«استانا – ادالدىق الاڭى» جوباسىنىڭ جەتەكشىسى, ەلوردا اكىمىنىڭ كەڭەسشىسى, قالالىق ءماسليحات دەپۋتاتى ميراس شەكەنوۆ اتقارىلىپ جاتقان جۇمىستار تۋرالى باياندادى.
جوبا اياسىندا «اشىق اكىمدىك» تۇجىرىمداماسى بويىنشا ەلوردانىڭ بارلىق اۋدان اكىمدىكتەرىندە ازاماتتارعا قىزمەت كورسەتەتىن زاماناۋي فرونت-كەڭسەلەر اشىلعان. وتكەن جىلدان باستاپ كاسىپكەرلەرگە قىزمەت كورسەتەتىن جاڭا «iQala» ورتالىعى جۇمىس ىستەۋدە. بيۋدجەتتىڭ اشىقتىعىن قامتاماسىز ەتۋ بويىنشا «اشىق بيۋدجەتتەردىڭ ينتەراكتيۆتى كارتاسى» مەن «بيۋدجەتكە قاتىسۋ» جوبالارى ىسكە اسۋدا.
«IQala» قالالىق قىزمەت كورسەتۋ ورتالىعىنىڭ باسشىسى ر. ءجۇمادىلوۆ ورتالىقتىڭ جۇمىسى تۋرالى اتاپ ءوتتى.
ورتالىقتا ء«بىر تەرەزە» قاعيداتى بويىنشا 131 مەملەكەتتىك قىزمەت ءتۇرى كورسەتىلەدى.
ورتالىق باسشىسى كارانتين كەزىندە جۇك كولىگىمەن ازىق-ت ۇلىك جانە ازىق-ت ۇلىككە جاتپايتىن تاۋارلاردى نۇر-سۇلتان قالاسىنا جانە نۇر-سۇلتان قالاسى ارقىلى تاسىمالدايتىن جۇرگىزۋشىلەرگە ارنالعان جاڭا «جاسىل ءدالىز» قىزمەتى تۋرالى تولىعىراق باياندادى.
جۇرگىزۋشىلەر post.iqala.kz سايتى ارقىلى ءوتىنىش بەرىپ بلوك بەكەتتەن كەدەرگىسىز وتۋگە مۇمكىندىك العان. ءوتىنىش تىكەلەي «سەرگەك: بلوك بەكەتى» قوسىمشاسىنا تۇسەدى.
جۇك كولىگىنىڭ جۇرگىزۋشىسى سايتقا كىرىپ, قالاعا كىرۋ/شىعۋ, كولىكتىڭ ءنومىرىن, جسن, تاسىمالداناتىن جۇكتىڭ اتاۋىن, ولاردىڭ سانىن جانە جۇرەتىن جولىن كورسەتىپ ءوتىنىش تولتىرۋ قاجەت.
ءوتىنىش بەرگەن كەزدە ەتسق جانە باسقا دا قۇجاتتار تالاپ ەتىلمەيدى. بۇل قىزمەت ءتۇرى نۇر-سۇلتان قالاسىنا عانا قاتىستى.
بلوك بەكەتتە اقپاراتتاردى قولمەن تولتىرۋدىڭ قاجەتى جوق. بۇل جاڭاشىلدىق جۇرگىزۋشىلەر ءۇشىن ۋاقىت ۇنەمدەۋگە مۇمكىندىك بەرەدى. ادامدارمەن تىكەلەي بايلانىس بولمايدى.
«استانا – ادالدىق الاڭى» جوباسىنىڭ مەنەدجەرى, «مى زا چيستۋيۋ سترانۋ» ەكولوگيالىق قوزعالىسىنىڭ ۇيىمداستارۋشىسى شاساليم شاگاليموۆ ەلوردانىڭ ەكولوگيالىق جاعدايىن باقىلاۋعا ارنالعان «Zhasyl Qalqan» ءموبيلدى قوسىمشاسىن تانىستىردى.
جوبا مەنەدجەرىنىڭ ايتۋىنشا, قوسىمشانىڭ كومەگىمەن ەكولوگيالىق بۇزۋشىلىقتاردى انىقتاۋعا, ەكولوگيالىق اكتسيالاردى ۇيىمداستىرۋعا جانە قاتىسۋعا, سونداي-اق قالا تۇرعىندارى وتىرعىزعان بارلىق اعاشتاردى تىركەۋگە جانە كارتاعا بەلگىلەۋگە بولادى.
ء«سىز اعاش وتىرعىزدىڭىز. سودان كەيىن قوسىمشانىڭ كومەگىمەن تالدى سۋرەتكە تۇسىرەسىز, ودان كەيىن وتىرعىزىلاتىن جەردى, اعاشتىڭ ءتۇرىن, بيىكتىگى مەن جاسىن, ديامەترىن, وتىرعىزۋ كۇنىن بەلگىلەيسىز. بەلگىلەگەننەن كەيىن اۆتوماتتى تۇردە QR كود شىعادى. ەگەر ءسىز ونى باسىپ شىعارىپ, اعاشقا تاقتايشا ەتىپ ءىلىپ قويساڭىز, وندا ءبىزدىڭ قوسىمشامىزدىڭ كومەگىمەن كەز-كەلگەن ادام وسى اعاشتىڭ تاريحى تۋرالى بارلىق اقپاراتتى وقي الادى. قازىرگى ۋاقىتتا ءبىزدىڭ قوسىمشامىزدى iKomek 109 بىرىڭعاي بايلانىس ورتالىعىنا بىرىكتىرۋ پروتسەسى ءجۇرىپ جاتىر», - دەدى شاساليم شاگاليموۆ.
«Zhasyl Qalqan» ءموبيلدى قوسىمشاسى سىزگە ءارتۇرلى ەكولوگيالىق اكتسيالاردىڭ ۇيىمداستىرۋشىسى نەمەسە قاتىسۋشىسى بولۋعا, سونداي-اق جەرگىلىكتى اكىمدىكتەرگە پروبلەمالىق ايماقتاردى كورۋگە مۇمكىندىك بەرەدى. قوسىمشانىڭ تولىققاندى جۇمىس ىستەۋى ەكولوگيالىق بۇزۋشىلىقتاردىڭ ازايۋىنا ىقپال ەتەدى.
«Zhasyl Qalqan» قوسىمشاسى «Play ماركەت» جانە رەسمي سايتتا قول جەتىمدى.
اليك شپەكباەۆ ەلىمىزدەگى جوبالىق كەڭسەلەر جۇزەگە اسىرىپ جاتقان باستامالار تۋرالى ايتتى. قوعامدا سىبايلاس جەمقورلىقتى قابىلداماۋدى قالىپتاستىرۋ ماقساتىندا اگەنتتىك حالىق اراسىندا پاراساتتىلىق قاعيداتىن ناسيحاتتاۋدا. ىسكە اسىرىلعان جوبالار تۇرمىستىق سىبايلاس جەمقورلىقتى جويۋعا جانە ازاماتتارعا قولايلى جاعداي جاساۋعا باعىتتالعان.
التاي كولگىنوۆتىڭ ايتۋىنشا, حالىق پەن بيزنەس وكىلدەرىنىڭ مەملەكەتتىك جانە باسقا دا قىزمەت تۇرلەرىن الۋ پروتسەستەرىن بارىنشا جەڭىلدەتۋ ۇيىمداردىڭ جۇمىسىندا تيىمدىلىكتى ارتتىرادى, قىزمەتتەردى الۋ پروتسەسىن جەڭىلدەتەدى جانە تۇتىنۋشىعا باعىتتالعان بارلىق ۇسىنىلاتىن قىزمەتتەردىڭ اشىقتىعىن قامتاماسىز ەتەدى.
ەلوردا اكىمى بيۋدجەتتى جانە اكىمدىكتىڭ ۆەدومستۆولىق باعىنىستى ۇيىمدارىن وڭتايلاندىرۋ بويىنشا اتقارىلىپ جاتقان جۇمىستار تۋرالى اتاپ ءوتتى.
وڭتايلاندىرۋ ناتيجەسىندە 32 ملرد تەڭگەدەن استام قاراجات ۇنەمدەۋگە مۇمكىندىك بەرگەن.
اكىم سونداي-اق قارجىلىق شىعىنداردى, سىبايلاس جەمقورلىق تاۋەكەلدەرىن ازايتۋعا جانە ءوتىنىش بەرۋشىلەردىڭ ۋاقىتىن ۇنەمدەۋگە مۇمكىندىك بەرەتىن تۇرعىن ءۇي كوممۋنالدىق شارۋاشىلىق قىزمەتتەرىن اۆتوماتتاندىرۋ بويىنشا جۇرگىزىلىپ جاتقان جۇمىستار تۋرالى ءبولىستى.
كەزدەسۋ سوڭىندا «استانا – ادالدىق الاڭى» جوباسىن دامىتۋ جانە كەڭەيتۋ بويىنشا الداعى جوسپارلار مەن مىندەتتەر تالقىلاندى.
