قازاقستاندىقتار Kaspi.kz ارقىلى رەكوردتىق مولشەردە ونلاين زات ساتىپ الدى

Kaspi.kz باسشىسى ميحايل لومتادزە بۇل تۋرالى پىكىر ءبىلدىردى.

ء«بىز ونلاين ساتىپ الۋ بۇدان دا ءتيىمدى, ىڭعايلى بولۋى ءۇشىن Kaspi.kz-تەگى ماگازيندى دامىتۋدامىز. ءبىزدىڭ كوماندا تۇراقتى تۇردە اسسورتيمەنتتى ۇلعايتىپ, جاڭا سەرىكتەستەر قوسىپ, بۇكىل ەل اۋماعىنا جەتكىزۋ اۋقىمىن ۇلعايتۋدا. جىل باسىنان بەرى قازاقستاننىڭ 54 قالاسىنىڭ تۇرعىندارى 69 ميلليارد تەڭگەگە 900 مىڭ تاپسىرىس جاسادى. تاپسىرىس سانى وتكەن جىلمەن سالىستىرعاندا 2 ەسەدەن جوعارى نەمەسە 116% ءوستى. ءساۋىردىڭ ەكىنشى جارتىسىندا ءبىز تاپسىرىستاردى ءوز ەسەبىمىزدەن تەگىن جەتكىزدىك, بۇل كارانتين مەن توتەنشە جاعداي كەزىندە اسا ماڭىزدى بولدى. سونداي-اق ءبىز ساۋىردە ونلاين ساتىپ الۋدى بۇدان دا ءتيىمدى ەتىپ, سۇيىكتى كليەنتتەرىمىزگە Kaspi Gold پەن Kaspi Red ارقىلى ساتىپ العان ءاربىر زات ءۇشىن 10% بونۋس سىيلادىق.

پاندەميا جاعدايىندا جانە ۆيرۋستىڭ تارالۋ قاۋپى جوع­ارى بولعان كەزدە جەتكىزۋ قىزمەتى­مەن ونلاين زات ساتىپ الۋ كوپتە­گەن قازاقستاندىق وتباسى ءۇشىن قولايلى ءارى قاجەتتى بولىپ قانا قويماي, ءبىزدىڭ سەرىكتەستەرىمىزگە ساتىلىمدار مەن جۇمىس ورىندارىن ساقتاپ قالۋعا كومەكتەسەدى. ءبىزدىڭ كوماندامىز پرەزيدەنت جانىن­داعى توتەنشە جاعداي جونىندەگى مەملەكەتتىك كوميس­سيا­نىڭ قولداۋىمەن جانە اكىم­دىكتەردىڭ جەدەل شتابتارىمەن, سەرىكتەستەرمەن جانە كۋرەرلىك قىز­مەتتەرمەن بىرلەسىپ, جەتكىزۋ قىز­مەتىنىڭ جۇمىسىن ۇيىمداس­تىرۋ جا­نە قازاقستاندىقتارعا ۇيدەن شىق­پاي-اق قاۋىپسىز ونلاين زات سا­تىپ الۋعا مۇمكىندىك بەرۋ ءۇشىن بار كۇش-جىگەرىن سالدى. ءبىز­دىڭ كو­مان­دامىزدىڭ جانە سۇيىك­تى كليەنت­تەرىمىزدىڭ اتىنان بۇكىل ەلىمىز بويىنشا جانە ءار قالا­داعى جەتكىزۋ قىزمەتىمەن ونلاين زات ساتىپ الۋدى ۇيىمداستىرۋعا كومەكتەسكەن ءار ادامعا راقمەت ايتامىن», دەپ اتاپ ءوتتى ميحايل لومتادزە.

ساتۋ

• بيىلعى جىلدىڭ العاشقى 4 ايىندا تاپسىرىس سوماسى 103% ءوسىپ, وتكەن جىلدىڭ سايكەس كەزەڭىندەگى 34 ميلليارد تەڭ­گەمەن سالىستىرعاندا رەكوردتىق 69 ميلليارد تەڭگەگە جەتتى
• تاپسىرىس سانى 2 ەسەگە,

417 000-نان 900 000 تاپسىرىس­قا جەتتى. ءوسىم – 116%

• بارلىق تاپسىرىس اراسىندا Kaspi.kz ءموبيلدى قولدانباسى ارقىلى راسىمدەۋ كولەمى ۇلعا­يىپ, وتكەن جىلعى 83%-بەن سالىس­تىر­عاندا 94%-عا جەتتى. Kaspi.kz ءمو­بيل­دى قولدانباسى ارقى­لى ساتىپ الۋدى تاڭدايتىن قازاق­ستاندىقتار كوبەيىپ كەلەدى.

تاۋار تۇرلەرى

• ءساۋىر ايىندا Kaspi.kz-تەگى ماگازيندە ۇسىنىلعان تاۋار سانى وتكەن جىلدىڭ ساۋىرىندەگى 130 000-نان ۇلعايىپ, 220 000-عا جەتتى.
• سۇرانىسقا يە جاڭا ساناتتار پايدا بولدى – كيىم, اياق كيىم, جاتتىعۋ جابدىقتارى, سپورت تاعام­دارى, دەكوراتيۆتى كوس­مە­­تيكا, جون­دەۋگە ارنالعان قۇرال­دار, قۇرىلىس جابدىقتارى مەن جانۋار­لارعا ارنالعان تاۋارلار جانە باسقا دا كوپتەگەن زات.
• تاپسىرىس كولەمى بويىنشا توپ 10-قا ءۇي مەن ساياجاي زاتتارى (+464%); سپورت پەن تۋريزم (+406%); قۇرىلىس پەن جوندەۋ (+394%); بوس ۋاقىتتى وتكىزۋ مەن كىتاپتار (+379%); اشەكەيلەر مەن اكسەسسۋار­لار (+231%); ءسان مەن دەنساۋ­لىق (+176%); تۆ, اۋديو, ۆيدەو (+172%); كومپيۋتەرلەر (+166%); جيھاز (+141%); بالالار تاۋارلارى (+129%) سىندى ساناتتار كىردى.
• كارانتين مەن توتەنشە جاع­داي كەزىندە 2020 جىلدىڭ ساۋى­رىن­دە 2020 جىلدىڭ ناۋرىز ايىمەن سالىستىرعاندا شاش قيۋ قۇ­رال­­دارى (+716%), گازونشاپ­قىش (+477%), ەدەن تارازىلارى(+363%), سەكىر­گىش ءجىپ پەن گانتەل­دەر (+351%), اس ءۇي تارازىسى مەن پىسىرۋگە ارنالعان فورمالار (+277%) سا­تىلىم جاعى­نان ەرەكشە ءوسىم كورسەتتى.

سەرىكتەستەر

• Kaspi.kz-تەگى ماگازين ار­قىلى تاۋار ساتاتىن كومپا­نيا­لار­دىڭ 80%-ى شاعىن جانە ورتا بيزنەس نىساندارى
• Kaspi.kz ءتۇرلى تاۋار ءوندىرۋ­شى قازاقستاندىق كومپانيالارمەن بەل­سەندى جۇمىس ىستەيدى. وتكەن جىل­دىڭ ساۋىرىنەن بەرى ەلەكتروندى كوممەرتسيانىڭ ۇزدىك پلاتفورماسىنا ADILI (اكسەسسۋارلار), استاۋ (ىدىس-اياق), Balausa jewelry (اشەكەي بۇيىمدارى), BEKZAT sport (سپورت تاۋارلارى), VEGA ء(سان بۇيىم­دارى مەن اشەكەيلەر), GLASMAN (كيىم), DiDi Style (كيىم), EMPIRE (سۋۆەنيرلىك زاتتار), كازاحيۋۆەلير (اشەكەي زاتتارى), KresloComfort (جيھاز), MIMIORIKI (بالالار تا­ۋارلارى), OTAN (ساعات), ويۋ (كىلەم), SMAN (اياق كيىم) جانە باسقا دا قازاقستاندىق تانىمال برەندتەر مەن كومپانيالار قوسىلدى.
• وتكەن جىلدىڭ ساۋىرىنەن بەرى Kaspi.kz-تە adidas, BOSCH, CASIO, Columbia, DECATHLON, DeFacto, MANSOON, Marks & Spencer, Milavitsa, Nike, Reebok جانە باسقا دا تانىمال حالىقارالىق برەندتەر ساتىلا باستادى.

جەتكىزۋ

• جىل باسىنان بەرى العاشقى 4 ايدا وتكەن جىلدىڭ سايكەس مەرزىمىنە قاراعاندا جەتكىزىلگەن تاپسىرىس كولەمى 3 ەسەدەن استى. Kaspi.kz جەتكىزۋ قىزمەتى اياسىندا قازپوشتا, DHL, DPD, Gallop, Pony Express مەن Zammler سىندى جەتەكشى كۋرەرلىك التى كومپانيامەن سەرىكتەس.
• ءساۋىردىڭ ەكىنشى جارتىسىندا Kaspi.kz تەگىن جەتكىزە باستادى جانە ءوز ەسەبىنەن بۇكىل ەل اۋماعىن­­د­ا 240 000 تاپسىرىس ورىن­دادى. 2020 جىلدىڭ ءساۋىر ايىندا كوم­پا­نيا كۇن سايىن 2019 جىل­دىڭ قارا­شا ايىنداعى Kaspi جۇما ءتيىمدى سا­تىپ الۋ مەرەكەسىنىڭ بارلىق ۋا­قى­­تى­نان دا كوپ تاپسىرىس ورىندادى.
• Kaspi.kz جوسپارلى تۇردە قالا­لار سانىن ۇلعايتۋدا جانە 2019 جىلدىڭ ساۋىرىندەگى 34 قالامەن سالىستىرعاندا 2020 جىلدىڭ ءساۋىر ايىندا قازاقستاننىڭ 54 قالاسىنا زات جەتكىزدى. ەندى اقسۋ, التاي, ارال, ارىس, بايقوڭىر, بەينەۋ, جار­كەنت, زايسان, كاراتاۋ, كەنتاۋ, قورداي, ليساكوۆ, ريددەر, ساران, ستەپنوگور, تەكەلى, شاردارا مەن شۋ قالالارىنىڭ تۇرعىندارى ساتىپ الۋمەن بىرگە جەتكىزۋ قىز­مەتىن پايدالانا الادى.
• تاپسىرىس كولەمى بويىنشا تۇركىستان (+436%), جەتىساي (+399%), بالقاش (+362%), قاپشاعاي (+358%) جانە اقساي (+354%) قالالارى ەڭ جوعارى ءوسىم كورسەتتى
• جەتكىزۋ قىزمەتى بويىنشا ەڭ جوعارى ۇلەس الماتى (34%), نۇر-سۇلتان (14%), شىمكەنت (6%), قارا­عاندى (6%) جانە اقتوبە (4%) قالالارىندا. بۇل توپ 5 قا­لا­نىڭ ۇلەسى بارلىق جەتكىزىلگەن تاپ­سىرىستاردىڭ 64%-ىن قۇرايدى.