كوكشەتاۋداعى «دوستار» مادەنيەت سارايىندا «نۇر وتان» حدپ اقمولا وبلىستىق فيليالىنىڭ كەزەكتەن تىس ءحVىى كونفەرەنتسياسى بولىپ ءوتتى.
كوكشەتاۋداعى «دوستار» مادەنيەت سارايىندا «نۇر وتان» حدپ اقمولا وبلىستىق فيليالىنىڭ كەزەكتەن تىس ءحVىى كونفەرەنتسياسى بولىپ ءوتتى.
وڭىردەگى 436 باستاۋىش ۇيىمنان سايلانعان دەلەگاتتار الدىندا ءوڭىر باسشىسى, پارتيانىڭ وبلىستىق فيليالىنىڭ توراعاسى قوسمان ايتمۇحامەتوۆ «قازاقستان-2050» ستراتەگياسىن ءجۇزەگە اسىرۋداعى پارتيانىڭ جاڭا مىندەتتەرى, «نۇر وتان» نۇرلى بولاشاق جولىندا!» جاڭا ساياسي دوكتريناسىنىڭ ماڭىزى» تاقىرىبىندا بايانداما جاسادى. كونفەرەنتسيا جۇمىسىنا «نۇر وتان» حدپ ساياسي كەڭەسى بيۋروسىنىڭ مۇشەسى, پارلامەنت ءماجىلىسىنىڭ دەپۋتاتى سۆەتلانا رومانوۆسكايا قاتىسىپ, ءسوز سويلەدى.
حالىق سەنىمى بارلىق ىستەردىڭ تۇتقاسى سانالاتىنى بەلگىلى. ۇستىمىزدەگى جىلى وبلىس كولەمىندەگى قوعامدىق قابىلداۋلاردا ءۇش مىڭنان استام ادامنىڭ ءوتىنىش-تىلەكتەرى قارالدى. بۇل بىلتىرعى مەرزىممەن سالىستىرعاندا 20 پايىزعا ارتىق. بىراق, ازاماتتار كوتەرگەن ماسەلەلەردىڭ باسىم كوپشىلىگى جەرگىلىكتى ورگاندار ارقىلى شەشىلۋگە بولاتىنىن ەسكەرتكەن ق.ايتمۇحامەتوۆ الداعى كەزدە مەملەكەتتىك ورگانداردىڭ ءبىرىنشى باسشىلارى ايماقتىق فيليالدار قابىرعاسىندا جانە اۋىلداردا كوشپەلى قابىلداۋلار ۇيىمداستىرۋىن مىندەتتەدى.
بايانداماشى وبلىستا پارتيا مۇشەلەرىنىڭ قاتارى ۇنەمى ءوسىپ, 37 مىڭنان اسقانىمەن, شاعىن جانە ورتا بيزنەس, شارۋا قوجالىقتارى وكىلدەرىنىڭ سانى از ەكەندىگىن العا تارتىپ, باستاۋىش ۇيىمدار ساپالىق قۇرامدى نىعايتۋ جۇمىستارىن جاقسارتۋى قاجەتتىگىن تاپسىردى. سونداي-اق, پارتيانىڭ سان-سالالى قىزمەتىندە «جاس وتان» جاستار قاناتىنىڭ جۇمىسىنا كومەك-قولداۋ كورسەتىپ, زامانا اۋانىنا باعىتتاۋ كۇندەلىكتى نازاردا ۇستالۋعا تيىستىگىن اتاپ كورسەتتى. قازىر التى مىڭ مۇشەسى بار جاسوتاندىقتار بارلىق دەڭگەيدەگى ماجىلىستەردىڭ ون مانداتىنا يە بولىپ وتىر. وبلىستا جاس ساياساتكەر مەكتەبى, جاس ساياساتكەر كلۋبى جۇمىس ىستەيدى. ولار زاماناۋي تەحنولوگيالاردى مەڭگەرۋ جانە باسقا الەۋمەتتىك باعدارلامالارعا بەلسەندى تۇردە قاتىسۋمەن بىرگە, تۋعان تاريح پەن سالت-داستۇرلەر قۇندىلىعىن دارىپتەۋدە يگى ىقپال جاساپ وتىر.
كونفەرەنتسيا دەلەگاتتارى «نۇر وتان» حدپ ساياسي دوكتريناسىنىڭ جوباسىن قىزۋ قولداپ, پارتيانىڭ حV سەزىنە 68 دەلەگاتتى سايلادى.
باقبەرگەن امالبەك,
«ەگەمەن قازاقستان».
اقمولا وبلىسى.
