«وسىعان وراي, حالىقارالىق تۇركى اكادەمياسى بۇگىنگى تۇركى جازۋى كۇنىمەن شىن جۇرەكتەن قۇتتىقتايدى. قازىرگى تاڭدا حالىقارالىق تۇركى اكادەمياسىندا تۇركى جازۋىن زەرتتەپ, اۋدارۋمەن اينالىساتىن «تۇركولوگيا, التايستيكا جانە موڭعولتانۋ» ءبولىمى جۇمىس ىستەيدى. اكادەميا ۇنەمى تۇركىلەردىڭ جازۋ ەسكەركىشتەرىنە قاتىستى تىڭ زەرتتەۋلەرگە قولداۋ ءبىلدىرىپ كەلەدى. اتاپ ايتقاندا, بيىل 24 ساۋىردە اكادەميانىڭ باستاماسىمەن يۋنەسكو دەڭگەيىندە «تونىكوك جىلى» رەسمي جاريالانىپ, تونىكوك ەسكەرتكىشىنىڭ 1300 جىلدىعىنا وراي الەمنىڭ 12 تىلىندەگى اۋدارمالارى ەنگىزىلگەن «Bilge Tonyquq» جيناعى جارىق كوردى», - دەپ حابارلادى تۇركى اكادەمياسىنىڭ ءباسپاسوز قىزمەتى.
