تامىزدا باستالعان جاۋىن-شاشىن ارا-تۇرا اشىلعانىمەن, بۇلت كوبەسى سوگىلمەي, كۇن ءالى دە جىلى قاباق تانىتپاي تۇر. قوڭىر كۇز تۇسكەلى بەرى اۋا رايى سۋىتپاسا جىلىر ءتۇرى جوق. بۇل بيىل قىس ەرتە تۇسەر مە ەكەن دەپ قاۋىپتەندىرەدى. سينوپتيكتەر دە مۇنى جوققا شىعارمايدى. مۇنىڭ ءوزى قىسقا تياناقتى دايىندالۋدىڭ قاجەتتىگىن العا تارتادى. وڭىردە جىلۋ بەرۋ ماۋسىمىنا دايىندىق قانداي دەڭگەيدە؟ قىستا قىسىلماس ءۇشىن قانداي شارۋالار اتقارىلدى؟
تامىزدا باستالعان جاۋىن-شاشىن ارا-تۇرا اشىلعانىمەن, بۇلت كوبەسى سوگىلمەي, كۇن ءالى دە جىلى قاباق تانىتپاي تۇر. قوڭىر كۇز تۇسكەلى بەرى اۋا رايى سۋىتپاسا جىلىر ءتۇرى جوق. بۇل بيىل قىس ەرتە تۇسەر مە ەكەن دەپ قاۋىپتەندىرەدى. سينوپتيكتەر دە مۇنى جوققا شىعارمايدى. مۇنىڭ ءوزى قىسقا تياناقتى دايىندالۋدىڭ قاجەتتىگىن العا تارتادى. وڭىردە جىلۋ بەرۋ ماۋسىمىنا دايىندىق قانداي دەڭگەيدە؟ قىستا قىسىلماس ءۇشىن قانداي شارۋالار اتقارىلدى؟
«ەگەمەن قازاقستان» گازەتىنىڭ اقتوبە وبلىسىنداعى مەنشىكتى ءتىلشىسى ساتىبالدى ءساۋىرباي وبلىستىق ەنەرگەتيكا, تۇرعىن ءۇي جانە كوممۋنالدىق شارۋاشىلىعى باسقارماسىنىڭ باسشىسى مامىرعالي اققاعازوۆقا:
– ءسىز بۇعان نە دەيسىز؟
– قازاق «قىس شاناڭدى جاز سايلا» دەگەندى تەگىن ايتپاسا كەرەك. سوندىقتان دا, جىلداعى ءداستۇر بويىنشا جاز بويى قىستىڭ قامىن جاساۋ باعىتىندا بىرقاتار شارۋا تىندىرىلدى. وبلىستا جەرگىلىكتى اتقارۋ ورگاندارىنىڭ قابىلداعان شارالارىنىڭ ناتيجەسىندە 2013-2014 جىلدارداعى جىلۋ بەرۋ ماۋسىمىنا تياناقتى ءازىرلىك جاسالدى. ۇستىمىزدەگى جىلعى 20 قىركۇيەككە دەيىن جوسپارلانعان 127 جىلۋ قازاندىعىنىڭ 125-ءى ءجوندەلدى نەمەسە ولاردىڭ قىسقى ماۋسىمعا دايىندىعى 98,4 پايىزدى قۇرادى. 281,7 شاقىرىم جىلۋ جەلىلەرىنىڭ 275,7 شاقىرىمى جوندەلدى. بۇل – جىلۋ جەلىلەرى 97,9 پايىز دايىن دەگەن ءسوز. 624,6 شاقىرىم ەلەكتر جەلىلەرىنىڭ 612,4 شاقىرىمى, 216,0 شاقىرىم سۋ جانە كارىز قۇبىرلارىنىڭ 208,9 شاقىرىمى قىستا جۇمىس ءىستەۋگە دايىن. جىلۋ بەرۋ ماۋسىمىنا ءبىلىم بەرۋ جانە دەنساۋلىق ساقتاۋ نىساندارى تولىقتاي ءازىر ەتىپ قويىلدى. ءجوندەۋ جۇمىستارىن جۇرگىزۋ جوسپارلانعان 1014 تۇرعىن ءۇي جىلۋ ماۋسىمىنا ساقاداي-ساي ءازىر.
الەۋمەتتىك جانە وندىرىستىك نىسانداردى جىلۋ بەرۋ ماۋسىمىنا دايىنداۋعا مەكەمەلەردىڭ ءوز قاراجاتى كوزدەرىنەن جانە جەرگىلىكتى بيۋدجەت ەسەبىنەن 8,6 ملرد. تەڭگە, ونىڭ ىشىندە 2,1 ملرد. تەڭگە نورماتيۆتىك وتىن قورىن دايىنداۋعا ءبولىندى. وسى مەرزىمگە مەملەكەتتىك مەكەمەلەرگە جوسپارلانعان 51,4 مىڭ توننا قاتتى وتىن تولىقتاي, 10,7 مىڭ توننا ديزەل وتىنىنىڭ 10,3 مىڭ تونناسى تاسىپ جەتكىزىلدى. بۇل جۇمىس اياقتالىپ قالدى دەسە دە بولادى. زاڭدى جانە جەكە تۇلعالاردىڭ كوممۋنالدىق قىزمەتتەرگە بەرەشەگى بىلتىرعى جىلدىڭ وسى كەزەڭىمەن سالىستىرعاندا 17 پايىزعا ازايدى نەمەسە 36,2 ميلليون تەڭگەنى قۇراپ وتىر. جىلىتۋ ماۋسىمى باستالعانعا دەيىن تۇتىنىلعان كوممۋنالدىق بەرەشەكتەردى جويۋ باعىتىندا ءتيىستى شارالار الىنۋدا.
جالپى, وبلىس بويىنشا جىلۋ بەرۋ ماۋسىمىنا دايىندىق ماسەلەسى وبلىس اكىمدىگى تاراپىنان تۇراقتى باقىلاۋدا ۇستالىپ وتىر. وسى ورايدا ايتا كەتەتىن ءبىر جايت – ءبىزدىڭ وبلىستا سوڭعى جىلدارى قىسقى كەزەڭدە توتەنشە جاعدايلار تۋىنداعان جوق. بىراق, بۇل ءبىز ءۇشىن ارقانى كەڭگە سالۋعا يتەرمەلەيتىن نارسە ەمەس. سوندىقتان قىسقى كەزەڭگە دايىندىقتى تياناقتاۋدىڭ شارۋالارى جۇيەلى جۇرگىزىلە بەرەتىن بولادى.
اقتوبە وبلىسى.
