«اللا قالاسا, وسى اپتادان باستاپ جەكە قۇلشىلىق جاساپ, قۇران وقىتىپ, نەكە قيدىرۋعا نيەت بىلدىرگەن ازاماتتار ءۇشىن مەشىتتەرىمىزدى اشامىز. بۇل – ەلىمىزدەگى بارلىق مەشىتتىڭ ەسىكتەرى اشىلادى دەگەن ءسوز ەمەس. ويتكەنى ءاربىر وبلىستاعى كارانتيندىك جاعداي دەڭگەيى ءارتۇرلى. باس سانيتارلىق دارىگەردىڭ كارانتيندىك رەجىمنىڭ كەزەڭدىك تالاپتارىن ساقتاۋ بويىنشا قاۋلىسىن ۇستانۋدامىز. سونىمەن قاتار وڭىرلەردىڭ كوروناۆيرۋستىق ينفەكتسيانىڭ تارالۋىنا جول بەرمەۋ جونىندەگى جەدەل شتابتىڭ قاۋلىسىنا سايكەس جۇمىس جۇرگىزەمىز. وسىعان وراي, وبلىستاعى مەشىتتەرىمىزدىڭ اشىلۋى سول وڭىرلەردەگى كوروناۆيرۋستىق ينفەكتسيانىڭ تارالۋىنا جول بەرمەۋ جونىندەگى جەدەل شتابتىڭ قاۋلىسىنا سايكەس جۇزەگە اسىرىلادى. ال كارانتين تالاپتارىن ساقتاۋ ءۇشىن جاماعاتپەن وقىلاتىن بەس ۋاقىت, جۇما, تاراۋىق نامازدارىنا قاتىستى قويعان ۋاقىتشا شەكتەۋدى ءوز كۇشىندە قالدىرىپ وتىرمىز. جاماعاتپەن وقىلاتىن نامازداردىڭ مەرزىمىن الداعى ۋاقىتتا قوسىمشا حابارلايمىز. قاسيەتتى كىتابىمىز قۇراندا: «راسىندا, قيىندىقپەن بىرگە جەڭىلدىك بار. اللا سەندەرگە جەڭىلدىك قالايدى», دەلىنگەن. مىنە, اللاعا شۇكىر, ەلىمىزدە توتەنشە جاعداي مەرزىمى اياقتالىپ, حالقىمىز قالىپتى ءومىر تىرشىلىگىنە اۋىسا باستادى. الايدا كارانتين رەجىمىنىڭ تالاپتارىن قاتاڭ ساقتاپ, ساقتىق شارالارىنا اسا ءمان بەرۋىمىز قاجەت. وسى رەتتە, مىنا تالاپتاردى ورىنداۋعا شاقىرامىن, مەشىتكە كەلۋشى بارشا جاماعاتتى مەديتسينالىق ماسكا جانە قولعاپ كيىپ كەلۋگە, انتيسەپتيك قۇرىلعىسىن ءجيى قولدانۋعا, جەكە قۇلشىلىق جاساۋ كەزىندە ءبىر جارىم مەتر اراقاشىقتىقتى ساقتاۋعا, قۇران وقيتىن بولمەگە ءبىر جارىم مەتر اراقاشىقتىقتى ساقتاي وتىرىپ, 10 ادامنان ارتىق كىرمەۋگە, نەكە قيدىراتىن بولمەگە 4 ادامنان ارتىق كىرمەۋگە. مەشىت يمامدارىنىڭ كەڭەسىنە قۇلاق اسىپ, مەشىتكە لەك-لەگىمەن كەزەكپەن كىرۋگە, مەشىتتە 15 مينۋتتان ارتىق بولماۋعا شاقىرامىن. بۇل مەشىت اۋاسىن ءار 3 ساعات سايىن تازا اۋامەن الماستىرىپ وتىرۋعا مۇمكىندىك بەرەدى», دەدى باس ءمۇفتي.
سونىمەن قاتار ول قادىر ءتۇنى مامىر ايىنىڭ 19-نان 20-نا قاراعان تۇنگە سايكەس كەلىپ وتىرعانىن جەتكىزىپ, بۇل ءتۇندى ۇيدە قارسى الۋ قاجەتتىگىن ايتىپ ءوتتى.
«بيىل قاسيەتتى رامازان ايىنىڭ كارانتين جاعدايىندا ءوتىپ جاتقانىن وزدەرىڭىز كورىپ وتىرسىزدار. بۇل جاعداي ساۋاپتى امالدار مەن يگى شارالارعا كەدەرگى كەلتىرمەدى. مەشىت تاراپىنان 100 مىڭعا جۋىق كومەككە مۇقتاج وتباسىنا قايىرىمدىلىق جاسالدى. اۋىزاشار اسى ءالى كۇنگە دەيىن تەگىن تاراتىلۋدا. ساۋاپتار ەسەلەنىپ جازىلاتىن بەرەكەلى ايدا يگى ىسكە اتسالىسقان بارشا ازاماتقا ايرىقشا العىسىمدى بىلدىرەمىن. اللا رازى بولسىن! «قايىرىمدىلىق جاساساڭ – قايىرىن ءوزىڭ كورەسىڭ» دەپ حالقىمىز ايتقانداي, يگى امالدىڭ ساۋابى ەسەلىنىپ, قايىرىن وزدەرىڭىز كورىڭىزدەر دەپ تىلەيمىن. ءبىز وسىناۋ يگى جۇمىستارمەن شەكتەلمەي, ماقتاارال اۋدانىنداعى جەرلەستەرىمىزگە ءار وبلىستاعى مەشىتتەردىڭ قولداۋىمەن ازىق-ت ۇلىك تيەلگەن جۇك كولىكتەرىن جىبەردىك. قارجىلاي دا قولداۋ كورسەتتىك. ءبىز بۇگىن «زەكەت» قورىنىڭ ۇيىمداستىرۋىمەن, وبلىستاعى مەشىتتەردىڭ اتسالىسۋىمەن 10 ميلليون تەڭگە قارجىلاي كومەكتى «تۇركىستان كورپوراتيۆتىك الەۋمەتتىك دامۋ قورىنا» اۋداردىق. سونىمەن قاتار 30 توننا ۇن جەتكىزەتىن بولامىز. اللا قالاسا, ماقتاارال اۋدانىنداعى باسپاناعا اسا ءزارۋ ەكى وتباسىعا ەكى ءۇيدىڭ كىلتىن تابىستايمىز. توتەنشە جاعداي كەزىندە قازاقستان مۇسىلماندارى ءدىني باسقارماسىنىڭ قابىلداعان شەشىمىنە تۇسىنىستىك تانىتىپ, ورازانى وقشاۋ تۇردە وتكىزىپ, ۇيدە قۇلشىلىق ەتىپ جاتقان بارشاڭىزعا ءوز اتىمنان تاعى دا العىسىمدى جەتكىزەمىن», دەدى ناۋرىزباي قاجى تاعان ۇلى.
