ورتالىق تۇرعىندارعا ء«بىر تەرەزە» قاعيداسى بويىنشا 70-تەن استام مەملەكەتتىك قىزمەت كورسەتەدى. كارانتين كەزىندە ورتالىق ونلاين رەجيمىندە كومەك كورسەتە وتىرىپ, ءوز جۇمىسىن توقتاتقان جوق. قازىر «جانۇيا» شتاتتىق رەجيمدە جۇمىس ىستەيدى.
ء«بىز ورتالىق جۇمىسىن قالپىنا كەلتىردىك. تج كەزىندە قالا تۇرعىندارىنا كولل-ورتالىق ارقىلى قىزمەت كورسەتتىك. وسى كەزەڭدە بىزگە 5 مىڭعا جۋىق ادام ءوتىنىش ءبىلدىرىپ, بارلىعىنا قاجەتتى كەڭەس بەرىلدى», – دەيدى نۇر-سۇلتان قالالىق ەڭبەك جانە حالىقتى الەۋمەتتىك قورعاۋ باسقارماسى باسشىسىنىڭ ورىنباسارى ايگەرىم تاڭىربەرگەنوۆا.
اشىلعان ساتتەن باستاپ مۇندا 27 مىڭ ماسەلە بويىنشا 12,7 مىڭنان استام ازامات جۇگىندى. ونىڭ ىشىندە 20 مىڭ ماسەلە قارالدى, ياعني كونسۋلتاتسيالىق قادامدىق كومەك كورسەتىلدى, 7 مىڭى بويىنشا ءتيىستى شارالار قابىلداندى.
سونىمەن قاتار «جانۇيادا» ونلاين رەجيمدە كوپ بالالى ايەلدەر, مۇگەدەك بالالاردى تاربيەلەپ وتىرعان ايەلدەر, تولىق ەمەس وتباسىلار ءۇشىن «كاسىپكەر انا» وقىتۋ كۋرستارى وتۋدە.
«وسى جوبا اياسىندا ديزاينەر, كوپيرايتەر, سمم مامانى جانە باسقا دا قاجەتتى ماماندىقتارعا وقۋعا بولادى. جوبا ارقىلى بەس جۇزدەن استام ايەل وقىتىلدى. ولاردىڭ 70-ءى ۇيدە نەمەسە ءوزىنىڭ شاعىن ءىسىن اشتى. مەنىڭ ويىمشا, بۇل جەتىستىك», – دەيدى ا.تاڭىربەرگەنوۆا.
