پرەزيدەنت • 18 مامىر، 2020

تۇركيا پرەزيدەنتى قازاقستاننىڭ COVID-19 ىندەتىنە قارسى ءىس-شارالارىنا قولداۋ ءبىلدىردى

40 رەت كورسەتىلدى

مەملەكەت باسشىسى قاسىم-جومارت توقاەۆتىڭ اتىنا تۇركيا پرەزيدەنتى رەجەپ تايپ ەردوعاننىڭ جولداۋ حاتى كەلىپ ءتۇستى. قۇجاتتا ەلىمىزدىڭ جاڭا كوروناۆيرۋسقا قارسى قابىلداپ جاتقان كەشەندى ءىس-ارەكەتتەرىنە جوعارى باعا بەرىلدى. بۇل تۋرالى اقوردانىڭ ءباسپاسوز قىزمەتى حابارلادى.

– قازاقستاندا COVID-19 ىندەتىنە قارسى قابىلدانىپ جاتقان ءتيىمدى شارالار مەن جۇمىستارىڭىزدى مۇقيات قاداعالاپ وتىرمىز. ەڭ الدىمەن، ىندەتپەن كۇرەستە العى شەپتەگى مەديتسينا قىزمەتكەرلەرىنىڭ جۇمىسىنا تابىس تىلەيمىن. قازاق حالقى بۇل داعدارىستى از شىعىنمەن ەڭسەرەتىنىنە سەنىمىم مول. وسى ورايدا، دوستاس ءارى باۋىرلاس قازاقستانعا قول ۇشىن سوزۋعا ءاردايىم دايىنبىز. قازاقستاندىق دوستارىمىزدىڭ كۇش-جىگەرىنە قولداۋ بولار دەگەن نيەتپەن ەلىڭىزگە مەديتسينالىق جابدىقتار جىبەرۋدەمىن، – دەلىنگەن حاتتا.

تۇركيا پرەزيدەنتى كوروناۆيرۋس پاندەمياسى سالدارىنان قايتىس بولعان قازاقستان ازاماتتارىنىڭ وتباسىلارىنا كوڭىل ايتىپ، قاۋىپتى اۋرۋ جۇقتىرعانداردىڭ تەزىرەك ساۋىعۋىنا تىلەكتەستىگىن جەتكىزدى.

سونداي-اق، رەجەپ تايپ ەردوعان ورتاق تاريح پەن باۋىرلاستىقتان باستاۋ الاتىن ەكىجاقتى ستراتەگيالىق ارىپتەستىك قازىرگى داعدارىستان كەيىن ءارى قاراي بەكي تۇسەتىنىنە سەنىمدى.

سوڭعى جاڭالىقتار

ورازانىڭ ءار ءساتى ساۋاپ

رۋحانيات • كەشە

ءسوزدىڭ جەتى بوياۋى

تانىم • كەشە

ۇقساس جاڭالىقتار