسىم، تانىمال كومپوزيتور ءالىبي ءابدىنۇروۆ قاتىسادى. ول مەنىڭ شىعارماشىلىق يدەيالارىمدى شىندىققا اينالدىرادى، ءسويتىپ، ومىرگە جاڭا اندەر كەلەدى. اتالعان مۋزىكالىق كەشتە ءبىز سولاردىڭ ءبىرىن ۇسىنامىز. كونتسەرتىمنىڭ سوڭعى كومپوزيتسياسى ارنايى مەن ءۇشىن جازىلعان، «سۇيىكتى قالام» دەپ اتالادى. ءالىبي ابدىنۇروۆقا وسى ءان بويىنشا جۇمىس جاساۋ بارىسىندا بارلىق پىكىرلەرىم مەن تىلەكتەرىمدى ەسكەرگەنى ءۇشىن العىسىم شەكسىز. شىعارماشىلىعىمىز تىڭدارمان قاۋىمنىڭ كوڭىلىنەن شىعادى دەپ ۇمىتتەنەمىن. وسى كونتسەرتتە بارلىق كومپوزيتسيالارعا جاڭا دەم بەرگىم كەلدى، بۇل رەتتە ونىڭ كومەگى ۇشان-تەڭىز.

ساحنا تورىنە مەنىمەن بىرگە تاماشا ارىپتەستەرىم – قازاقستاننىڭ ەڭبەك سىڭىرگەن قايراتكەرى، يتاليا جۇلدىزى وردەنىنىڭ كاۆالەرى مەدەت چوتاباەۆ جانە بولاشاعىنان زور ءۇمىت كۇتتىرەتىن نارۇل تويكەنوۆ شىعادى.

سۇحبات سوڭىندا جاننات باقتاي ءوز شىعارماشىلىعىنىڭ جانكۇيەرلەرىن ونلاين كونتسەرتكە شاقىردى. 

-كوكتەم كەلدى، كارانتين ءبىراز جەڭىلدەتىلدى، جانىم اسقاق مۋزىكانى قالايدى، ءان قاناتىندا قالىقتاپ ۇشقىم كەلەدى. قىمباتتى تىڭدارماندارىم ءۇشىن جاقسى ەموتسيالار مەن قۋانىشتى سەزىمدەر عانا سىيلاعىم كەلەدى. ونلايندا كەزدەسكەنشە!

1

سوڭعى جاڭالىقتار

ەلگە كەرەك ەكى كىتاپ

رۋحانيات • بۇگىن، 08:52

«عارىشقا اپارار جول»

رۋحانيات • بۇگىن، 08:50

العاشقى عارىش ايلاعى

وقيعا • بۇگىن، 08:48

تاريحي جەرلەردىڭ تاعىلىمى بولەك

رۋحانيات • بۇگىن، 08:30

شيرەك فينالدا ءسۇرىندى

تەننيس • بۇگىن، 08:11

ەل-كلاسيكودا جەڭىسكە جەتتى

فۋتبول • بۇگىن، 08:06

رۋحى بيىك ەل ەشقاشان جەڭىلمەيدى

رۋحانيات • بۇگىن، 08:05

يزرايلدەن باسىم ءتۇستى

سپورت • بۇگىن، 08:04

عىلىمنىڭ جاڭا بەلەسى

عىلىم • بۇگىن، 08:01

ۇلتتىق ۇردىستەر ۇزىلمەيدى

قازاقستان • كەشە

ۇقساس جاڭالىقتار