ەلباسى قىزىلوردا وبلىسىنا ساپارى كەزىندە كۇرىش شارۋاشىلىعىنا قاتىستى ناقتى تاپسىرمالار بەردى. ماسەلەن, ايماقتا كۇرىش ءوندىرۋ بارىسىندا ءالى كۇنگە بۇرىنعى تەحنولوگيالاردىڭ قولدانىلاتىنىن ايتتى. كۇرىشتىڭ وزىندىك قۇنى نەلىكتەن قىمبات ەكەنىنە دە توقتالدى. وسىعان سايكەس شارۋاشىلىقتا جاڭا تەحنولوگيالاردى پايدالانۋ كەرەكتىگىن ەسكەرتتى.
ەلباسى قىزىلوردا وبلىسىنا ساپارى كەزىندە كۇرىش شارۋاشىلىعىنا قاتىستى ناقتى تاپسىرمالار بەردى. ماسەلەن, ايماقتا كۇرىش ءوندىرۋ بارىسىندا ءالى كۇنگە بۇرىنعى تەحنولوگيالاردىڭ قولدانىلاتىنىن ايتتى. كۇرىشتىڭ وزىندىك قۇنى نەلىكتەن قىمبات ەكەنىنە دە توقتالدى. وسىعان سايكەس شارۋاشىلىقتا جاڭا تەحنولوگيالاردى پايدالانۋ كەرەكتىگىن ەسكەرتتى.
جالپى, ايماقتا 19 ءىرى, 24 ورتا, 328 شاعىن شارۋاشىلىقتار ەگىن ەگىپ جاتىر. ارينە, ولاردىڭ بارلىعى ءوز جۇمىستارىندا زامانا جەتىستىكتەرىن قولدانىپ جاتىر دەسەك, ابەستىك بولار ەدى. دەگەنمەن, ولاردىڭ اراسىندا دا سوڭعى تەحنولوگيالاردىڭ يگىلىگىن كورىپ جاتقاندار جەتكىلىكتى. سولاردىڭ ءبىرى – «ماعجان جانە ك» جاۋاپكەرشىلىگى شەكتەۋلى سەرىكتەستىگى.
بيىل اتالعان سەرىكتەستىك 4826 گەكتار القاپقا ءدان سەپتى. ەگىن ءتاۋىر شىقتى. ونىمدىلىگى دە جامان ەمەس. وسى كۇندەرى كۇرىش ورىلىپ بولىپ قالدى. شارۋاشىلىق گەكتارىنان 65 تسەنتنەردەن ءونىم جيناپ جاتىر. سالىستىرمالى تۇردە ايتار بولساق, بۇل بۇعان دەيىنگى ناۋقانداردان جوعارى. جىل سايىن كۇرىشتىڭ مولىنان ورىلىپ جاتقانىنا قولىمىزداعى دەرەكتەر كۋا. ايتالىق, 2008 جىلى گەكتارىنان 54 تسەنتنەردەن ءونىم العان ەكەن. ودان بەرى جىل سايىن ناتيجە ارتىپ وتىرعان. ال ونىڭ بىرنەشە سەبەبى بار. ەندى وسىعان توقتالايىق. ەڭ الدىمەن, جەرگە ەگىلەتىن تۇقىم دۇرىس بولۋى كەرەك. كوپتەگەن شارۋاشىلىقتار مۇرتى سىنعان, قابىعى ارشىلعان, قۇرت جەگەن تۇقىمدى سەبەتىنى جاسىرىن ەمەس. مۇنداي تۇقىمنان ءجونى ءتۇزۋ ءونىمنىڭ الىنباسى بەلگىلى. ونىڭ سىرتىندا تۇقىمدىق كۇرىشتى وڭدەيتىن قۇرال-جابدىقتىڭ ءبارى دەرلىك كەڭەستىك كەزەڭنەن كەلە جاتقان, ابدەن ەسكىرگەن دۇنيەلەر. بولماسا, ارزان باعاعا ساتىپ الىنعان ساپاسى اسا مىقتى دەۋگە كەلمەيتىن جابدىقتار. ال ول كۇرىشتى كۇرمەكتەن تولىق ايىرمايدى. ءبىز ايتىپ وتىرعان سەرىكتەستىك ناعي ءىلياسوۆ اۋىلىندا تۇقىم وڭدەيتىن زاۋىت سالدى. ارنايى گەرمانيادان اكەلىنگەن «Petkus GmbH» كومپانياسىنىڭ قوندىرعىسى بارلىق زاماناۋي تالاپتارعا ساي كەلەدى. زاۋىتتاعى جابدىقتاردىڭ «ميى» بار ما دەرسىڭ؟ تازا, ساپالى ءونىم بەرەتىن تۇقىمدى ءبىر بولەك شىعارادى. ال ءونىم بەرمەيتىن, بىراق پايدالانۋعا بولاتىن كۇرىشتەردى بولەكتەپ تاستايدى. تاعى ءبىر جاعىنان كۇرمەكتەردى ارشىپ الادى. ءبىر سوزبەن ايتقاندا, ساپالى دۇنيە ەكەنى كوزگە بىردەن تۇسەدى. تازالانعان ءاربىر تۇقىمدىق كۇرىشتىڭ كەلىسىندە ءارى كەتكەندە بەس-اق كۇرمەك بولادى. ەسكى زاۋىتتا تازالاناتىن كۇرىشتە 20-30 كۇرمەككە دەيىن جەتەدى ەكەن. ايىرماسى ايتپاسا دا ءتۇسىنىكتى. زاۋىت ساعاتىنا 5 توننا تۇقىمدىق كۇرىشتى وڭدەي الادى. كۇنىنە 100 توننا تۇقىمدى ەنتىكپەي دايىندايدى. سوندا بۇل – وبلىسقا قاجەتتى كۇرىشتىڭ جارتىسىن دايىنداپ بەرۋگە جارايدى دەگەن ءسوز. قىسقاسى, «ماعجان جانە ك» سەرىكتەستىگى تازا تۇقىمدى ءوزدەرى عانا پايدالانىپ وتىرعان جوق, وزگە شارۋاشىلىقتارعا دا دايىنداپ بەرىپ جاتىر. ايتپاقشى, شارۋاشىلىق سوڭعى 5 جىلدا «يانتار», «ليدەر», «فيشت», «انايت» سەكىلدى كۇرىش سورتتارىن جەرسىندىرگەن.
وسى كۇنى رەسەيدىڭ «بالدو», «وسمانچيك», «ۆيكتوريا», «ديامانت», وزبەكستاندىق «گۇلجاحون», «سيتورا», «يستيكبول» جانە «يستيكلول» سورتتارى ءبىزدىڭ جەرگە لايىقتالىپ جاتىر.
ودان كەيىنگى اڭگىمە بىتىك شىققان كۇرىشتى ورىپ الۋدا. كومباين دۇرىس بولماسا, دايىن تۇرعان ءونىمدى ىسىراپ قىلۋ وڭاي. بۇل رەتتە مەكەمە مۇحيتتىڭ ارعى جاعىنان ارنايى تەحنيكالار الدىرعان. بۇگىندە ەگىستىكتەگى قىزۋ ناۋقاننىڭ ورتاسىندا جۇرگەن «John Deere» كومبايندارى مەن تراكتورلارى ءسوزىمىزدىڭ دالەلى. سونىمەن قاتار, اتاقتى «ەنيسەي» كومبايندارىنىڭ سوڭعى ۇلگىدەگى تەحنيكالارى دا كوپتەپ الىنعان. قىسقاسى, شىققان كۇرىشتى ونىمگە اينالدىراتىن تەحنيكاسى ساقاداي-ساي.
ورىلعان كۇرىشتى تازالاۋ دا ەرەكشە مانگە يە. بۇل رەتتە كورەيادان, قىتايدان, گەرمانيادان جەتكىزىلگەن ءۇش زاۋىت توقتاۋسىز جۇمىس ىستەپ تۇر. مەكەمە قارا كۇرىشتى تازالايتىن العاشقى زاۋىتتى 2008 جىلى ورناتقان ەكەن. ول ساعاتىنا 25 توننا ءونىم بەرەتىن بولعان. ارادا ەكى جىل وتكەندە قىتايلىق قۇرىلعىنى قوندىرادى. ول ساعاتىنا 60 توننا قارا كۇرىشتى تازالاي الادى. بىلتىر گەرمانيالىق كومپانيانىڭ جابدىعىن اكەلگەن. مۇنىڭ قۋاتى سۇراپىل ەكەن. ءبىر ساعاتتا 150 تونناعا دەيىن ءونىم
