رومان سكليار مەن تۇركىستان وبلىسىنىڭ اكىمى ومىرزاق شوكەەۆ تج سالدارىن جويۋ جۇمىستارىمەن تانىسىپ, تولەبي اۋدانىنىڭ اۋىل تۇرعىندارىمەن كەزدەسۋ وتكىزدى. كەزدەسۋ بارىسىندا زارداپ شەككەن ەلدى مەكەندەردىڭ تىنىس-تىرشىلىگىن تەز ارادا قالپىنا كەلتىرۋ ءۇشىن بيلىك تاراپىنان قابىلدانىپ جاتقان شارالار تۋرالى ايتىلدى. سونداي-اق, ماقتاارال اۋدانىنداعى سۋ باسقان اۋماقتاردى ارالاپ شىقتى.
ساپار بارىسىندا مىرزاكەنت كەنتىندەگى جەكە مەنشىك تۇرعىن ۇيلەردىڭ قۇرىلىسىن سالۋعا بولىنگەن 70 گا جەر ۋچاسكەسىندەگى جاڭا شاعىن اۋداندا جۇرگىزىلىپ جاتقان قۇرىلىس جۇمىستارى تەكسەرىلدى. ۇكىمەت رەزەرۆىنەن تۇرعىن ءۇي سالۋ, ينجەنەرلىك-ينفراقۇرىلىمدىق شىعىستاردى قامتاماسىز ەتۋ, سۋ قۇبىرى جەلىلەرىن قايتا جاڭارتۋ جانە قالپىنا كەلتىرۋ, كولىك ينفراقۇرىلىمىن قالپىنا كەلتىرۋ ءۇشىن قاراجات كوزدەلگەن.
جاڭا شاعىن اۋداننىڭ قۇرىلىسىنا 32 مەردىگەرلىك ۇيىم تارتىلعان, 313 ۇيدە قۇرىلىس جۇمىستارى باستالدى. قۇرىلىس الاڭىندا 900-گە جۋىق قۇرىلىسشى مەن 70 ارنايى تەحنيكا قۇرىلىس-مونتاجداۋ جۇمىستارىن جۇرگىزۋدە.
رومان سكليار زاقىمدالعان ۇيلەردى, كولىك جانە ينجەنەرلىك ينفراقۇرىلىم وبەكتىلەرىن قالپىنا كەلتىرۋ, سۋ باسقان اۋماقتاردان سۋدى سورۋ جۇمىستارىنىڭ قارقىنىن تومەندەتپەۋدى تاپسىردى.
