«بۇگىن ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىمىزدىڭ جۋرناليستيكا جانە ساياساتتانۋ فاكۋلتەتىنە سپورت جۋرناليستيكاسى ءبىلىم باعدارلاماسىنىڭ قابىلدانعانى جونىندە ءسۇيىنشى حابار كەلدى. بۇل وسى سالا بويىنشا ەلىمىزدەگى تۇڭعىش ءبىلىم باعدارلاماسى ەكەندىگىن دە ايتا كەتكىمىز كەلەدى. بۇعان دەيىن فاكۋلتەت كاسىبي جۋرناليست دايىنداپ كەلسە, بۇدان بىلاي كاسىبي سپورت جۋرناليستەرىن دە دايىندايتىن بولادى», - دەپ جازدى ءدۇرالى دۇيسەباي Facebook پاراقشاسىندا.
ونىڭ ايتۋىنشا, بۇل ءبىلىم باعدارلاماسى بويىنشا بولاشاق سپورت جۋرناليستەرى تەك سپورت جۋرناليستيكاسىنىڭ قىر-سىرىن عانا وقىپ قويمايدى, سونىمەن قاتار دەنەشىنىقتىرۋ مەن سپورتتىڭ تەورياسى مەن پراكتيكاسىن, سپورت تۇرلەرىن, سپورتشىلاردىڭ ءوسىپ-دامۋ, قالىپتاسۋى تۋرالى دا وسى سالا بويىنشا بەلگىلى مامانداردان ءتورت جىل بويى ءدارىس الادى. سپورت يندۋسترياسىنداعى ماركەتينگ پەن مەنەدجمەنتتى, جالپى سپورتتاعى PR سالاسىن, سپورتتاعى جانە سپورت جۋرناليستيكاسىنداعى تۇلعالاردىڭ تالىمدىك تاجىريبەلەرىن دە بويعا ءسىڭىرىپ وسەدى. ياعني ءتورت جىل بويى سپورتتى دا جان-جاقتى ءبىلىپ, سپورت جۋرناليستيكاسىنىڭ جانرلارى مەن قىزمەت ەتۋ ايالارىن دا تولىق زەرتتەپ, زەردەلەپ, وقىپ, كاسىبي سپورت ءجۋرناليسى بولىپ شىعادى. سونىمەن, وقۋعا قابىلداۋعا قويىلاتىن ارنايى تالاپتار:
- باكالاۆرياتقا قابىلداۋ قازاقستان رەسپۋبليكاسىنىڭ جالپى ورتا, تەحنيكالىق جانە كاسىپتىك, ورتا بىلىمنەن كەيىنگى جوعارى ءبىلىمى بار ازاماتتار مەن ۇبت جانە شىعارماشىلىق ەمتيحان ناتيجەلەرى بويىنشا (جۋرناليستيكا, ديزاين, ساۋلەت, دەنە شىنىقتىرۋ جانە سپورت باعىتتارى ءۇشىن) جۇزەگە اسىرىلادى. شەتەل ازاماتتارىن اقىلى نەگىزدە قابىلداۋ اڭگىمەلەسۋ ناتيجەسى بويىنشا جۇزەگە اسىرىلادى. ۇبت, ەكى شىعارماشىلىق ەمتيحان تاپسىرۋ, سپورتقا بەيىمدىلىگى جانە سپورت سالاسىن قانشالىقتى ءبىلۋ قابىلەتتىلىگى.
- بۇرىن العان ءبىلىمدى تانۋعا ارنالعان جانە بەيرەسمي ءبىلىم الۋشىلار ناتيجەسىنىڭ ەرەكشە شارتتارى: بۇدان بۇرىن العان ءبىلىمدى تانۋ شارتتارى ۋنيۆەرسيتەتتىڭ ىشكى نورماتيۆتىك قۇجاتتارى اياسىندا جۇزەگە اسىرىلادى. بەيرەسمي ءبىلىم بەرۋ ناتيجەلەرىن راستايتىن قۇجات – وقۋدى اياقتاۋ تۋرالى سەرتيفيكات نەمەسە وقۋدى ءبىتىرۋ تۋرالى كۋالىك. ەگەر سپورتقا قاتىستى ءبىلىمى, سپورتتىق دارەجەسى بولسا, وقۋعا تۇسۋدە باسىمدىق بەرىلەدى.
- دارەجە بەرۋ تالاپتارى مەن ەرەجەلەرى: وقۋدىڭ بارلىق كەزەڭدەرىندە, ستۋدەنتتىڭ وقۋ تۇرلەرىنىڭ ءبارىن قوسا العاندا, كەم دەگەندە 240 اكادەميالىق كرەديتتى يگەرگەندەرگە جانە قورىتىندى اتتەستاتسيانى ءساتتى اياقتاعاندارعا «باكالاۆر» دارەجەسى تاپسىرىلادى جانە جوعارى ءبىلىم تۋرالى ديپلوم قوسىمشاسىمەن (ترانسكريپت) بەرىلەدى. باكالاۆرياتتىڭ ءبىلىم بەرۋ باعدارلاماسىن مەرزىمىنەن بۇرىن يگەرگەن جانە وعان قويىلعان تالاپتاردى ورىنداعان جاعدايدا ستۋدەنتكە وقۋ مەرزىمىنە قاراماستان «باكالاۆر» دارەجەسى بەرىلەدى.
• مۇمكىندىگىنشە سپورتتىق دارەجەسىنىڭ بولۋى.
• مۇمكىندىگىنشە سپورتتىق جارىستارعا قاتىسۋى, العان ماراپات قاعازدارىنىڭ بولۋى.
• مۇمكىندىگىنشە سپورتتىق ءبىلىمىنىڭ بولۋى. - تۇلەكتەردىڭ كاسىبي بەيىنى: تۇلەكتەر قازاقستان رەسپۋبليكاسىنىڭ مەملەكەتتىك ورگاندارىندا, بۇقارالىق اقپارات قۇرالدارىندا (باق), ءباسپاسوز ورتالىقتارىندا, ءباسپاسوز قىزمەتتەرىندە, مادەنيەت جانە سپورت مينيسترلىگىندە, اتالعان مينيسترلىكتىڭ ءتيىستى اۋماقتىق ورگاندارىندا (وڭىرلىك, وبلىستىق, اۋداندىق, اۋىلدىق), ۇلتتىق وليمپيادا كوميتەتىندە, سپورت مەكەمەلەرىندە, سپورت فەدەراتسيالارىندا, سپورت كلۋبتارىندا, ستاديوندار مەن سپورت كەشەندەرىندە مامان رەتىندە قىزمەت اتقارا الادى.
تۇلەكتەردىڭ كاسىبي بەيىنىنە قوسىمشا قىزمەت اياسى:
• سپورت تەلەارنالارى;
• سپورت راديوحابارلارى;
• سپورت گازەتتەرى مەن جۋرنالدارى, سايتتار;
• مادەنيەت جانە سپورت مينيسترلىگى;
• ۇلتتىق وليمپيادالىق كوميتەت;
• سپورت كلۋبتارى;
• سپورت فەدەراتسيالارى;
• باق-تاعى سپورت بولىمشەلەرى;
• مەملەكەتتىك ەمەس ۇيىمدار.
«مۇنداي ماماندىق ازىرگە قازاقستاندا جوق. رەسەيدىڭ وزىندە ەكى-ءۇش وقۋ ورنىندا سپورت جۋرناليستەرىن ازىرلەيدى. ەندى بيىلدان باستاپ سپورت جۋرناليستيكاسى ماماندىعىنا تالاپكەرلەر قابىلدانا باستايدى. ناعىز كاسىبي سپورت ءجۋرناليسى بولام دەگەن تالاپكەرلەرگە ەسىك اشىق. كەلىڭىزدەر, كۇتەمىز», - دەپ جازدى ءدۇرالى دۇيسەباي.
